വിദ്വേഷം വീണ്ടും തുടരുകയാണ് ഗുരുവായൂർ മണ്ഡലം എൻഡിഎ സ്ഥാനാർത്ഥി ബി.ഗോപാലകൃഷ്ണനെന്ന് പരാതി. മുൻ ഗുരുവായൂർ എംഎൽഎമാരുടെ പേരുകൾ സഹിതമുള്ള ഫ്ലക്സ് ബോർഡ് ആണ് സ്ഥാപിച്ചിരിക്കുന്നത്.
ചാവക്കാട് നഗര മധ്യത്തിൽ ടൗണിനടുത്താണ് ഫ്ലക്സ് ബോർഡ് സ്ഥാപിച്ചിരിക്കുന്നത്. 1977 മുതലുള്ള 2021 വരെയുള്ള എംഎൽഎമാരുടെ പേരുകളാണ് പോസ്റ്ററിൽ ഉള്ളത്. 2026ൽ ഇനി ആരാണെന്നും പോസ്റ്റാറിൽ ചോദിക്കുന്നു. മുന്നേയും വിവാദ പരാമർശവുമായി ബി ഗോപാലകൃഷ്ണൻ രംഗത്ത് വന്നിരുന്നു.
ഇതിനെതിരെ വലിയ പ്രതിഷേധമാണ് ഉയർന്ന് വരുന്നത്. ബി ഗോപാലകൃഷ്ണനെ കമ്മീഷൻ വിലക്കണമെന്നും നിസംഗത വെടിഞ്ഞ് കമ്മീഷൻ ശക്തമായി ഇടപെടണമെന്നും വിഎസ് സുനിൽ കുമാർ ആവശ്യപ്പെട്ടു. വർഗീയത പറഞ്ഞ് ജനങ്ങളെ ഭിന്നിപ്പിക്കുന്നതിനാണ് ബിജെപിയും ബി ഗോപാലകൃഷ്ണനും ശ്രമിക്കുന്നത്.
