തായ്വാൻ വിഷയം ചൈനയുടെ ആഭ്യന്തര കാര്യമാണെന്നും മറ്റ് രാജ്യങ്ങൾ ഇതിൽ ഇടപെടരുതെന്നും ചൈനീസ് വിദേശകാര്യ മന്ത്രാലയ വക്താവ് ലിൻ സിയാൻ വ്യക്തമാക്കി. തായ്വാൻ വിഷയം അമേരിക്ക മുന്നിൽ കൊണ്ടുവരുന്നത് ഉചിതമല്ലെന്ന് അദ്ദേഹം പറഞ്ഞു .
ഇന്തോ-പസഫിക് മേഖലയിലെ ചൈനയുടെ ആക്രമണാത്മക നടപടികളെ ചെറുക്കുമെന്ന യുഎസ് പ്രതിരോധ സെക്രട്ടറി പീറ്റ് ഹെഗ്സെത്തിന്റെ അഭിപ്രായത്തോട് ചൈന ശക്തമായി പ്രതികരിക്കുകയായിരുന്നു . തായ്വാൻ വിഷയത്തെക്കുറിച്ചുള്ള ഹെഗ്സെത്തിന്റെ പരാമർശത്തെ ചൈനീസ് വിദേശകാര്യ മന്ത്രാലയ വക്താവ് വിമർശിച്ചു. തീ കൊണ്ടുള്ള കളി പാടില്ലെന്ന് അമേരിക്കയ്ക്ക് ശക്തമായ മുന്നറിയിപ്പ് നൽകി.
ഭൂമിശാസ്ത്രപരവും സമുദ്രപരവുമായ തർക്കങ്ങൾ പരിഹരിക്കുന്നതിനൊപ്പം, തായ്വാൻ വിഷയത്തിൽ ചൈന ഏകപക്ഷീയമായി പെരുമാറുകയാണെന്ന് സിംഗപ്പൂരിൽ നടന്ന ഒരു അന്താരാഷ്ട്ര സുരക്ഷാ സമ്മേളനത്തിൽ സംസാരിക്കവെ ഹെഗ്സെത്ത് പറഞ്ഞിരുന്നു . തായ്വാനിന് ചുറ്റുമുള്ള സമുദ്രാതിർത്തിയിൽ വിമാനവാഹിനിക്കപ്പലുകൾ വിന്യസിക്കുകയും അത് പിടിച്ചെടുക്കാൻ ഭീഷണിപ്പെടുത്തുകയും ചെയ്യുന്നതായി ചൈനയ്ക്കെതിരെ ആരോപണമുണ്ട്.
ചൈനയിൽ നിന്ന് സാമ്പത്തികവും സൈനികവുമായ സമ്മർദ്ദം നേരിടുന്ന ഇന്തോ-പസഫിക് മേഖലയിലെ സഖ്യകക്ഷികളെ അവഗണിക്കില്ലെന്ന് പറഞ്ഞ ഹെഗ്സെത്ത്, ഈ രാജ്യങ്ങൾ അവരുടെ പ്രതിരോധ ചെലവ് വർദ്ധിപ്പിക്കണമെന്ന് നിർദ്ദേശിച്ചു. ഹെഗ്സെത്തിന്റെ അഭിപ്രായങ്ങളോട് ചൈനീസ് വിദേശകാര്യ മന്ത്രാലയ വക്താവ് ശക്തമായി പ്രതികരിക്കുകയും അമേരിക്കയ്ക്ക് മുന്നറിയിപ്പ് നൽകുകയും ചെയ്തു.
