അഹമ്മദാബാദ് വിമാന ദുരന്തത്തില് മരണപ്പെട്ട മലയാളി നഴ്സ് രഞ്ജിതയുടെ മൃതദേഹം തിരിച്ചറിഞ്ഞു. മൃതദേഹം ചൊവാഴ്ച നാട്ടിൽ എത്തിച്ചേക്കും. മൃതദേഹം തിരിച്ചറിയാനായി രഞ്ജിതയുടെ അമ്മയുടെ ഡിഎന്എ സാമ്പിളും ആശുപത്രിയില് എത്തിച്ചിരുന്നു.
പ്രവാസ ജീവിതത്തിൻ്റെ അവസാന മാസങ്ങള് പൂര്ത്തിയാക്കാനുള്ള ഒരുക്കങ്ങളുമായി ലണ്ടനിലേക്ക് മടങ്ങവേയായിരുന്നു രഞ്ജിതയുടെ വിയോഗം. ജീവിത പ്രതിസന്ധികള്ക്ക് ഇടയിലാണ് രഞ്ജിത വിദേശത്ത് പോയത്.
എട്ട് മാസമായി ബ്രിട്ടനില് നഴ്സായി ജോലി ചെയ്യുകയായിരുന്ന രഞ്ജിത കേരളത്തിലെ സര്ക്കാര് ജോലിയുടെ നടപടിക്രമങ്ങള് പൂര്ത്തിയാക്കാനാണ് നാട്ടിലെത്തിയത്. ജൂലൈയില് ജോലിയില് കയറാനായിരുന്നു രഞ്ജിത ഒരുങ്ങിയിരുന്നത്.
ലണ്ടനിലെത്തി അവിടത്തെ ജോലിസ്ഥലത്ത് നിന്നുള്ള വിടുതല് പേപ്പര് വര്ക്കുകള് പൂര്ത്തിയാക്കി മടങ്ങുകയായിരുന്നു രഞ്ജിതയുടെ യാത്ര ഉദേശ്യം.
വാർത്തകൾക്ക് ഗ്രൂപ്പിൽ അംഗമാകാം:
