തിരുവനന്തപുരം: ജില്ലയിലെ ആദിവാസി, തീരദേശ മേഖലകളിലുള്ള പെൺകുട്ടികൾക്കായി ‘സൂപ്പർ ബുക്കത്തോൺ’ എന്ന ക്യാമ്പയിനുമായി തിരുവനന്തപുരം ജില്ലാ കളക്ടർ. ‘കളക്ടെഴ്സ് സൂപ്പർ 100’ എന്ന പദ്ധതിയുടെ ഭാഗമായാണ് പുസ്ത ശേഖരണം നടത്താൻ ഒരുങ്ങുന്നത്.
ജില്ലയിലെ ആദിവാസി, തീരദേശ മേഖലകളിലുള്ള ഒമ്പത് മുതൽ പന്ത്രണ്ട് വരെ ക്ലാസുകളിലുള്ള പെൺകുട്ടികൾക്കായി, ശാസ്ത്ര വിഷയങ്ങളിൽ മുന്നോട്ടുള്ള പഠന- ജോലി സാധ്യതകളെ മനസ്സിലാക്കി കൊടുക്കുകയും താത്പര്യമുള്ളവരെ മുന്നോട്ടു നയിക്കുകയുമാണ് കളക്ടേഴ്സ് സൂപ്പർ 100 എന്ന പദ്ധതിയുടെ ലക്ഷ്യം.
സൂപ്പർ 100 ലേക്ക് തിരഞ്ഞെടുക്കപ്പെട്ട കുട്ടികൾക്ക് വേണ്ടി ജില്ലാ കളക്ടറേറ്റിൽ ഒരു ലൈബ്രറി ഒരുക്കാൻ തീരുമാനിച്ചിരിക്കുകയാണ്. ഇതിൻ്റെ പുസ്തകങ്ങൾ സമാഹരിക്കുന്നതിനായി ’ സൂപ്പർ ബുക്കത്തോൺ (Super Bookathon)’ എന്ന ക്യാമ്പയിൻ ആരംഭിക്കുന്നത്. ശാസ്ത്ര, സാങ്കേതിക, എൻജിനീയറിങ്ങ്, ഗണിത വിഷയങ്ങളുമായി ബന്ധപ്പെട്ട പാഠ്യേതര പുസ്തകങ്ങളാണ് നൽകേണ്ടത്. ഗൈഡുകളും പാഠപുസ്തകങ്ങളും നൽകാൻ പാടുള്ളതല്ല. കഥകളും ലേഖനങ്ങളും ഉൾപ്പെടുന്ന പുസ്തകങ്ങളെല്ലാം നൽകാവുന്നതാണ്.
ഒമ്പത് മുതൽ 12 വരെയുള്ള ക്ലാസുകളിലെ ആദിവാസി, തീരദേശ മേഖലകളിലെ പെൺകുട്ടികൾക്ക് പഠനവും ശാസ്ത്രവുമായി ബന്ധപ്പെട്ട മേഖലകളിലെ തൊഴിൽ സാധ്യതകളും മനസ്സിലാക്കി അവരെ പ്രചോദിപ്പിക്കുകയും ഈ മേഖലകളിൽ താൽപ്പര്യമുള്ളവർക്ക് മാർഗനിർദേശം നൽകുകയും ചെയ്യുക എന്ന ലക്ഷ്യത്തോടെയുളള കളക്ടേഴ്സ് സൂപ്പർ 100 എന്ന പദ്ധതിയുടെ ഭാഗമാണ് സൂപ്പർ ബുക്കത്തോൺ.
സൂപ്പർ 100 പ്രോഗ്രാമിന് കീഴിൽ തിരഞ്ഞെടുക്കപ്പെട്ട പെൺകുട്ടികൾക്കായി ജില്ലാ കളക്ടറേറ്റിൽ പ്രത്യേക ലൈബ്രറി ഒരുങ്ങുന്നു. ഈ ലൈബ്രറി സംഭരിക്കാൻ, പുസ്തകങ്ങൾ ശേഖരിക്കുന്നതിനായി ‘സൂപ്പർ ബുക്കത്തോൺ’ ക്യാമ്പയിൻ. എന്നാൽ കഥാപുസ്തകങ്ങൾ, ലേഖനങ്ങൾ, മറ്റ് അനുബന്ധ സാഹിത്യങ്ങൾ എന്നിവ പൊതുജനങ്ങളിൽ നിന്ന് സ്വാഗതം ചെയ്യുന്നു.
