ഐപിഎൽ 2026 സീസണിൽ രാജസ്ഥാൻ റോയൽസിന്റെ 15 വയസ്സുകാരൻ യുവതാരം Vaibhav Suryavanshi വൈഭവ് സൂര്യവംശി ക്രിക്കറ്റ് ലോകത്തിന്റെ ശ്രദ്ധ പിടിച്ചുപറ്റുന്നു. താരത്തെക്കുറിച്ച് മുൻ ഇന്ത്യൻ നായകനും ഇതിഹാസ സ്പിന്നറുമായ അമൈൽ കുംബ്ലെ നടത്തിയ പ്രശംസയാണ് ഇപ്പോൾ ക്രിക്കറ്റ് ലോകത്ത് ചർച്ചയാകുന്നത്.
വെസ്റ്റ് ഇൻഡീസ് ഇതിഹാസം ക്രിസ് ഗെയിലിന്റെ ഒരു സീസണിൽ ഏറ്റവും കൂടുതൽ സിക്സറുകൾ എന്ന ഐപിഎൽ റെക്കോർഡ് പോലും വൈഭവ് തകർക്കാൻ സാധ്യതയുണ്ടെന്ന് കുംബ്ലെ അഭിപ്രായപ്പെട്ടു.
ലഖ്നൗവിനെതിരായ മത്സരത്തിൽ 6 സിക്സറുകൾ അടിച്ചതോടെ ഈ സീസണിൽ വൈഭവിന്റെ ആകെ സിക്സർ എണ്ണം 53 ആയി ഇയർന്നിരുന്നു . രാജസ്ഥാൻ റോയൽസിന് ലീഗ് ഘട്ടത്തിൽ ഒരു മത്സരം കൂടി ബാക്കിയുണ്ടെന്നും, ടീം പ്ലേ ഓഫ് പ്രവേശിച്ചാൽ റെക്കോർഡ് മറികടക്കാനുള്ള സാധ്യത കൂടുതൽ ശക്തമാകുമെന്നും കുംബ്ലെ പറഞ്ഞു.
ദിഗ്വേഷ് രതിയുടെ ബൗളിംഗിൽ ഉൾപ്പെടെ വൈഭവ് പ്രകടിപ്പിച്ച ആക്രമണാത്മക ബാറ്റിംഗ് ശൈലിയെ കുംബ്ലെ പ്രത്യേകം പ്രശംസിച്ചു. “അവന്റെ പ്രത്യേക കഴിവ് അത്ഭുതപ്പെടുത്തുന്നു,” എന്ന് കുംബ്ലെ പറഞ്ഞു.
ഇത്രയും ചെറുപ്പത്തിൽ തന്നെ കാണിക്കുന്ന പക്വതയും വിനയവും താരത്തെ വേറിട്ടുനിർത്തുന്നുവെന്നും കുംബ്ലെ വിലയിരുത്തി. മൈതാനത്തും പുറത്തും ഉള്ള ഈ മനോഭാവം വൈഭവിന് ദീർഘകാലം നീളുന്ന വിജയകരമായ കരിയർ നൽകുമെന്ന് അദ്ദേഹം അഭിപ്രായപ്പെട്ടു.
