Warning: Cannot modify header information - headers already sent in /home1/nalamida/public_html/wp-content/plugins/gtranslate/gtranslate.php on line 90
ഗുവാഹത്തിയിൽ ഹോട്ടലിൽ വെടിവെപ്പ്; നാല് പേർ കൊല്ലപ്പെട്ടു | Nalamidam
3 November 2026
Home News National ഗുവാഹത്തിയിൽ ഹോട്ടലിൽ വെടിവെപ്പ്; നാല് പേർ കൊല്ലപ്പെട്ടു

ഗുവാഹത്തിയിൽ ഹോട്ടലിൽ വെടിവെപ്പ്; നാല് പേർ കൊല്ലപ്പെട്ടു

അന്വേഷണത്തിന്റെ ഭാഗമായി മൊഴികൾ രേഖപ്പെടുത്തുകയും മറ്റ് തെളിവുകൾ ശേഖരിക്കുകയും ചെയ്യും.

95

ഗുവാഹത്തി: അസമിലെ ഗുവാഹത്തിയിൽ ഹോട്ടലിലുണ്ടായ വെടിവെപ്പിൽ നാല് പേർ കൊല്ലപ്പെട്ടു. നിരവധി പേർക്ക് പരുക്കേറ്റു. ബോറ സർവീസ് ഏരിയയിലെ ‘ഹോട്ടൽ ബിലാസ് ഇൻ’ലാണ് വെടിവെപ്പുണ്ടായത്. സംഭവവുമായി ബന്ധപ്പെട്ട് പ്രതിയെന്ന് സംശയിക്കുന്ന ഒരാളെ പൊലീസ് കസ്റ്റഡിയിലെടുത്തു. കൊല്ലപ്പെട്ടവരിൽ ഹോട്ടലുടമയും മകനും ഉൾപ്പെടുന്നതായാണ് വിവരം.

ഭൂമിയുമായി ബന്ധപ്പെട്ട തർക്കമാണ് ആക്രമണത്തിന് പിന്നിലെന്നാണ് പ്രാഥമിക സൂചന. എന്നാൽ, സംഭവത്തിന്റെ യഥാർഥ കാരണം സംബന്ധിച്ച് ഔദ്യോഗിക സ്ഥിരീകരണം പുറത്തുവന്നിട്ടില്ല.

സംഭവ സ്ഥലത്ത് പൊലീസ് പരിശോധന

ഗുവാഹത്തി പൊലീസ് കമ്മീഷണർ പാർഥ സാരഥി മഹന്ത സംഭവസ്ഥലം സന്ദർശിച്ചു. ഹോട്ടലിൽനിന്ന് നാല് മൃതദേഹങ്ങൾ കണ്ടെടുത്തതായും അവ പോസ്റ്റ്‌മോർട്ടം പരിശോധനയ്ക്കായി അയയ്ക്കുകയാണെന്നും അദ്ദേഹം അറിയിച്ചു.

വെടിവെപ്പിൽ പരുക്കേറ്റവരെ ഗുവാഹത്തി മെഡിക്കൽ കോളജ് ആൻഡ് ആശുപത്രിയിൽ പ്രവേശിപ്പിച്ചു. ഇവർക്ക് ആവശ്യമായ ചികിത്സ നൽകിവരികയാണെന്ന് ബന്ധപ്പെട്ട വൃത്തങ്ങൾ അറിയിച്ചു.

സംഭവത്തിൽ കൂടുതൽ പേർക്ക് പങ്കുണ്ടോയെന്നും വെടിവെപ്പിലേക്ക് നയിച്ച സാഹചര്യങ്ങൾ എന്താണെന്നും പൊലീസ് പരിശോധിച്ചുവരികയാണ്. അന്വേഷണത്തിന്റെ ഭാഗമായി മൊഴികൾ രേഖപ്പെടുത്തുകയും മറ്റ് തെളിവുകൾ ശേഖരിക്കുകയും ചെയ്യും.