കോട്ടയം ഗവണ്മെന്റ് നഴ്സിംഗ് കോളജില് ഒന്നാം വര്ഷ വിദ്യാര്ഥികളെ റാഗ് ചെയ്ത അഞ്ചു വിദ്യാര്ഥികളെ പോലീസ് അറസ്റ്റ് ചെയ്തു. സാമുവല്, ജീവ, രാഹുല്, റില്ഞ്ജിത്ത്, വിവേക് എന്നിവരെയാണ് അറസ്റ്റ് ചെയ്തത്. ഇതോടെ വിദ്യാര്ഥികളെ കോളജില് നിന്നും സസ്പെന്ഡ് ചെയ്തു. ഒന്നാം വര്ഷ വിദ്യാര്ത്ഥികളെ മൂന്നാം വര്ഷ വിദ്യാര്ത്ഥികള് കോമ്പസ് ഉപയോഗിച്ച് കുത്തി മുറിവേല്പ്പിച്ചെന്ന് ഉള്പ്പെടെയാണ് പരാതി.
സ്വകാര്യ ഭാഗങ്ങളില് ഡമ്പല് തൂക്കി ഉള്പ്പെടെ സീനിയേഴ്സ് തങ്ങളോട് ക്രൂരത കാണിച്ചുവെന്ന ഞെട്ടിക്കുന്ന വെളിപ്പെടുത്തലാണ് റാഗിങ്ങിന് ഇരയായ വിദ്യാര്ത്ഥികള് നടത്തിയിരിക്കുന്നത്. ശബ്ദം ഉണ്ടാക്കിയപ്പോള് ബോഡി ലോഷന് മുറിവുകളിലും വായിലും ഒഴിച്ചു. റാഗിങിൻ്റെ ദൃശ്യങ്ങള് പ്രതികള് മൊബൈലിൽ പകര്ത്തി സൂക്ഷിച്ചുവെന്നും പൊലീസ് കണ്ടെത്തി.
കഴിഞ്ഞ മൂന്ന് മാസത്തോളമായി സീനിയേഴ്സ് നിരന്തരം ഉപദ്രവിച്ചു വരികയായിരുന്നെന്നും വിദ്യാര്ത്ഥികള് പറഞ്ഞു. സീനിയേഴ്സിൻ്റെ ഭീഷണി ഭയന്ന് ഇവര് ആദ്യമൊന്നും ഇത് ആരോടും പറഞ്ഞില്ല. പീഡനം കൊണ്ട് പൊറുതിമുട്ടിയപ്പോഴാണ് ഗാന്ധിനഗര് പൊലീസ് സ്റ്റേഷനില് പരാതിയുമായി എത്തിയതെന്നും വിദ്യാര്ത്ഥികള് പറഞ്ഞു.
