ഇംഗ്ലീഷ് മ്യൂസിയത്തിൽ നിന്ന് 6.4 മില്യൺ ഡോളർ വിലമതിക്കുന്ന ഖര സ്വർണ്ണ ടോയ്‌ലറ്റ് മോഷ്ടിച്ചതിന് മൂന്ന് പേർ കുറ്റക്കാരാണെന്ന് കണ്ടെത്തി. ചൊവ്വാഴ്ച, ഓക്‌സ്‌ഫോർഡ് ക്രൗൺ കോടതിയിലെ ജൂറി ജെയിംസ് ഷീൻ, മൈക്കൽ ജോൺസ്, ഫ്രെഡറിക് ഡോ എന്നിവർ 2019 ൽ ബ്ലെൻഹൈം കൊട്ടാരത്തിൽ മോഷണം നടത്തിയതിന് കുറ്റക്കാരാണെന്ന് കണ്ടെത്തുകയായിരുന്നു .
പൂർണമായും പ്രവർത്തനക്ഷമമായ 18 കാരറ്റ് ടോയ്‌ലറ്റ് ഇറ്റാലിയൻ കലാകാരനായ മൗറീഷ്യോ കാറ്റലനാണ് നിർമ്മിച്ചത്. ന്യൂയോർക്കിലെ സോളമൻ ആർ. ഗുഗ്ഗൻഹൈം മ്യൂസിയത്തിൽ നിന്നുള്ള വിവരണമനുസരിച്ച്, അമേരിക്ക എന്ന് പേരിട്ടിരിക്കുന്ന ഈ കലാസൃഷ്ടി എല്ലാവർക്കും അവസരങ്ങൾ എന്ന അമേരിക്കൻ സ്വപ്നത്തെ ഉണർത്തുകയും ചെയ്യുന്നു.”
2016-ൽ ഗുഗ്ഗൻഹൈമിൽ ആദ്യമായി സ്ഥാപിച്ചതിനുശേഷം ഒരു ലക്ഷത്തിലധികം ആളുകൾ ടോയ്‌ലറ്റ് ഉപയോഗിക്കാൻ വരിവരിയായി നിന്നതായി മ്യൂസിയം പറയുന്നു. ഒരു വർഷത്തിനുശേഷം ഗുഗ്ഗൻഹൈമിൽ നിന്ന് പുറത്തുപോയ ഈ കലാസൃഷ്ടി ഓക്സ്ഫോർഡ്ഷയറിലെ ബ്ലെൻഹൈം കൊട്ടാരത്തിൽ പ്രദർശിപ്പിച്ചു.
അതിരാവിലെ കൊട്ടാരത്തിൽ അതിക്രമിച്ചു കയറിയ കള്ളന്മാർ കക്കൂസ് പൊളിച്ചുമാറ്റി. അഞ്ച് പേർ ചേർന്നാണ് കവർച്ച നടത്തിയത്. കലാസൃഷ്ടി പെട്ടെന്ന് “പൊട്ടിക്കുകയോ ഉരുക്കി വിൽക്കുകയോ ചെയ്തു”. സ്വർണ്ണം ഒരിക്കലും വീണ്ടെടുക്കാൻ കഴിഞ്ഞില്ല. മോഷ്ടാക്കൾ ഇത് ശ്രദ്ധാപൂർവ്വം ആസൂത്രണം ചെയ്ത് നടപ്പിലാക്കിയ ഒരു ധീരമായ റെയ്ഡായിരുന്നു – എന്നാൽ ഉത്തരവാദികളായവർ വേണ്ടത്ര ജാഗ്രത പാലിച്ചില്ല, ഫോറൻസിക്, സിസിടിവി ദൃശ്യങ്ങൾ, ഫോൺ ഡാറ്റ എന്നിവയുടെ രൂപത്തിൽ തെളിവുകളുടെ ഒരു സൂചന അവശേഷിപ്പിച്ചു,”പ്രോസിക്യൂട്ടർ ഷാൻ സോണ്ടേഴ്‌സ് പറഞ്ഞു.
