| അനീഷ് മാത്യു
ഇന്നത്തെ പദ്മ അവാർഡിനെ പറ്റിയുള്ള വാർത്തയായി രാവിലെ മുതൽ വായിച്ചത് തിരുവതാംകൂർ രാജകുടുംബത്തിലെ ഒരു അംഗത്തിന് പദ്മശ്രീ കൊടുത്ത വാർത്ത ആയിരുന്നു- അവരെ കളിയാക്കിയും ട്രോളിയും ഉള്ള തമാശകൾ മാത്രം ആണ് പദ്മ അവാർഡിനെപ്പറ്റി ഫേസ് ബുക്ക് പോസ്റ്റുകളിൽ കാണാൻ സാധിക്കുക. അതോടൊപ്പം ഓ രാജഗോപാലിന് എന്തിന് കൊടുത്ത് എന്നും കണ്ടു.
ചുരുക്കത്തിൽ പദ്മ അവാർഡ് എന്നാൽ ഓ രാജഗോപാൽ – അശ്വതി തിരുന്നാൾ എന്നത് മാത്രം. — ഇത് ഈ അവാർഡ് മൊത്തം കോമാളികൾക്ക് ആണോ എന്നറിയാൻ ആയി ആണ് അന്വേഷിക്കുന്നത്. മൊത്തം 122 പദ്മ അവാർഡുകളിൽ കേരളത്തിൽ നിന്നും എട്ടു പേർക്കാണ് പദ്മ അവാർഡുകൾ .
രണ്ടു പദ്മ ഭൂഷണും ആറു പദമാ ശ്രീയും. – ഇതും കൂടാതെ മലയാളി ആയ ഉഷ ഉതുപ്പിനും പദ്മ ഭൂഷൺ കിട്ടിയിട്ടുണ്ട്. ഫാത്തിമ ബീവിക്കും ഉഷ ഉതുപ്പിനും കിട്ടിയതിനേപ്പറ്റി ആരും എഴുതി കണ്ടില്ല.
ഇനി പദ്മ ശ്രീ കിട്ടിയവരുടെ പേരുകൾ നോക്കിയാലോ -കണ്ണൂർ നിന്നുള്ള തെയ്യം ആര്ടിസ്റ്മുപ്പത് വർഷത്തോളം തെയ്യം അവതരിപ്പിച്ച ഇ പി നാരായണൻ, അതേപോലെ 650 തരം തനത് നെൽവിത്തുകൾ കണ്ടെത്തി സംരക്ഷിച്ച കൃഷിക്കാരൻ ആയ ഒരു കാസറഗോഡുകാരൻ സത്യനാരായണ ഒക്കെ ഉണ്ട്.
ഇതേപോലെ ആദ്യമായി ഒരു വിദേശിക്ക് – ഫോക്സോൺ ചെയര്മാന് കൂടി പദ്മ ഭൂഷൺ കിട്ടിയിട്ടുണ്ട്. ( അതിലൊരു രാഷ്ട്രീയവും ഉണ്ട് – ആദ്യമായി ഒരു വിദേശിക്ക് കൊടുക്കുന്നത് ഒരു തായ്വാനീസ് നാഷണൽ ആകുന്നത് ) ഇടതുപക്ഷ അനുഭാവികൾ ട്രോൾ എഴുതി കളിക്കുമ്പോൾ സംഘ്പരിവാർ കേരളത്തിൽ യഥാർത്ഥ രാഷ്ട്രീയത്തിലേക്ക് ഇറങ്ങുകയാണ്. കേരളത്തിൽ നിന്നുള്ള പദമാ അവാർഡുകൾ കിട്ടിയ 8 + 1 പേരുടെ പ്രൊഫൈൽ കുത്തിയിരുന്നു പഠിക്കു – അപ്പോൾ മനസിലാകും.
