Warning: Cannot modify header information - headers already sent in /home1/nalamida/public_html/wp-content/plugins/gtranslate/gtranslate.php on line 90
എമിറേറ്റ്സ് വിമാനങ്ങളിലെ പവർ ബാങ്ക് നിയന്ത്രണം പ്രാബല്യത്തിൽ വന്നു | Nalamidam
3 November 2026
Home News International എമിറേറ്റ്സ് വിമാനങ്ങളിലെ പവർ ബാങ്ക് നിയന്ത്രണം പ്രാബല്യത്തിൽ വന്നു

എമിറേറ്റ്സ് വിമാനങ്ങളിലെ പവർ ബാങ്ക് നിയന്ത്രണം പ്രാബല്യത്തിൽ വന്നു

പുതിയ മാർഗ്ഗനിർദ്ദേശങ്ങൾ പ്രകാരം, നിശ്ചിത മാനദണ്ഡങ്ങൾ പാലിക്കുന്ന ഒരു പവർ ബാങ്ക് മാത്രമേ യാത്രക്കാർക്ക് കൈവശം വെക്കാൻ അനുമതിയുള്ളൂ

269

എമിറേറ്റ്സ് വിമാനങ്ങളിലെ പവർ ബാങ്ക് സംബന്ധിച്ച പുതുക്കിയ നിയമം ഇന്ന് പ്രാബല്യത്തിൽ വന്നു. യാത്രക്കാരുടെയും ജീവനക്കാരുടെയും സുരക്ഷ ഉറപ്പാക്കുന്നതിന്റെ ഭാഗമായാണ് ഈ നിയന്ത്രണം ഏർപ്പെടുത്തിയിരിക്കുന്നത്.

പുതിയ മാർഗ്ഗനിർദ്ദേശങ്ങൾ പ്രകാരം, നിശ്ചിത മാനദണ്ഡങ്ങൾ പാലിക്കുന്ന ഒരു പവർ ബാങ്ക് മാത്രമേ യാത്രക്കാർക്ക് കൈവശം വെക്കാൻ അനുമതിയുള്ളൂ, അതും ഹാൻഡ് ബാഗേജിൽ മാത്രം.

പ്രധാന നിയമങ്ങൾ

ചെക്ക്-ഇൻ ബാഗേജിൽ പവർ ബാങ്കുകൾ വെക്കാൻ പാടില്ല.

കൈവശം വെക്കാവുന്ന പവർ ബാങ്കിന്റെ ശേഷി 100 വാട്ട് മണിക്കൂറിൽ (Wh) താഴെയായിരിക്കണം.

വിമാന യാത്രയ്ക്കിടയിൽ പവർ ബാങ്കുകൾ ഉപയോഗിക്കാനോ വിമാനത്തിലെ വൈദ്യുതി സംവിധാനം ഉപയോഗിച്ച് ചാർജ് ചെയ്യാനോ പാടില്ല.

പവർ ബാങ്കുകൾ സീറ്റിന് മുന്നിലെ പോക്കറ്റിലോ സീറ്റിനടിയിലെ ബാഗിലോ സൂക്ഷിക്കണം.

യാത്രയ്ക്ക് മുൻപ് ഫോണുകളിലും മറ്റ് ഇലക്ട്രോണിക് ഉപകരണങ്ങളിലും ആവശ്യത്തിന് ചാർജ് ഉണ്ടെന്ന് യാത്രക്കാർ ഉറപ്പാക്കേണ്ടതുണ്ട്.