യുഎസ് പ്രസിഡന്റ് ഡൊണാൾഡ് ട്രംപുമായുള്ള തർക്കത്തിനിടയിൽ, “നിങ്ങൾക്ക് (യുഎസ് പൗരന്മാർക്ക്) നിങ്ങളുടെ സ്വാതന്ത്ര്യം തിരികെ നൽകുന്നതിനായി” ‘അമേരിക്കൻ പാർട്ടി’ എന്ന പേരിൽ ഒരു പുതിയ പാർട്ടി ടെസ്ല സിഇഒ എലോൺ മസ്ക് ശനിയാഴ്ച പ്രഖ്യാപിച്ചു. ഈ പ്രഖ്യാപനം നടത്തുന്നതിനിടെ, ഓപ്ഷനുകളുടെ അഭാവത്തെ കുറിച്ച് യുഎസിൻ്റെ നിലവിലെ രാഷ്ട്രീയ സാഹചര്യത്തെ മസ്ക് വിമർശിച്ചു.
“നമ്മൾ ജീവിക്കുന്നത് ഒരു ജനാധിപത്യത്തിലല്ല, ഒരു ഏകകക്ഷി സംവിധാനത്തിലാണ്” -എന്ന് പറഞ്ഞു. സോഷ്യൽ മീഡിയ പ്ലാറ്റ്ഫോമായ എക്സിൽ മസ്ക് ഒരു വോട്ടെടുപ്പ് നടത്തിയതിന് ശേഷമാണ് ഇത്. ഉപയോക്താക്കളോട് ഒരു പാർട്ടി ആരംഭിക്കണോ എന്ന് ചോദിച്ചു, അവരിൽ 65 ശതമാനം പേരും സമ്മതിച്ചു.
“രണ്ടിൽ ഒന്ന് എന്ന അനുപാതത്തിൽ, നിങ്ങൾക്ക് ഒരു പുതിയ രാഷ്ട്രീയ പാർട്ടി വേണം. നിങ്ങൾക്ക് അത് ലഭിക്കും! മാലിന്യവും അഴിമതിയും കൊണ്ട് നമ്മുടെ രാജ്യത്തെ പാപ്പരാക്കുന്ന കാര്യം വരുമ്പോൾ നമ്മൾ ജീവിക്കുന്നത് ഒരു ജനാധിപത്യ സംവിധാനത്തിലല്ല. ഒരു ഏകകക്ഷി സംവിധാനത്തിലാണ്. ഇന്ന്, നിങ്ങളുടെ സ്വാതന്ത്ര്യം നിങ്ങൾക്ക് തിരികെ നൽകുന്നതിനാണ് ‘അമേരിക്ക പാർട്ടി’ രൂപീകരിച്ചിരിക്കുന്നത്,” -മസ്ക് എക്സിൽ എഴുതി.
മുൻ ഡോഗ് മേധാവി നിശിതമായി വിമർശിച്ച “ബിഗ് ബ്യൂട്ടിഫുൾ ബില്ല്” സംബന്ധിച്ച് യുഎസ് പ്രസിഡന്റും അദ്ദേഹത്തിൻ്റെ മുൻ ഉപദേഷ്ടാവും തമ്മിൽ ഉണ്ടായ വലിയ പിരിമുറുക്കത്തിന് ശേഷമാണ് മസ്ക് പാർട്ടിയെ കുറിച്ചുള്ള ചിന്തകൾ ആരംഭിച്ചത്.
വ്യാഴാഴ്ച യുഎസ് കോൺഗ്രസ് ‘ബിഗ് ബ്യൂട്ടിഫുൾ ബിൽ’ പാസാക്കി. ട്രംപ് ജൂലൈ നാലാം തിയതി അതിൽ ഒപ്പുവച്ചു. തൻ്റെ സുപ്രധാന നിയമനിർമ്മാണ വിജയത്തെ അടയാളപ്പെടുത്തുന്നതിനായി വൈറ്റ് ഹൗസിന് പുറത്ത് ഒരു ഒപ്പിടൽ ആഘോഷം നടത്തി. വൈറ്റ് ഹൗസിൽ നിന്ന് പോയതിന് ശേഷം ട്രംപിൻ്റെ നയ ബില്ലിൻ്റെ പ്രത്യേകിച്ച് ദേശീയ കമ്മിയിൽ അതിൻ്റെ പ്രവചിക്കപ്പെട്ട പ്രത്യാഘാതങ്ങളുടെ കാര്യത്തിൽ മസ്ക് ശക്തമായ വിമർശകനായിരുന്നു.
ട്രംപിൻ്റെ നിയമ നിർമ്മാണത്തെ പിന്തുണച്ച റിപ്പബ്ലിക്കൻമാരെ വെല്ലുവിളിക്കുന്നവരെ പിന്തുണക്കാനുള്ള തൻ്റെ ഉദ്ദേശ്യവും മസ്ക് പ്രഖ്യാപിച്ചിട്ടുണ്ട്. ബില്ലിൻ്റെ ശ്രദ്ധേയ എതിരാളിയായ പ്രതിനിധി തോമസ് മാസിയെ താൻ പിന്തുണക്കുമെന്ന് അദ്ദേഹം കൂട്ടിച്ചേർത്തു.
ബില്ലിൻ്റെ വൻതോതിലുള്ള ചെലവിനെ വിമർശിച്ചു കൊണ്ട് ഒരു പുതിയ രാഷ്ട്രീയ പാർട്ടി രൂപീകരിക്കണമെന്നും മസ്ക് ആവശ്യപ്പെട്ടതായി ഹിൽ റിപ്പോർട്ട് ചെയ്തു. മുൻ ഡൊണാൾഡ് ട്രംപ് ഉപദേഷ്ടാവായ മസ്ക് തൻ്റെ പാർട്ടി പ്രഖ്യാപിച്ചിട്ടുണ്ടെങ്കിലും ഇതുവരെ ഒരു വ്യക്തമായ പദ്ധതിക്ക് രൂപം നൽകിയിട്ടില്ല.
വാർത്തകൾക്ക് ഗ്രൂപ്പിൽ ചേരാം:
