Warning: Cannot modify header information - headers already sent in /home1/nalamida/public_html/wp-content/plugins/gtranslate/gtranslate.php on line 90
‘ലോകത്തിലെ ഏറ്റവും ഉയരം കൂടിയ ശിവലിംഗം’; മഹേശ്വരം ശ്രീ ശിവപാർവ്വതി ക്ഷേത്രത്തിൽ അതിരുദ്ര മഹായജ്ഞം | Nalamidam
30 October 2026
Home News Kerala ‘ലോകത്തിലെ ഏറ്റവും ഉയരം കൂടിയ ശിവലിംഗം’; മഹേശ്വരം ശ്രീ ശിവപാർവ്വതി ക്ഷേത്രത്തിൽ അതിരുദ്ര മഹായജ്ഞം

‘ലോകത്തിലെ ഏറ്റവും ഉയരം കൂടിയ ശിവലിംഗം’; മഹേശ്വരം ശ്രീ ശിവപാർവ്വതി ക്ഷേത്രത്തിൽ അതിരുദ്ര മഹായജ്ഞം

കേരളത്തിൽ ആറാമത് അതിരുദ്ര മഹായജ്ഞം സംഘടിപ്പിക്കുന്ന ക്ഷേത്രമാണിത്

272

നെയ്യാറ്റിൻകര മഹേശ്വരം ശ്രീ ശിവ പാർവ്വതി ക്ഷേത്രത്തിൽ ശിവരാത്രി മഹോൽസവത്തോട് അനുബന്ധിച്ച് നടത്തുന്ന ആറാമത് അതിരുദ്ര മഹായജ്ഞത്തിൻ്റെ കാൽ നാട്ടു കർമ്മം ഭക്തി സാന്ദ്രമായ ചടങ്ങോടെ നടന്നു. ലോക റെക്കോർഡുകളിൽ ഇടം നേടിയ ലോകത്തിലെ ഏറ്റവും ഉയരം കൂടിയ ശിവലിംഗം സ്ഥിതി ചെയ്യുന്ന ക്ഷേത്രമാണ് ദക്ഷിണ കൈലാസ, മഹേശ്വരം ശ്രീ ശിവ പാർവതി ക്ഷേത്രം. ഈ വർഷത്തെ ശിവരാത്രി മഹോത്സവത്തിൻ്റെ ഭാഗമായി നടക്കുന്ന അതിരുദ്ര മഹാ യജ്ഞത്തിൻ്റെ യജ്ഞശാലക്കുള്ള കാൽ നാട്ടുകർമ്മം സംഘടിപ്പിച്ചത്.

കേരളത്തിൽ ആറാമത് അതിരുദ്ര മഹായജ്ഞം സംഘടിപ്പിക്കുന്ന ക്ഷേത്രമാണിത്. അതിരുദ്ര മഹായജ്ഞത്തിന് മുന്നോടിയായുള്ള സുപ്രധാന ചടങ്ങായ കാൽനാട്ട് കർമ്മം ഭക്തി സാന്ദ്രമായ അന്തരീക്ഷത്തിൽ ക്ഷേത്ര മഠാധിപതി സ്വാമി മഹേശ്വരാനന്ദ സരസ്വതി നിർവഹിച്ചു. മഹാ ഗണപതി ഹോമത്തിനും വിശേഷാൽ പൂജകൾക്കും ശേഷമാണ് ചടങ്ങുകൾ ആരംഭിച്ചത്. ക്ഷേത്ര മേൽശാന്തി കുമാർ മഹേശ്വരം ചടങ്ങുകൾക്ക് നേത്വർത്ഥം നൽകി.

ചടങ്ങിൽ ജില്ലാ കളക്ടർ അനുകുമാരി ഐഎസ് മുഖ്യാതിഥിയായി. ഉൽസവത്തിന് മുന്നോടിയായുള്ള ഉദ്യോഗസഥ പ്രമുഖരുടേയും ജനപ്രതിനിധികളുടെയും ഉന്നതതല അവലോകന യോഗവും നടന്നു.

ചടങ്ങിൽ നെയ്യാറ്റിൻകര നഗരസഭ ചെയർമാൻ പികെ രാജ്‌മോഹൻ, ചെങ്കൽ ഗ്രാമ പഞ്ചായത്ത് വൈസ്. പ്രസിഡൻ്റ് അജിത്കുമാർ, ബ്ലോക്ക് പഞ്ചായത് മെമ്പർ ജോജി, മുൻമന്ത്രി വിഎസ് ശിവകുമാർ, പുഞ്ചക്കരി സുരേന്ദ്രൻ, ജോസ് ഫ്രാങ്ക്‌ളിൻ, എൻ.എസ്.എസ് താലൂക്ക് യൂണിയൻ പ്രസിഡൻ്റ് മോഹൻദാസ്, തമ്പാനൂർ സി.ഐ വിഎം ശ്രീകുമാർ, സൂര്യ കൃഷ്‌ണമൂർത്തി, മണക്കാട് ഗോപൻ, ക്ഷേത്ര ഭാരവാഹികൾ, ഭക്തജനങ്ങൾ തുടങ്ങിയവർ പങ്കെടുത്തു.

നാലാമിടം.ഇൻ വാർത്തകൾ വാട്‌സ്ആപ്പിൽ ലഭ്യമാണ്:   https://chat.whatsapp.com/JmHsAerjLkJCTZzScJzvcc

A platform https://nalamidam.net/ for people who are looking for news and insights that are not influenced by political or corporate agendas. Its commitment to ethical and humane journalism has helped it become a trusted source of news and insights for its readers.