ഗ്രാമങ്ങളിലൂടെ രാഷ്ട്രീയ സ്വയംസേവക സംഘം (ആർഎസ്എസ്) വളരുകയാണ്. പ്രതേകിച്ചും ആശയപരമായും അതിൻ്റെ രാഷ്ട്രീയപരമായും. നാഷണൽ വളണ്ടിയർ യൂണിയൻ ‘അല്ലെങ്കിൽ’ നാഷണൽ വളണ്ടിയർ കോർപ്‌സ്. ഒരു ഇന്ത്യൻ വലതുപക്ഷ, ഹിന്ദു ദേശീയവാദിയായ വളണ്ടിയർ, അർദ്ധസൈനിക സംഘടനയാണ്. ഇന്ത്യൻ സമൂഹത്തിൻ്റ എല്ലാ വശങ്ങളിലും സാന്നിധ്യം വികസിപ്പിച്ചെടുത്തിട്ടുള്ള സംഘപരിവാർ സംഘകുടുംബം എന്നും പറയപ്പെടുന്നു.
ആർഎസ്എസ് ശാഖകൾ
സംഘ ശാഖകളുടെ എണ്ണത്തിൽ ഗുജറാത്ത് ഇപ്പോഴും ശരാശരി സംസ്ഥാനം മാത്രമാണ്. എന്നാൽ കേരളത്തിലാണ് ഏറ്റവും കൂടുതൽ ആർഎസ്എസ് ശാഖകൾ പ്രവർത്തിക്കുന്നത്. മുൻകാലങ്ങളിൽ നിന്ന് താരതമ്യം ചെയ്യുമ്പോൾ കേരളത്തിൽ സംഘത്തിൻ്റെ ആശയത്തോട് വളരെയേറെ വർധനവാണ് കാണാൻ സാധിക്കുന്നു.
ജെ നന്ദകുമാർ പറയുന്നത്
“കേന്ദ്ര സർക്കാരിനെ ആർഎസ്എസ് നിയന്ത്രിക്കാറില്ലെന്ന് ആർഎസ്എസ് ദേശിയ നേതാവ് ജെ നന്ദകുമാർ പറഞ്ഞു. കേന്ദ്ര സർക്കാർ ആർഎസ്എസ് സന്ദേശ സർക്കാർ എന്ന പ്രചാരണം ശരിയല്ല. ആർഎസ്എസ് നൂറാംവാർഷികം ആഘോഷിക്കുന്നില്ലെന്നും ഈ വർഷം പുതിയ ഒരു ലക്ഷം ഗ്രാമങ്ങളിൽ ആർഎസ്എസ് പ്രവർത്തനം എത്തിക്കും,” -ജെ നന്ദകുമാർ പ്രത്യേക അഭിമുഖത്തിൽ 24 വാർത്തയോട് പറഞ്ഞു.
“ആർഎസ്എസിൻ്റെ ചരിത്രത്തിൽ ഒരു ജൂബിലി ആഘോഷങ്ങളും നടത്തിയിട്ടില്ല. ഓരോ വർഷം കഴിയുന്നതും ആഘോഷിക്കാൻ വേണ്ടി ഉള്ളതല്ല. അതിനപ്പുറം ഒരു ഉൾനോട്ടത്തിൻ്റെ സമയമായി കണക്കാക്കുകയാണ് സംഘം എന്നും ചെയ്‌തിട്ടുള്ളത്. മുന്നിൽ വെച്ച ലക്ഷ്യം പൂർത്തീകരിക്കുന്നതിന് ഒരു വർഷം കൂടി കഴിഞ്ഞിരിക്കുന്നു.” -ജെ നന്ദകുമാർ വ്യക്തമാക്കി.
കേന്ദ്ര സർക്കാരിനെ നിയന്ത്രിക്കാറില്ല
“ബിജെപി സർക്കാർ സംഘത്തിൻ്റെ ആശയങ്ങൾ ഉൾക്കൊള്ളുന്നതല്ല. ആർഎസ്എസിൻ്റെ ആശയം ഉൾകൊണ്ട കുറച്ചുപേർ ബിജെപിയിൽ ഉണ്ടെന്ന് പറയുന്നതാണ് ശരി. സർക്കാരിനെ ആർഎസ്എസ് പ്രേരിപ്പിക്കുകയോ സർക്കാരിൻ്റെ നയപരിപാടികൾ സംഘത്തിൻ്റെത് ആകുകയോ ചെയ്‌തിട്ടില്ല. അതെല്ലാം മാധ്യമ സൃഷ്‌ടികളാണ്. ആർഎസ്എസിൻ്റെ ആശയപ്രകാരം ഉള്ള സർക്കാർ അല്ല ഇത്. കേന്ദ്ര സർക്കാരിനെ നിയന്ത്രിക്കാറില്ല,” -എന്നും ജെ നന്ദകുമാർ പറഞ്ഞു.
“ആർഎസ്എസിനോട് സമൂഹത്തിനുള്ള തൊട്ട് കൂടായമ്മ മാറി വരുന്നുണ്ട്. ഒരുപക്ഷേ ബിജെപി അധികാരത്തിൽ വന്ന ശേഷമല്ല. ആർഎസ്എസിൻ്റെ സ്വാധീനം രാഷ്ട്രീയ വളർച്ച അനുസരിച്ചല്ല. ഈ വർഷം പുതിയ ഒരു ലക്ഷം ഗ്രാമങ്ങളിൽ കൂടി ആർഎസ്എസിൻ്റെ പ്രവർത്തനം എത്തിക്കും. അടുത്ത മൂന്ന് വർഷം കൊണ്ട് ആർഎസ്എസിൻ്റെ സന്ദേശം എത്താത്ത മൂന്ന് ലക്ഷം ഗ്രാമങ്ങളിൽ സന്ദേശം എത്തിച്ചു പ്രവർത്തനം തുടങ്ങും.” -അദ്ദേഹം പറഞ്ഞു.
വിക്കിപീഡിയ കുറിപ്പുകൾ:
1925 സെപ്റ്റംബർ 27ന് സ്ഥാപിതമായ സംഘടനയുടെ പ്രാരംഭ ലക്ഷ്യം സ്വഭാവ പരിശീലനം നൽകുകയും ഹിന്ദു സമൂഹത്തെ ഒന്നിപ്പിക്കുന്നതിനും ഒരു ഹിന്ദു രാഷ്ട്രം സ്ഥാപിക്കുന്നതിനുമായി “ഹിന്ദു അച്ചടക്കം” വളർത്തിയെടുക്കുക എന്നതുമായിരുന്നു. ഹിന്ദു സമൂഹത്തെ “ശക്തിപ്പെടുത്തുന്നതിന്” ഹിന്ദുത്വത്തിൻ്റെ പ്രത്യയശാസ്ത്രം പ്രചരിപ്പിക്കുക എന്നതാണ് സംഘടനയുടെ ലക്ഷ്യം.
ന്യൂനപക്ഷ അസഹിഷ്‌ണുത
കൂടാതെ ഒരു ഇന്ത്യൻ സംസ്‌കാരവും അതിൻ്റെ നാഗരിക മൂല്യങ്ങളും ഉയർത്തി പിടിക്കുന്നതിനുള്ള ഒരു ആദർശം പ്രോത്സാഹിപ്പിക്കുകയും ചെയ്യുന്നു. മറുവശത്ത്, ആർ‌എസ്‌എസിനെ “ഹിന്ദു മേധാവിത്വത്തിൻ്റെ അടിസ്ഥാനത്തിൽ സ്ഥാപിതമായത് ” എന്ന് വിശേഷിപ്പിച്ചിരിക്കുന്നു. ന്യൂനപക്ഷങ്ങളോടുള്ള അസഹിഷ്‌ണുത പ്രത്യേകിച്ച്, മുസ്ലീം വിരുദ്ധ പ്രവർത്തനങ്ങൾ എന്നിവ ആരോപിക്കപ്പെട്ടിട്ടുണ്ട്.
ബ്രിട്ടീഷ് രാജുമായി സഹകരിച്ചു
കൊളോണിയൽ കാലഘട്ടത്തിൽ ആർഎസ്എസ് ബ്രിട്ടീഷ് രാജുമായി സഹകരിച്ചു. ഇന്ത്യൻ സ്വാതന്ത്ര്യ സമരത്തിൽ ഒരു പങ്കും വഹിച്ചില്ല. സ്വാതന്ത്ര്യാനന്തരം, അത് സ്വാധീനമുള്ള ഒരു ഹിന്ദു ദേശീയ സംഘടനയായി വളർന്നു. അതിൻ്റെ പ്രത്യയശാസ്ത്ര വിശ്വാസങ്ങൾ പ്രചരിപ്പിക്കുന്നതിനായി നിരവധി സ്‌കൂളുകൾ, ചാരിറ്റികൾ, ക്ലബ്ബുകൾ എന്നിവ സ്ഥാപിച്ച നിരവധി അനുബന്ധ സംഘടനകൾക്ക് ജന്മം നൽകി.
ആർഎസ്എസ് നിരോധനം
1947ൽ നാല് ദിവസത്തേക്കും പിന്നീട് സ്വാതന്ത്ര്യാനന്തര ഇന്ത്യൻ സർക്കാർ നിരോധിച്ചു. ആദ്യം 1948ൽ ആർഎസ്എസ് അംഗമായ നാഥുറാം ഗോഡ്‌സെ മഹാത്മാഗാന്ധിയെ വധിച്ചപ്പോൾ. പിന്നീട് അടിയന്തര അവസ്ഥയിൽ (1975- 1977). 1992ൽ ബാബറി മസ്‌ജിദ് പൊളിച്ചതിന് ശേഷം മൂന്നാം തവണയും നിരോധനമുണ്ടായി.
21-ാം നൂറ്റാണ്ടിൽ അംഗത്വത്തിൻ്റെ കാര്യത്തിൽ ലോകത്തിലെ ഏറ്റവും വലിയ തീവ്ര വലതുപക്ഷ സംഘടനയാണിത്. ആർ‌എസ്‌എസിനെ ഒരു തീവ്രവാദ സംഘടനയായി വിമർശിച്ചിട്ടുണ്ട്. കൂടാതെ വിദ്വേഷം പ്രചരിപ്പിക്കുകയും അക്രമത്തെ പ്രോത്സാഹിപ്പിക്കുകയും ചെയ്യുന്നുവെന്ന് രാഷ്ട്രീയ നിരീക്ഷകരുടെ അഭിപ്രായവും ഉയർന്നിരുന്നു.
