|സയിദ് അബി
എൽഡിഎഫ് തോൽക്കുകയാണെങ്കിൽ യുഡിഎഫും മാധ്യമങ്ങളും ഉണ്ണിസാറും ദാവൂദും ഷാഫിയും സതീശനും ആർഎംപിയും ലീഗും പറഞ് പ്രചരിപ്പിക്കുന്ന കാര്യങ്ങൾ എന്തൊക്കെ ആയിരിക്കും? അതിൽ സിപിഐഎം വീണ് പോകുമോ എന്നതാണ് ആശങ്ക ഉണ്ടാക്കുന്നത്.
സാദിഖലി തങ്ങളെ വിമർശിച്ചത് കൊണ്ട്? സുപ്രഭാതത്തിൽ പരസ്യം കൊടുത്തത് കൊണ്ട്? സരിനെ കൊണ്ട് വന്നത് കൊണ്ട്? എന്നിങ്ങനെ എൽഡിഎഫിനെ പ്രതിരോധത്തിൽ ആക്കാനുള്ള എല്ലാ ആയുധങ്ങളും ഇപ്പോൾ അണിയറയിൽ ഉണ്ടായിരിക്കും. എന്നാൽ എൽഡിഎഫ് തോൽക്കുക ആണെങ്കിൽ അതിന്റെ കാരണം ഉള്ളതും ഇല്ലാത്തതുമായ കാരണങ്ങൾ കൊണ്ട് വളർന്ന സർക്കാർ വിരുദ്ധതയും, മാധ്യമങ്ങളും വർഗീയ സംഘങ്ങളും ഉണ്ടാക്കിയ സിപിഐഎം വിരുദ്ധതയും മാത്രമായിരിക്കും.
പാർട്ടി അതിനെ സത്യസന്ധമായി സമീപിക്കരുത് എന്ന വാശിയുള്ള മാധ്യമങ്ങൾ സാദിഖലി തങ്ങളെ പറഞ്ഞതിൽ മുസ്ലിങ്ങൾക്ക് നൊന്തു എന്ന നരേട്ടീവ് ഉണ്ടാക്കും. ഭാവിയിലും അത് ആവശ്യമുള്ളത് കൊണ്ട് യുഡിഎഫും മുസ്ലിം ലീഗും കൊഴിപ്പിക്കും. ജമാത്തും പ്രചരിപ്പിക്കും, വീണ്ടും വീണ്ടും സിപിഐഎം ഹിന്ദു, ഹിന്ദു സമൂഹം, ഭൂരിപക്ഷ മതം എന്നീ വാചകങ്ങൾ അടക്കിയും പെറുക്കിയും പറഞ് കൃത്യമായ അജണ്ട വിജയിപ്പിക്കാൻ ജമാഅത്ത് ശ്രമിക്കും. അവസാനം ഞങ്ങളും തെറ്റ് ചെയ്തോ എന്ന സംശയം സിപിഎമ്മിൽ ജനിപ്പിക്കും വരെ ആ പ്രവർത്തി തുടരും. അല്ലെങ്കിൽ മറ്റുള്ള പ്രശ്നങ്ങളിലേക്ക് പോകാൻ താല്പര്യമില്ലാത്ത ചിലർ – ഈ വ്യാഖ്യാനങ്ങളിൽ നിൽക്കുകയും ചെയ്യും.
പിണറായി വിജയനും സിപിഐഎമ്മും ഇത്തവണ നടത്തിയ എല്ലാ രാഷ്ട്രീയ വിമർശനവും കാലികമാണ്, തോറ്റാലും ജയിച്ചാലും സിപിഐഎം അത് തുടരണം. ഖാളിയുടെ രാഷ്ട്രീയ ഇടപെടലുകളെ ഇനിയും തുറന്ന് കാണിക്കണം. സന്ദീപിനെ ഇപ്പോൾ വിമർശിക്കുന്ന സത്ത ഉൾകൊള്ളുന്ന വിധം സംഘ് രാഷ്ട്രീയ പ്രശ്നവും പറയണം.
സന്ദീപിന്റെ കാര്യത്തിൽ എംബി രാജേഷ് ആദ്യം മുതൽ പറഞ്ഞതാണ് കൃത്യമായ നിലപാട്. സ്വാഭാവികമായി വെള്ളാപ്പള്ളി ഒഴിവാക്കേണ്ട ആളായി മാറില്ല. എല്ലാ മത- ജാതി സംഘടനകളോടും സിപിഐഎം കൃത്യമായ അകലം വെക്കണം.വിഴിഞ്ഞത്ത് കണ്ടത് ഓർമ വെക്കണം. കാസ കേരളത്തിന്റെ വർഗീയ ശല്യമായി മാറിയിട്ടുണ്ട്.അവരെ പിന്തുണക്കുന്ന മത- ഇടങ്ങൾ ഉണ്ടെങ്കിൽ അതും ചോദ്യം ചെയ്യണം, ആ രീതിയിൽ തുടർന്ന് പോകണം.
മുസ്ലിം ലീഗിനെ ഒഴിച്ച് നിർത്തി ഒരു വിമർശനപരിസരം ഇനി സിപിഐഎമ്മിന് സാധ്യമല്ല( അത് വിശദമായി പിന്നീട് എഴുതാം എന്ന് കരുതുന്നു) തോൽക്കാൻ ഒരുങ്ങി തന്നെ- ആർ എസ് എസ് – എസ് ഡി പി ഐ – ജമാഅത്ത്- കാസ- ഹിന്ദുത്വയെ സഹായിക്കുന്ന സംഘടനകളെ ശക്തമായി എതിർത്ത് നിരന്തരം ഉണ്ടാകണം. മുസ്ലിം ലീഗിനെ പ്രത്യേകമായി പരിഗണിച്ച്- മതം ഉപയോഗിക്കുന്ന ഇടങ്ങൾ പറഞ് പറഞ് എൽഡിഎഫ് രാഷ്ട്രീയം കൈകാര്യം ചെയ്യണം.
പാർട്ടിയിൽ നിന്ന് ഉയരുന്ന സർക്കാർ വിമർശനങ്ങളെ- നേതൃത്വ കെടുകാര്യസ്ഥതകളെ കുറിച്ച് തുറന്നൊരു സമീപനം അനിവാര്യമാണ്. (ജനം ആണ് എല്ലാത്തിന്റെയും ശരി എന്നൊന്നുമില്ല- വോട്ട് ചെയ്യുന്ന വിഭാഗങ്ങൾ സത്യസന്ധമായി അത് ചെയ്യുന്നു എന്നും കരുതുന്നില്ല- എന്നാൽ അതിൽ എടുക്കാനുള്ളത് എടുത്ത് കൊണ്ട് മുന്നോട്ട് പോകേണ്ടതുണ്ട്) വർഗീയത- ഒരു പ്രധാന പ്രശ്നമാണ് എന്ന ദൈന്യദിന രാഷ്ട്രീയ പരിപാടികളുടെ ഉള്ളടക്കത്തിലേക്ക് ലെഫ്റ്റ് പൂർണമായി മടങ്ങി വരണം.
