ഇറാനും അമേരിക്കയും തമ്മിലുള്ള വർദ്ധിച്ചു വരുന്ന സംഘർഷങ്ങൾക്കും പുതിയൊരു യുദ്ധത്തിൻ്റെ ഭീഷണിക്കും ഇടയിൽ, ബ്രിഗേഡിയർ ജനറൽ അഹമ്മദ് വാഹിദി വളരെ ശക്തനും സ്വാധീന ശക്തിയുള്ളതുമായ ഒരു സൈനിക വ്യക്തിയായി ഉയർന്നുവന്നിട്ടുണ്ട്. അന്താരാഷ്ട്ര തലത്തിൽ, ഇറാൻ്റെ ഭാവി സൈനിക തന്ത്രത്തിലും പ്രധാന തീരുമാനങ്ങളിലും ഒരു പ്രധാന വ്യക്തിയായി വാഹിദിയെ കാണുന്നു.
നിലവിൽ അദ്ദേഹം ഇറാൻ്റെ ഏറ്റവും ശക്തമായ സൈനിക സംഘടനയായ ഇസ്ലാമിക് റെവല്യൂഷണറി ഗാർഡ് കോർപ്സിൻ്റെ (IRGC) തലവനാണ്. അദ്ദേഹത്തിൻ്റെ കടുത്ത വീക്ഷണങ്ങളും അമേരിക്കയോടുള്ള കടുത്ത നിലപാടും അദ്ദേഹത്തെ ആഗോള ചർച്ചയുടെ കേന്ദ്രബിന്ദുവാക്കി.
യുദ്ധത്തിലേക്കുള്ള നേതൃത്വത്തിൻ്റെ മാറ്റം
വളരെ വെല്ലുവിളി നിറഞ്ഞ സമയത്താണ് അഹമ്മദ് വാഹിദി ഐആർജിസിയുടെ തലവനായി ചുമതലയേറ്റത്. ഫെബ്രുവരി 28ന്, ഇറാൻ്റെ ദീർഘകാല കമാൻഡറായിരുന്ന മുഹമ്മദ് പക്പൂർ, യുഎസും ഇസ്രായേലും നടത്തിയ ആക്രമണങ്ങളിൽ കൊല്ലപ്പെട്ടു. ഇറാനും യുഎസും തമ്മിലുള്ള നിലവിലെ സംഘർഷത്തിൻ്റെ ആദ്യ ദിവസമായും ഈ സംഭവം കണക്കാക്കപ്പെടുന്നു. പക്പൂരിന് പകരക്കാരനായി വാഹിദിയെ നിയമിച്ചത് അദ്ദേഹത്തിൻ്റെ പോരാട്ട ശേഷിയിലും തന്ത്രപരമായ മിടുക്കിലുമുള്ള ഇറാൻ നേതൃത്വത്തിൻ്റെ ആത്മവിശ്വാസത്തെ പ്രതിഫലിപ്പിക്കുന്നു.
വാഹിദിയുടെ ചരിത്രം വിവാദങ്ങളും അന്താരാഷ്ട്ര നിയമ നടപടികളും നിറഞ്ഞതാണ്. അമേരിക്ക ഇതിനകം തന്നെ അദ്ദേഹത്തിനെതിരെ കടുത്ത ഉപരോധങ്ങൾ ഏർപ്പെടുത്തിയിട്ടുണ്ട്. ഇറാനിലെ സർക്കാർ വിരുദ്ധ പ്രതിഷേധങ്ങളെ ക്രൂരമായി അടിച്ചമർത്തുന്നതിൽ വാഹിദി പ്രധാന പങ്ക് വഹിച്ചിട്ടുണ്ടെന്ന് യുഎസ് ഭരണകൂടം ആരോപിക്കുന്നു.
ഇൻ്റെർപോളിൻ്റെ മോസ്റ്റ് വാണ്ടഡ് ലിസ്റ്റിൽ അദ്ദേഹം ഉൾപ്പെടുന്നു. 1994ൽ അർജന്റീനയുടെ തലസ്ഥാനമായ ബ്യൂണസ് അയേഴ്സിൽ 85 പേരുടെ മരണത്തിനിടയാക്കിയ മാരകമായ ബോംബ് ആക്രമണവുമായി ബന്ധപ്പെട്ട് ഇർപോൾ അദ്ദേഹത്തെ തിരയുന്നു.
അമേരിക്കയുമായുള്ള കരാറിനെതിരെ എതിർപ്പ്
അമേരിക്കയുമായുള്ള ഏതൊരു വിട്ടുവീഴ്ചയെയും ശക്തമായി എതിർക്കുന്ന ഇറാനിയൻ നേതാക്കളിൽ ഒരാളാണ് അഹമ്മദ് വാഹിദി എന്ന് സൈനിക, രാഷ്ട്രീയ വിദഗ്ദർ വിശ്വസിക്കുന്നു. ഇറാനിലെ ഏറ്റവും തീവ്ര സൈനിക നേതാക്കളിൽ ഒരാളായി അദ്ദേഹത്തെ കണക്കാക്കുന്നു.
ഇന്ർനാഷണൽ ക്രൈസിസ് ഗ്രൂപ്പിലെ വിദഗ്ദനായ അലി വീസിൻ്റെ അഭിപ്രായത്തിൽ, ഇറാനിലെ പ്രധാനപ്പെട്ട തീരുമാനങ്ങൾ കൂട്ടായി എടുക്കുന്നുണ്ടെങ്കിലും, അധികാര ഇടനാഴികളിൽ വാഹിദിയുടെ അഭിപ്രായങ്ങൾക്കും നിർദ്ദേശങ്ങൾക്കും വലിയ പ്രാധാന്യം നൽകുന്നു.
വാഹിദിയുടെ വ്യക്തിത്വത്തെ കുറിച്ച് അഭിപ്രായപ്പെട്ടു കൊണ്ട്, ഇസ്രായേലിൻ്റെ സൈനിക രഹസ്യാന്വേഷണ ഏജൻസിയിലെ മുൻ ഉദ്യോഗസ്ഥനായ ഡാനി സിട്രിനോവിച്ച് പറഞ്ഞു. അദ്ദേഹം വളരെ കഠിനനും വിട്ടുവീഴ്ച ഇല്ലാത്തതുമായ നേതാവാണ്. അദ്ദേഹത്തിൻ്റെ അഭിപ്രായത്തിൽ, വാഹിദി മാനസികമായും തന്ത്രപരമായും ഒരു പ്രതികാര യുദ്ധത്തിന് തയ്യാറാണ്. ഇറാനെ വീണ്ടും ആക്രമിക്കാൻ യുഎസ് ശ്രമിച്ചാൽ, വാഹിദിയുടെ നേതൃത്വത്തിൽ ഇറാൻ വളരെ ആക്രമണാത്മകമായി പ്രതികരിക്കും.
എണ്ണ വിതരണവും സമ്മർദ്ദ തന്ത്രവും
സംഘർഷം തുടരുന്നതിനിടെ, ഹോർമുസ് കടലിടുക്കിന് ചുറ്റുമുള്ള ജലാശയങ്ങളിലെ എണ്ണ വിതരണത്തിൽ ഇറാൻ സമ്മർദ്ദം വർദ്ധിപ്പിക്കാൻ തുടങ്ങിയിട്ടുണ്ട്. ലോകത്തിലെ ഏറ്റവും പ്രധാനപ്പെട്ട എണ്ണ പാതകളിൽ ഒന്നായ ഈ പ്രദേശം, ഏതെങ്കിലും തടസം ആഗോള സമ്പദ്വ്യവസ്ഥയെ ബാധിച്ചേക്കാം. അതേസമയം, യുഎസ് പ്രസിഡന്റ് ഡൊണാൾഡ് ട്രംപ് ഇറാന് കർശന മുന്നറിയിപ്പ് നൽകി. ഇറാൻ ഒരു വിട്ടുവീഴ്ചക്ക് തയ്യാറായില്ലെങ്കിൽ, അമേരിക്ക വീണ്ടും സൈനിക നടപടിയിലേക്ക് നീങ്ങുമെന്ന് ട്രംപ് പ്രസ്താവിച്ചു.
ട്രംപിൻ്റെ മുന്നറിയിപ്പിന് മറുപടിയായി അഹമ്മദ് വാഹിദി, ഇറാൻ ഒരു സമ്മർദ്ദത്തിനും വഴങ്ങില്ലെന്ന് വ്യക്തമാക്കി. വീണ്ടും ഇറാനെ ആക്രമിച്ചാൽ സംഘർഷം ഒരു പരിമിതമായ പ്രദേശത്ത് മാത്രമായി ഒതുങ്ങില്ലെന്ന് അദ്ദേഹം മുന്നറിയിപ്പ് നൽകി. ഇറാൻ്റെ ശത്രുക്കൾക്ക് സങ്കൽപ്പിക്കാൻ പോലും കഴിയാത്ത നാശം നേരിടേണ്ടി വരുമെന്ന് വാഹിദി പറഞ്ഞു. യുദ്ധം വലിയ തോതിലേക്ക് വ്യാപിപ്പിക്കാൻ അദ്ദേഹം തയ്യാറാണെന്ന് അദ്ദേഹത്തിൻ്റെ പ്രസ്താവന വ്യക്തമായി സൂചിപ്പിക്കുന്നു.
വിപ്ലവത്തിൽ നിന്ന് അധികാരത്തിലേക്കുള്ള യാത്ര
1958ൽ ഇറാനിലെ ഷിറാസിലാണ് അഹമ്മദ് വാഹിദി ജനിച്ചത്. ഇലക്ട്രോണിക്സ്, ഇൻഡസ്ട്രിയൽ എഞ്ചിനീയറിംഗ് എന്നിവയിൽ ഉന്നത വിദ്യാഭ്യാസം പൂർത്തിയാക്കി. 1979-ലെ ഇസ്ലാമിക വിപ്ലവത്തിന് ശേഷം, ഇറാനിയൻ ശക്തിയിലും സൈനിക ഘടനകളിലും അദ്ദേഹം സജീവമായി പങ്കെടുത്തു. ഐആർജിസിയുടെ ഒരു എലൈറ്റ് യൂണിറ്റായ ഖുദ്സ് ഫോഴ്സിൻ്റെ ആദ്യ കമാൻഡറായും അദ്ദേഹം സേവനമനുഷ്ഠിച്ചു. ഭരണപരവും സൈനികവുമായ അനുഭവത്തിൻ്റെ ഒരു നീണ്ട ചരിത്രമുണ്ട് അദ്ദേഹത്തിന്.
ഇറാൻ്റെ പ്രതിരോധ മന്ത്രി, ആഭ്യന്തര മന്ത്രി തുടങ്ങിയ സുപ്രധാന സ്ഥാനങ്ങളിലും വാഹിദി സേവനമനുഷ്ഠിച്ചിട്ടുണ്ട്. 2022ൽ മഹ്സ അമിനിയുടെ മരണത്തെ തുടർന്ന് ഇറാനിൽ വ്യാപകമായ പ്രതിഷേധങ്ങൾക്കിടെ, യുഎസ് അദ്ദേഹത്തിന് മേൽ പുതിയ ഉപരോധങ്ങൾ ഏർപ്പെടുത്തി.
വാഹിദി പ്രതിഷേധക്കാരെ, പ്രത്യേകിച്ച് സ്ത്രീകളെ, ഭീഷണിപ്പെടുത്തുകയും ചെയ്തതായി യുഎസ് അവകാശപ്പെട്ടു. ഇന്ന്, ഇറാൻ്റെ ഭാവി സൈനിക, രാഷ്ട്രീയ ദിശാബോധം രൂപപ്പെടുത്തുന്നതിൽ ഏറ്റവും സ്വാധീനമുള്ള വ്യക്തിയായി അഹമ്മദ് വാഹിദി ഉയർന്നുവന്നിട്ടുണ്ട്.
