മലയാള സാഹിത്യത്തിലെ ഇതിഹാസ താരമായിരുന്ന എം.ടി വാസുദേവൻ നായര്ക്ക് രാജ്യത്തിന്റെ ആദരം. മരണാനന്തര ബഹുമതിയായി എംടിക്ക് രാജ്യം പത്മവിഭൂഷണ് നൽകും.ഇന്ത്യൻ ഹോക്കി താരം ഒളിമ്പ്യൻ പിആര് ശ്രീജേഷ്, നടി ശോഭന, നടൻ അജിത്ത് ഉള്പ്പെടെയുള്ളവര്ക്ക് പത്മഭൂഷണും സമ്മാനിക്കും.
ഐഎം വിജയൻ,കെ ഓമനക്കുട്ടിയമ്മ, ക്രിക്കറ്റ് താരം ആര് അശ്വിൻ തുടങ്ങിയവര്ക്ക് പത്മശ്രീ പുരസ്കാരവും സമ്മാനിക്കും. തെലുങ്ക് നടൻ ബാലകൃഷ്ണനും പത്മഭൂഷണ് സമ്മാനിക്കും.സുപ്രീം കോടതി അഭിഭാഷകൻ സി എസ് വൈദ്യനാഥൻ,ഗായകൻ അര്ജിത്ത് സിങ് , മൃദംഗ വിദ്വാൻ ഗുരുവായൂര് ദൊരൈ എന്നിവരും പത്മശ്രീ പുരസ്കാരത്തിന് അര്ഹരായി.
ഗായകൻ പങ്കജ് ഉദ്ദാസിന് മരണാനന്തര ബഹുമതിയായി പത്മഭൂഷണ് നൽകും. അന്തരിച്ച ബിജെപി നേതാവ് സുശീൽ കുമാര് മോദിക്ക് മരണാനന്തര ബഹുമതിയായി പത്മഭൂഷണ് നൽകും. ബിഹാർ മുൻ ഉപമുഖ്യമന്ത്രി സുശീൽ കുമാർ മോദി, ഒസാമു സുസുക്കി എന്നിവർക്ക് മരണാനന്തര ബഹുമതിയായി പത്മവിഭൂഷൺ നൽകും. നടൻ അജിത്തിനു പത്മഭൂഷണ് നൽകും.
തമിഴ്നാട്ടില് നിന്നുള്ള വാദ്യ സംഗീതജ്ഞന് വേലു ആശാന്, പാരാ അത്ലറ്റ് ഹര്വീന്ദ്രര് സിങ്ങ്, നാടോടി ഗായിക ബാട്ടുല് ബീഗം, സ്വാതന്ത്ര്യ സമര സേനാനി ലീബാ ലോ ബോ സര്ദേശായി ഉള്പ്പെടെ 31 പേരാണ് പത്മശ്രീ പുരസ്കാര പട്ടികയിലുള്ളത്. സെർവിക്കൽ കാൻസറുമായി ബന്ധപ്പെട്ട പഠനത്തിന് ഡൽഹിയിൽ നിന്നുള്ള ഗൈനക്കോളജിസ്റ്റ് ഡോ.നീർജ ഭട്ലയും പത്മശ്രീ പുരസ്കാരത്തിന് അർഹയായി.
