പ്രസിദ്ധമായ ആറ്റുകാല് പൊങ്കാലയിൽ ലക്ഷകണക്കിന് ഭക്തർ. തലസ്ഥാന നഗരിയിൽ ഭക്തരുടെ വലിയ തിരക്കാണ് അനുഭവപ്പെട്ടത്. സര്വാഭരണ വിഭൂഷിതയായ ആറ്റുകാലമ്മയെ ഒരു നോക്ക് കാണാനുള്ള ആഗ്രഹത്താല് ദൂരെ ദിക്കുകളില് നിന്ന് വരെ നിരവധി പേരാണ് ആറ്റുകാലിലേക്ക് എത്തിയത്.
രാവിലെ ശുദ്ധപുണ്യാഹ ചടങ്ങുകള്ക്ക് ശേഷമാണ് പൊങ്കാല ചടങ്ങുകള് നടന്നത്. ക്ഷേത്രത്തിന് മുന്നില് നിന്നും തോറ്റംപാട്ടുകാര് കണ്ണകി ചരിതത്തില് പണ്ഡ്യരാജവിൻ്റെ വധം നടക്കുന്ന ഭാഗം പാടിക്കഴിഞ്ഞപ്പോൾ തന്ത്രി ശ്രീകോവിലില് നിന്ന് പത്തേകാലോടെ ദീപം പകര്ന്ന് മേല്ശാന്തിക്ക് കൈമാറി.
മേല്ശാന്തി ക്ഷേത്ര തിടപ്പള്ളിയിലെ പൊങ്കാല അടുപ്പില് തീ കത്തിച്ച ശേഷം അതേ ദീപം സഹമേല്ശാന്തിക്ക് കൈമാറി. സഹമേല്ശാന്തി വലിയ തിടപ്പള്ളിയിലും ക്ഷേത്രത്തിന് മുന്വശത്ത് ഒരുക്കിയിട്ടുള്ള പൊങ്കാല അടുപ്പിലും തീ പകർന്നു. തുടര്ന്ന് ദീപം പൊങ്കാല അടുപ്പുകളിലേക്ക് കൈമാറിയതോടെ നഗരം ഒരു യാഗശാലയായി.
ഉച്ചയ്ക്ക് 1.15ന് പൊങ്കാല നിവേദ്യം സമര്പ്പിച്ചു. ദേവി ദര്ശനത്തിനായി ഒഴുകി എത്തുന്ന ഭക്തരാല് വലിയ തിരക്കാണ് ആറ്റുകാലിലിലും പരിസരത്തും അനുഭവപ്പെട്ടത്.