കഴിഞ്ഞ രണ്ടാഴ്ചക്കിടെ ജപ്പാനിൽ 900-ലധികം ഭൂകമ്പങ്ങൾ ഉണ്ടായി. ഇത് ജനങ്ങളെ പരിഭ്രാന്തിയിലാഴ്ത്തുന്നു. രാജ്യത്ത് ഒരു വലിയ പ്രകൃതി ദുരന്തത്തിൻ്റെ പ്രവചനവുമായി വളരെക്കാലമായി ബന്ധപ്പെട്ടിരുന്ന ജൂലൈ അഞ്ചു എന്ന തീയതി അടുക്കുമ്പോൾ, ആളുകൾക്ക് ഉറങ്ങാൻ പോലും കഴിയുന്നില്ല.
നിവാസികളോട് ഒഴിഞ്ഞുപോകാൻ
ഏറ്റവും പുതിയ സംഭവ വികാസത്തിൽ, ശക്തമായ ഭൂകമ്പത്തെത്തുടർന്ന് ഒരു ചെറിയ തെക്കൻ ദ്വീപിലെ 89 നിവാസികളോട് ഒഴിഞ്ഞുപോകാൻ ജാപ്പനീസ് അധികൃതർ ആവശ്യപ്പെട്ടു. മാത്രമല്ല, “അകുസേകി ദ്വീപിലെ ഒരു സ്കൂൾ കളിസ്ഥലത്തേക്ക്” താമസക്കാരോട് മാറിത്താമസിക്കാൻ ആവശ്യപ്പെട്ടതായി ഒരു മുനിസിപ്പൽ ഉദ്യോഗസ്ഥൻ വാർത്താ ഏജൻസിയായ എഎഫ്പിയോട് പറഞ്ഞു.
ജൂൺ 21 മുതൽ 1,000-ത്തിലധികം ഭൂകമ്പങ്ങൾ ഉണ്ടായ ക്യൂഷു മേഖലയ്ക്ക് തെക്കുള്ള ടോക്കര ദ്വീപ് ശൃംഖലയുടെ ഭാഗമാണ് അകുസേകി എന്നത് ശ്രദ്ധേയമാണ്. എന്നിരുന്നാലും, വലിയ നാശനഷ്ടങ്ങളോ ആളപായമോ ഒന്നും തന്നെ റിപ്പോർട്ട് ചെയ്തിട്ടില്ല.
വ്യാഴാഴ്ച അകുസെക്കിക്ക് സമീപം 5.5 തീവ്രത രേഖപ്പെടുത്തിയ ഭൂകമ്പം ഉണ്ടായി. ബുധനാക്സിസ് യും അതേ തീവ്രതയിലുള്ള ഒരു ഭൂകമ്പം രേഖപ്പെടുത്തി. വ്യാഴാഴ്ചത്തെ ഭൂകമ്പത്തിൽ നിന്ന് സുനാമി സാധ്യതയില്ലെന്ന് ജപ്പാൻ കാലാവസ്ഥാ ഏജൻസിയുടെ ഭൂകമ്പ, സുനാമി നിരീക്ഷണ വിഭാഗം ഡയറക്ടർ ആയതക എബിറ്റ പറഞ്ഞു.
ജൂലൈ അഞ്ചിലെ പ്രവചനം
ജൂലൈ 5-ലെ ജപ്പാനിലെ സുനാമിയെ കുറിച്ചുള്ള ഒരു ദീർഘകാല പ്രവചനവുമായി ബന്ധപ്പെട്ടിരിക്കുന്നു. “വാതാഷി ഗ മിതാ മിറായി” (ഞാൻ കണ്ട ഭാവി) എന്ന പുസ്തകത്തിൽ പ്രസിദ്ധീകരിച്ച മാംഗ ആർട്ടിസ്റ്റ് റിയോ തത്സുകി ജൂലൈ അഞ്ചിന് ഒരു വലിയ പ്രകൃതി ദുരന്തം പ്രവചിച്ചു. ” ജപ്പാനും ഫിലിപ്പീൻസും തമ്മിൽ ഒരു കടലിനടിയിലെ വിള്ളൽ. കെട്ടിടങ്ങളേക്കാൾ ഉയരമുള്ള തിരമാലകൾ. ദശലക്ഷക്കണക്കിന് ആളുകൾ അപകടത്തിലാണ്” , തത്സുകി തൻ്റെ പുസ്തകത്തിൽ എഴുതിയത് ഇതാണ്.
ഡയാന രാജകുമാരിയുടെ മരണം, 2011-ലെ ജപ്പാൻ ഭൂകമ്പവും സുനാമിയും, കോവിഡ്-19 പാൻഡെമിക്, ഇപ്പോൾ 2025 ജൂലൈ 5-ന് ജപ്പാനെ ആഞ്ഞടിക്കുന്ന ഒരു മെഗാ സുനാമി തുടങ്ങിയ പ്രധാന ചരിത്ര സംഭവങ്ങൾ തത്സുകി പ്രവചിച്ചിരുന്നുവെന്ന് അവരുടെ അനുയായികൾ പറയുന്നു.
വാർത്തകൾക്ക് ഗ്രൂപ്പിൽ ചേരാം:
