പലസ്തീന് ഐക്യദാർഢ്യം പ്രഖ്യാപിച്ച് മൈം അവതരിപ്പിച്ചതിൽ സ്കൂൾ കലോത്സവം നിർത്തിവെച്ചു.കാസർകോട്, കുമ്പള ഗവൺമെന്റ് ഹയർസെക്കൻഡറി സ്കൂളിലാണ് സംഭവം.മൈം അവസാനിക്കുന്നതിന് മുമ്പേ അധ്യാപകൻ കർട്ടൻ താഴ്ത്തി എന്നാണ് ആരോപണം.
വെള്ളിയാഴ്ചയാണ് പലസ്തീന് ഐക്യദാർഢ്യം വിഷയമാക്കി പ്ലസ് ടൂ വിദ്യാര്ഥികൾ മൈം അവതരിപ്പിച്ചത്. എന്നാൽ പരിപാടി ആരംഭിച്ച് രണ്ടര മിനിറ്റ് ആയപ്പോഴേക്കും അധ്യാപകര് കര്ട്ടൻ താഴ്ത്തുകയായിരുന്നു എന്നാണ് പരാതി.
അധ്യാപകർ കർട്ടൻ താഴ്ത്തിയെങ്കിലും വിദ്യാർഥികൾ [പിന്നീട് വേദിക്ക് പുറത്ത് മൈം അവതരിപ്പിക്കുകയും മുദ്രാവാക്യം വിളിക്കുകയും ചെയ്തു. വെള്ളിയാഴ്ച ആറ് മണിക്ക് നടന്ന സംഭവത്തിൽ കര്ട്ടൻ താഴ്ത്തിയ ഉടന് തന്നെ മറ്റെല്ലാ പരിപാടികളും നിര്ത്തിവെച്ചതായും അറിയിപ്പ് നൽകി.
ശനിയാഴ്ചയും കലോത്സവം തുടരേണ്ടത് ആയിരുന്നു. എന്നാൽ പരിപാടി നടന്നില്ല. സംഭവത്തിൽ എംഎസ്എഫ് കുമ്പള സ്കൂളിൽ പ്രതിഷേധവുമായി എത്തി. പിടിഎ യോഗത്തിലാണ് പ്രതിഷേധം നടക്കുന്നത്. വിഷയത്തിൽ സ്കൂളിലെ അധ്യാപകർ ഇതുവരെ വിശദീകരണം നൽകിയിട്ടില്ല.
