എംഡിഎംഎയുമായിപോലീസ് പിടിയിലായ യൂട്യൂബര് റിന്സി മുംതാസിന്റെ ലഹരിക്കച്ചവടത്തിന്റെ കൂടുതല് വിവരങ്ങള് പുറത്ത് വന്നു . റിൻസി ഉപഭോക്താക്കളുമായുള്ള ഇടപാടുകള് നടത്തിയത് വാട്സാപ്പിലൂടെ ആണ് എന്നാണ് വിവരം. കച്ചവടത്തിനായി 750 വാട്സ്ആപ്പ് ഗ്രൂപ്പുകള് രൂപീകരിച്ചു എന്നും ഇതിലൂടെ നടന്നത് ലക്ഷങ്ങളുടെ ലഹരിക്കച്ചവടം ആണെന്നും ആണ് പുറത്തു വരുന്ന റിപ്പോർട്ട്.
അതേസമയം സിനിമാ മേഖലയിലുള്ളവര്ക്കും ലഹരിയെത്തിച്ചെന്നും സൂചനകൾ ഉണ്ട്. ലഹരിക്കച്ചവടവുമായി ബന്ധപ്പെട്ട് റിന്സി നടത്തിയ വാട്സ്ആപ്പ് സന്ദേശങ്ങളുടെ പകര്പ്പ് ഉള്പ്പടെയാണ് പുറത്തുവന്നിരിക്കുന്നത്. ഉപഭോക്താക്കള്ക്ക് മയക്കുമരുന്നിന്റെ ചിത്രങ്ങള് വാട്സാപ്പിലൂടെ അയച്ചുകൊടുത്തുവെന്നും കണ്ടെത്തിയിട്ടുണ്ട്.
വയനാട്ടില് നിന്ന് പിടിയിലായ സംഘമാണ് റിന്സിയെ കുറിച്ചുള്ള വിവരം നല്കിയത്. ലഹരി വാങ്ങാന് പണം മുടക്കിയിരുന്നത് റിന്സിയാണ് എന്നും കച്ചവടം നടത്തി പണവും ലാഭവും വാങ്ങിയിരുന്നത് റിന്സിയുടെ കൂടെ പിടിയിലായ യാസര് അറാഫത്ത് ആണ് എന്നും അന്വേഷണ സംഘം കണ്ടെത്തിയിട്ടുണ്ട്.
