അഫ്ഗാനിസ്ഥാനിലെ കാബൂളിൽ വൻസ്ഫോടനം. നിരവധിപേർ കൊല്ലപ്പെട്ടതായി റിപ്പോർട്ട്. നിരവധി പേർക്ക് പരിക്കേറ്റിട്ടുണ്ട്. ചൈനീസ് റസ്റ്ററന്റിന് മുന്നിൽ കാർ പൊട്ടിത്തെറിച്ചാണ് സ്ഫോടനം എന്നാണ് റിപ്പോർട്ട്.
ഷെഹർ ഇ നാവിലെ തെരുവിലാണ് സ്ഫോടനമുണ്ടായത്. വിദേശികളടക്കം താമസിക്കുന്ന കാബൂളിലെ ഏറ്റവും സുരക്ഷിതമെന്ന് കരുതുന്ന മേഖലയിലാണ് സ്ഫോടനം ഉണ്ടായത്. സ്ഫോടനത്തിൽ ലക്ഷ്യമിട്ടത് ചൈനീസ് പൗരൻമാരെയെന്നും മരണസംഖ്യ വർധിക്കുമെന്നുമാണ് റിപ്പോർട്ട്.
സ്ഫോടനത്തിൻ്റെ ഉത്തരവാദിത്തം ആരും ഏറ്റെടുത്തിട്ടില്ല. അന്വേഷണം പുരോഗമിക്കുക ആണെന്നാണ്, കാബൂൾ ഭരണകൂടത്തിൻ്റെ പ്രതികരണം.
