പ്രമുഖ വ്യവസായി, കേന്ദ്ര സർക്കാരിലെ മുൻ മന്ത്രി, ടെക്നോളജി നയനിർമാതാവ് എന്നീ ഒട്ടനവധി തലങ്ങളിലൂടെയാണ് രാജീവ് ചന്ദ്രശേഖർ ഇന്ത്യൻ പൊതുജനത്തിന് പരിചിതനായത്. എന്നാൽ, സോഷ്യൽ മീഡിയയിലും ചാനൽ ചർച്ചകളിലും അതിനുശേഷമുള്ള പ്രസ്താവനകളും പ്രവർത്തികളും അദ്ദേഹത്തെ ഗൗരവമേറിയ രാഷ്ട്രീയ നേതാവിൽ നിന്നു നിരന്തരം വിമർശനത്തിന്റെയും പരിഹാസത്തിന്റെയും കേന്ദ്രമായി മാറ്റി. കേരളത്തിലെ ബിജെപി അധ്യക്ഷനായ ശേഷം വിഴിഞ്ഞം ഉദ്ഘാടനവേദിയില് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് അല്പ്പത്തരം കാണിച്ചെന്ന് കുറ്റപ്പെടുത്തി സിപിഐഎം മുഖപത്രം ദേശാഭിമാനി മുഖപ്രസംഗം വരെ എഴുതി .
പിന്വാതിലിലൂടെയാണ് രാജീവ് ചന്ദ്രശേഖര് ഉദ്ഘാടനവേദിയിൽ ഇരിപ്പിടം തരപ്പെടുത്തിയതെന്ന് ദേശാഭിമാനി പരിഹസിച്ചു. മണിക്കൂറുകള്ക്ക് മുന്പേ വേദിയില് വന്നിരുന്ന അദ്ദേഹം അവിടെയിരുന്ന് ബിജെപി പ്രവര്ത്തകര്ക്ക് മുദ്രാവാക്യം വിളിച്ചുകൊടുത്തു. രാജീവ് ചന്ദ്രശേഖറിന്റെ അല്പ്പത്തരത്തിന് രാജ്യം സാക്ഷിയായെന്നും എഡിറ്റോറിയലില് പരാമര്ശമുണ്ട്
അതേസമയം, 2024-ലെ ലോക്സഭാ തിരഞ്ഞെടുപ്പിന് ശേഷം രാജീവ് ചന്ദ്രശേഖർ ചെയ്ത വ്യക്തിപരമായ ട്വീറ്റുകൾ, വിമർശനാത്മക പഞ്ചുകൾ, എന്നിവയുടെ നോക്കിയാൽ വായനക്കാർക്ക് ട്രോൾ പോലെ തോന്നിയിരുന്നു . പലപ്പോഴും പ്രതിപക്ഷ നേതാക്കൾക്കെയും മാധ്യമ പ്രവർത്തകരെയും ലക്ഷ്യമിട്ട്, തര്ക്കഭരിതമായ ഭാഷ ഉപയോഗിച്ചതിനെതിരെ വലിയ വിമർശനമുയരുന്നുണ്ട്.
അത്യാധുനിക സാങ്കേതിക വിദ്യകളിലും സംരംഭകത്വത്തിലും പ്രാവീണ്യമുള്ളതായി കണക്കാക്കപ്പെട്ടിരുന്ന നേതാവ്, ഇപ്പോൾ ട്രോളുകൾക്ക് പാത്രമാകുന്ന കാഴ്ചയാണ് കേരളത്തിൽ ഉണ്ടാകുന്നത്. “ഞാൻ പ്രധാനമന്ത്രി മോഡിയുടെ സൈന്യത്തിലെൊരു കമാൻഡറാണ്” എന്ന പോലെയുള്ള ആത്മവിശ്വാസ പ്രസ്താവനകൾ, പക്ഷപാതപരമായി ഉപയോഗിച്ചുള്ള “ചിത്രീകരണ” പോസ്റ്റുകൾ, ഇവയെല്ലാം വിമർശകരുടെ കയ്യിൽ “കോമാളിത്തത്തിന്റെ അടയാളങ്ങളായി” മാറിയിട്ടുണ്ട്.
“സത്യവും ദേശീയതയും സംരക്ഷിക്കുന്നതിന് ഞാൻ അടിയന്തരമായ ഭാഷ ഉപയോഗിക്കും, ഞാൻ സൈലന്റ് സ്പെക്ടേറ്റർ അല്ല”.- എന്ന് രാജീവ് ചന്ദ്രശേഖർ തന്റെ ഔദ്യോഗിക ഹാൻഡിലുകൾ വഴി നേരത്തെ വ്യക്തമാക്കിയിട്ടുണ്ട് . രാജീവ് ചന്ദ്രശേഖർ എന്ന നേതാവ്, വിദഗ്ധതയും കഴിവുമുള്ള ഒരു ഭരണനേതാവായിരുന്നെങ്കിലും, ഇപ്പോഴത്തെ ആധികാരികത ഇല്ലാത്ത രാഷ്ട്രീയ അവതരണശൈലി അദ്ദേഹത്തെ പൊതുചർച്ചകളിലെ ട്രോളുകളിലേക്ക് തള്ളിവെക്കുന്നു എന്നതാണ് പല നിരീക്ഷകരുടെയും വിലയിരുത്തൽ. പ്രസ്തുത ശൈലി പുതിയ തലമുറയെ ആകർഷിച്ചേക്കാമെങ്കിലും, ദേശീയ രാഷ്ട്രീയത്തിലെ സ്ഥിരതയ്ക്കും ബിജെപിയുടെ ഭാവിക്കും ഇത് ഗുണം ചെയ്യുമോ എന്നത് ഇനി കാണേണ്ടതുണ്ട്.
