എറണാകുളം: ജെ.എസ്.കെ സിനിമാ വിവാദങ്ങൾക്കിടെ സെൻസർ ബോർഡിനോട് ദൈവങ്ങളുടെ പട്ടിക നൽകാനുള്ള ആവശ്യമുന്നയിച്ച് വിവരാവകാശ അപേക്ഷ. ആൺ- പെൺ ദൈവങ്ങളുടെ പട്ടിക വേണമെന്ന ആവശ്യമാണ് ഇന്നയിച്ചത്.
അഭിഭാഷകനായ ഹരീഷ് വാസുദേവനാണ് വിവരാവകാശ അപേക്ഷ നല്‍കിയത്. തൻ്റെ സിനിമയിലെ കഥാപാത്രങ്ങൾക്ക് പേരിടുമ്പോൾ ജാഗ്രത പുലർത്തുന്നതിന് വേണ്ടിയാണ് പട്ടിക ആവശ്യപ്പെട്ടതെന്നും ഹരീഷ് വ്യക്തമാക്കി.
ഫിലിം സർട്ടിഫിക്കേഷൻ ബോർഡിൻ്റെ വെബ്സൈറ്റിൽ ദൈവങ്ങളുടെ പേര് പട്ടിക കാണാത്തത് കൊണ്ട് മാത്രമാണ് അപേക്ഷ കൊടുക്കേണ്ടി വന്നത്. പൊതുതാൽപ്പര്യം മുൻനിർത്തി ദൈവങ്ങളുടെ പേര് പട്ടിക പ്രസിദ്ധീകരിക്കാൻ ബോർഡ് മുൻകൈ എടുത്തില്ലെങ്കിൽ ലിസ്റ്റ് കിട്ടുമ്പോൾ ഞാൻ പ്രസിദ്ധീകരിക്കാമെന്നും ഹരീഷ് ഫേസ് ബൂക്കിക്കിലൂടെ അറിയിച്ചു.
സുരേഷ് ഗോപി കേന്ദ്രകഥാപാത്രമായി എത്തുന്ന ജാനകി വേഴ്‌സസ് സ്റ്റേറ്റ് ഓഫ് കേരളക്ക് സെന്‍സര്‍ ബോര്‍ഡ് അനുമതി നല്‍കുമോ എന്ന കാര്യത്തില്‍ ഇന്നാണ് വ്യക്തത വരുന്നത്. ഇതിനിടെയാണ് രസകരമായ ആവശ്യവുമായി ഹരീഷ് വാസുദേവന്‍ രംഗത്ത് എത്തിയിരിക്കുന്നത്.
ജാനകി എന്നത് ദൈവത്തിൻ്റെ പേരാണെന്നാണ് സെൻസർ ബോർഡിൻ്റെ വാദം. ആ നിഗമനത്തിലേക്ക് സെൻസർ ബോർഡ് എത്തിയത് എന്തിൻ്റെ അടിസ്ഥാനത്തിൽ ആണെന്നും ഉറവിടം വ്യക്തമാക്കണമെന്നും ഹരീഷിൻ്റെ ആവശ്യം.
വാർത്തകൾക്ക് ഗ്രൂപ്പിൽ ചേരാം: