64-ാമത് സ്കൂള് കലോത്സവത്തില് സ്വര്ണക്കപ്പ് ഉയർത്തി കണ്ണൂര്. സംസ്ഥാന സ്കൂള് കലോത്സവത്തില് ഒന്നാം സ്ഥാനം കണ്ണൂര് ജില്ല സ്വന്തമാക്കി. 1,023 പോയിന്റുമായി കണ്ണൂർ ഒന്നാമതെത്തിയപ്പോൾ 1,018 പോയിന്റുകളുമായി തൃശൂർ തൊട്ട് പിന്നിലാണ്. 249 മത്സരയിനങ്ങളുടെ ഫലപ്രഖ്യാപനം പുറത്തുവന്നതോടെ ഏറ്റവുമധികം പോയിന്റുകള് നേടി കണ്ണൂര് ജില്ലാ കലാകിരീടം ചൂടുകയായിരുന്നു.
തൊട്ടുപിന്നില് തൃശൂര് ജില്ല ഇഞ്ചോടിഞ്ച് പോരാടിയെങ്കിലും അവസാന ഘട്ടത്തില് കപ്പ് കണ്ണൂര് തൂക്കുകയായിരുന്നു. ഒന്നാം സ്ഥാനം കരസ്ഥമാക്കിയ കണ്ണൂർ ജില്ലക്ക് മലയാളത്തിന്റെ പ്രിയ നടൻ മോഹൻലാൽ സ്വർണക്കപ്പ് സമ്മാനിക്കുമെന്ന് സംഘാടകർ പറഞ്ഞു.
