ഓൺലൈനായി ബില്ലുകൾ അടയ്ക്കുമ്പോൾ പലരുടെയും സംശയമാണ് യുപിഐ (UPI) വഴിയുള്ള പണമടയ്ക്കലാണോ അതോ ബാങ്കിന്റെ നെറ്റ് ബാങ്കിംഗ്/മൊബൈൽ ആപ്പ് വഴിയുള്ള പണമടയ്ക്കലാണോ കൂടുതൽ സുരക്ഷിതം എന്നത്. ഡിജിറ്റൽ പേയ്‌മെന്റുകൾ വ്യാപകമായ ഇക്കാലത്ത് പലരും കരുതുമ്പോലെ നേരെ ചൊവ്വെയുള്ള ഉത്തരമല്ല ഇതിനുള്ളത്. യുപിഐയോ നെറ്റ് ബാങ്കിംഗോ അല്ല, നമ്മൾ പണം കൈമാറുന്ന രീതിയാണ് യഥാർത്ഥ സുരക്ഷ നിശ്ചയിക്കുന്നത്.
പ്രധാന വിവരങ്ങൾ
- രണ്ടും ഒരേ സംവിധാനത്തിൽ: യുപിഐയും ബാങ്ക് പേയ്‌മെന്റുകളും ഇന്ത്യയിലെ നിയന്ത്രിത ഡിജിറ്റൽ പേയ്‌മെന്റ് ആവാസ വ്യവസ്ഥയ്ക്കുള്ളിലാണ് പ്രവർത്തിക്കുന്നത്. അതിനാൽ സാങ്കേതികമായി രണ്ടും സുരക്ഷിതമാണ്. എന്നാൽ പണം നൽകുന്നത് ആർക്കാണെന്നും ഇടപാട് പരിശോധിച്ചിട്ടുണ്ടോ എന്നതുമാണ് പ്രധാനം.
- വലിയ ബില്ലുകൾക്ക് ഔദ്യോഗിക വെബ്‌സൈറ്റ് ഉപയോഗിക്കുക: പ്രോപ്പർട്ടി ടാക്സ്, ഇൻഷുറൻസ് പ്രീമിയം, ക്രെഡിറ്റ് കാർഡ് ബില്ലുകൾ എന്നിവ അടയ്ക്കാൻ ബന്ധപ്പെട്ട സ്ഥാപനങ്ങളുടെ ഔദ്യോഗിക വെബ്‌സൈറ്റോ ആപ്പോ സ്വതന്ത്രമായി സന്ദർശിക്കുക. ബിൽ പരിശോധിച്ച ശേഷം അംഗീകൃത പേയ്‌മെന്റ് ഓപ്ഷൻ തിരഞ്ഞെടുക്കുക.
- യൂപിഐ പിൻ ഒരിക്കലും നൽകരുത്: പണം അയക്കാൻ മാത്രമാണ് യുപിഐ പിൻ ആവശ്യമായി വരുന്നത്. പണം സ്വീകരിക്കാനോ റീഫണ്ട് ലഭിക്കാനോ ഒരിക്കലും യുപിഐ പിൻ നൽകരുത്. വ്യാജ ക്യുആർ കോഡുകൾക്കെതിരെയും ജാഗ്രത വേണം.
- ഹാക്കിംഗും തട്ടിപ്പും തമ്മിലുള്ള വ്യത്യാസം: അക്കൗണ്ട് ഹാക്ക് ചെയ്ത് പണം നഷ്ടപ്പെട്ടാൽ ആർബിഐയുടെ ഉപഭോക്തൃ സംരക്ഷണ നിയമപ്രകാരം പണം തിരികെ ലഭിക്കാൻ സാധ്യതയുണ്ട്. എന്നാൽ തട്ടിപ്പുകാരുടെ വാക്കുകൾ കേട്ട് നിങ്ങൾ സ്വയം പണം കൈമാറിയാൽ (Authorized Payment) നഷ്ടപ്പെട്ട തുക തിരികെ ലഭിക്കുന്നത് വളരെ ബുദ്ധിമുട്ടാണ്.
- സുരക്ഷിതമായ പണമടയ്ക്കൽ ക്രമം: ഔദ്യോഗിക വെബ്‌സൈറ്റ്/ ആപ്പ് സന്ദർശിക്കുക-> ബില്ലും തുകയും പരിശോധിക്കുക -> അംഗീകൃത പേയ്‌മെന്റ് രീതി ഉപയോഗിക്കുക എന്നതാണ് ഏറ്റവും സുരക്ഷിതമായ വഴി.