നേപ്പാളിലെ ഭൂകമ്പത്തിൽ ദുരിതമനുഭവിക്കുന്ന ജനങ്ങൾക്കായി ഇന്ത്യ ഞായറാഴ്ച മരുന്നുകളും മറ്റ് ദുരിതാശ്വാസ സാമഗ്രികളും നേപ്പാളിലേക്ക് അയച്ചു. പടിഞ്ഞാറൻ നേപ്പാളിൽ വെള്ളിയാഴ്ചയുണ്ടായ ഭൂകമ്പത്തിൽ 150-ലധികം പേർ കൊല്ലപ്പെടുകയും 160-ലധികം പേർക്ക് പരിക്കേൽക്കുകയും ചെയ്തു.
ഇന്ത്യൻ വ്യോമസേനയുടെ (ഐഎഎഫ്) സൈനിക ഗതാഗത വിമാനത്തിലാണ് ഇന്ത്യ ദുരിതാശ്വാസ സാമഗ്രികൾ അയച്ചത്. “നേപ്പാളിലെ ഭൂകമ്പ ബാധിത പ്രദേശങ്ങളിൽ അടിയന്തര ദുരിതാശ്വാസ സഹായം നൽകുന്നു. ആദ്യ പ്രതികരണമെന്ന നിലയിൽ, ഇന്ത്യ മരുന്നുകളും ദുരിതാശ്വാസ സാമഗ്രികളും എത്തിക്കുന്നു എന്ന് മന്ത്രി എസ് ജയശങ്കർ പറഞ്ഞു. നേപ്പാളിലെ ഇന്ത്യൻ അംബാസഡർ നവീൻ ശ്രീവാസ്തവയാണ് ദുരിതാശ്വാസ വസ്തുക്കൾ നേപ്പാൾ അധികൃതർക്ക് കൈമാറിയത്.