വിവാഹത്തിന് ഒരുക്കങ്ങൾ നടത്താമെന്ന് പറഞ്ഞ് ഗോരക്ഷകനിൽ നിന്ന് ഒരാൾ 30,000 രൂപ തട്ടിയെടുത്തതായി പരാതി. 2023 -ലെ നൂഹ് വർഗീയ കലാപത്തിലെ പ്രതിയായ ബിട്ടു ബജ്റംഗിയുടെ പരാതിയുടെ അടിസ്ഥാനത്തിൽ പ്രതിക്കും കൂട്ടാളികൾക്കും എതിരെ എഫ്ഐആർ രജിസ്റ്റർ ചെയ്തിട്ടുണ്ടെന്ന് പോലീസ് പറഞ്ഞു.
പരാതി പ്രകാരം, അയൽവാസിയുടെ ബന്ധുവായ പ്രതി ബണ്ടിയോട് താൻ വിവാഹം കഴിക്കാൻ ആഗ്രഹിക്കുന്നുവെന്നും അനുയോജ്യമായ ഒരു പങ്കാളിയെ അറിയാമെങ്കിൽ തന്നെ അറിയിക്കണമെന്നും ബജ്രംഗി പറഞ്ഞു. ഇപ്പോൾ പ്രതിയായ ബണ്ടി ബജ്രംഗിയെ ഏജന്റായ റാണി എന്ന സ്ത്രീക്ക് അന്ന് പരിചയപ്പെടുത്തി.
ഇതിനുശേഷം, ബണ്ടിയും റാണിയും ബജ്രംഗിയെ കാണാൻ അലിഗഡിലേക്ക് മൂന്ന് തവണ ക്ഷണിച്ചു. പക്ഷേ അവയൊന്നും അദ്ദേഹത്തിന് ഇഷ്ടപ്പെട്ടില്ല. തുടർന്ന് ബണ്ടി ബജ്രംഗിക്ക് ഇഷ്ടപ്പെട്ട ഒരു യുവതിയുടെ ഫോട്ടോ അയച്ചുകൊടുത്തു.
2025 സെപ്റ്റംബർ 5ന് ബണ്ടിയും ഏജന്റ് റാണിയും സ്ത്രീയും കുടുംബവും ബജ്രംഗിയുടെ വീട് സന്ദർശിച്ചു. ഫെബ്രുവരി 7ന് വിവാഹം നിശ്ചയിച്ചിരുന്നുവെന്ന് പരാതിക്കാരൻ ആരോപിച്ചു.
വഗ്ദാനം ചെയ്തതുപോലെ, ഫെബ്രുവരി 6ന് വധുവിന് വസ്ത്രങ്ങൾ വാങ്ങുന്നതിനായി ബജ്രംഗി 30,000 രൂപ പ്രതിക്ക് കൈമാറി. വിവാഹ ഘോഷയാത്രയുമായി അദ്ദേഹം അലിഗഡിൽ എത്തിയപ്പോൾ പ്രതികളെ എവിടെയും കാണാനില്ലെന്നും അവരുടെ മൊബൈൽ ഫോണുകൾ സ്വിച്ച് ഓഫ് ചെയ്തിരിക്കുക ആയിരുന്നുവെന്നും പരാതിയിൽ പറയുന്നു.
“ഞാൻ വധുവിൻ്റെ നമ്പറിൽ വിളിച്ചപ്പോൾ, വിവാഹത്തെ കുറിച്ച് തനിക്ക് ഒന്നും അറിയില്ലെന്നും എനിക്ക് വെറും കൈയോടെ മടങ്ങേണ്ടി വന്നെന്നും അവൾ പറഞ്ഞു,” -ബജ്രംഗി തൻ്റെ പരാതിയിൽ പറഞ്ഞു.
പരാതിയുടെ അടിസ്ഥാനത്തിൽ, ബണ്ടി, ഏജന്റ് റാണി എന്നിവർക്കെതിരെ ഫരീദാബാദിലെ സരൺ പോലീസ് സ്റ്റേഷനിൽ ഭാരതീയ ന്യായ സംഹിതയുടെ വകുപ്പുകൾ പ്രകാരം എഫ്ഐആർ രജിസ്റ്റർ ചെയ്തിട്ടുണ്ടെന്നും അന്വേഷണം നടന്നു വരികയാണെന്നും ഒരു മുതിർന്ന പോലീസ് ഉദ്യോഗസ്ഥൻ പറഞ്ഞു. -പിടിഐ
