മലപ്പുറം, മങ്കടയിൽ ഇടിമിന്നലേറ്റ് നാല് പേർ മരിച്ചു. കുരുങ്ങൻചോല വ്യൂ പോയിൻ്റിലാണ് സംഭവം. വെള്ളിമല സ്വദേശികളായ വിദ്യാര്ത്ഥികളാണ് അപകടത്തില്പ്പെട്ടത്.
വെള്ളിമല പുതുക്കുടി വീട്ടില് അലിയുടെ മകന് റഹീസ് (20), ആലിക്ക പറമ്പില് വീട്ടില് അസീസിൻ്റെ മകന് സിയാദ് (18), കൂരിമണ്ണില് പുത്തന്വീട്ടില് സെയ്തലവിയുടെ മകന് ബഹാസ് (18), നിസാറിൻ്റെ മകന് ഫഹദ് (22) എന്നിവരാണ് മരിച്ചത്. റോഷന് (20), ഇഷ്ത്താഹ് (19), സല്മാനുല് ഫാരിസ് (21) എന്നിവര്ക്കാണ് പരിക്കേറ്റത്. പരിക്കറ്റവരെ ആശുപത്രിയിൽ പ്രവേശിപ്പിച്ചു. ഇവരുടെ ആരോഗ്യനില തൃപ്തികരം ആണെന്നാണ് വിവരം.
ശക്തമായ ഇടിമിന്നലാണ് പ്രദേശത്തുണ്ടായത്. ഇടിമിന്നലേറ്റ വിദ്യാർത്ഥികൾ കുഴഞ്ഞ് വീഴുക ആയിരുന്നു. പ്രദേശവാസികളാണ് വിദ്യാർത്ഥികളെ അടുത്തുള്ള ആശുപത്രിയിൽ എത്തിച്ചത്. ഉടൻ തന്നെ സിപിആർ നൽകി. എന്നാൽ നാല് വിദ്യാർത്ഥികൾ മരിക്കുകയായിരുന്നു. പരിക്കേറ്റവരെ മഞ്ചേരി മെഡിക്കൽ കോളേജ് ആശുപത്രിയിലേക്ക് മാറ്റി.
