പാകിസ്ഥാൻ ഫുട്ബോൾ താരങ്ങളാണ് എന്ന വ്യാജരേഖകളുണ്ടാക്കി ജപ്പാനിലേക്കു കടക്കാൻ ശ്രമിച്ച 22 പാക് പൗരന്മാരെ നാടുകടത്തി. പാകിസ്ഥാനിലെ ‘ഫുട്ബോൾ ക്ലബ്ബിന്റെ താരങ്ങളായി’ ജപ്പാനിലേക്ക് കളിക്കാൻ എത്തിയവരെയാണ് ജപ്പാൻകാർ പാകിസ്ഥാനിലേക്കു തന്നെ തിരിച്ചുവിട്ടത്.
ഈ സംഭവത്തിനു പിന്നിൽ മനുഷ്യക്കടത്താണെന്ന് അന്വേഷണത്തിൽ വ്യക്തമായി.സിയാൽകോട്ടിൽ നിന്നുള്ള ഫുട്ബോൾ താരങ്ങളെന്ന് അവകാശപ്പെട്ടാണ് ഇവർ ടോക്യോയിലെത്തിയത്. പാകിസ്ഥാനിലെ മനുഷ്യക്കടത്ത് സംഘത്തിൽപെട്ട മാലിക് വഖാസ് എന്നയാൾ ഫുട്ബോൾ ക്ലബ്ബ് റജിസ്റ്റർ ചെയ്ത ശേഷം അതുവഴി ആളുകളെ കടത്താനാണു ശ്രമിച്ചത്.
