ഇന്ത്യൻ- അമേരിക്കൻ സംവിധായിക ഗീത ഗാന്ധീർ വ്യാഴാഴ്‌ച രണ്ട് ഓസ്‌കാർ നോമിനേഷനുകൾ നേടി. മികച്ച ഡോക്യുമെൻ്റെറി ഷോർട്ട് വിഭാഗത്തിൽ ‘ദി ഡെവിൾ ഈസ് ബിസി’ എന്ന ഹ്രസ്വ ചിത്രത്തിനും മികച്ച ഡോക്യുമെൻ്റെറി ഫീച്ചർ വിഭാഗത്തിൽ ‘ദി പെർഫെക്റ്റ് നെയ്ബർ’ എന്നിവയ്ക്കാണ്.
98-ാമത് അക്കാദമി അവാർഡുകൾക്കുള്ള നോമിനേഷനുകൾ ലോസ് ഏഞ്ചൽസിലെ അക്കാദമി ഓഫ് മോഷൻ പിക്‌ചർ ആർട്‌സ് ആൻഡ് സയൻസസ് പ്രഖ്യാപിച്ചു.
ഗാന്ധ്ഭീറും ക്രിസ്റ്റലിൻ ഹാംപ്ടണും സഹ സംവിധായകരായ ദി ഡെവിൾ ഈസ് ബിസിയാണ് സംവിധാനം ചെയ്‌തത്. മികച്ച ഡോക്യുമെൻ്റെറി ഷോർട്ട് സെഗ്‌മെന്റിലെ ഓൾ ദി എംറ്റി റൂംസ്, ആർമഡ് ഒൺലി വിത്ത് എ ക്യാമറ: ദി ലൈഫ് ആൻഡ് ഡെത്ത് ഓഫ് ബ്രെന്റ് റെനോഡ്, ചിൽഡ്രൻ നോ മോർ: വെയർ ആൻഡ് ആർ ഗോൺ, പെർഫെക്റ്റ്‌ലി എ സ്ട്രേഞ്ച്‌നെസ് എന്നിവക്കെതിരെ ആണ് ഇത് മത്സരിക്കുക .
ജോർജിയയിലെ അറ്റ്ലാൻ്റെയിലുള്ള ഒരു വനിതാ ആരോഗ്യ സംരക്ഷണ ക്ലിനിക്കിലെ സുരക്ഷാ മേധാവി ട്രേസി, ഗർഭഛിദ്രത്തിന് എതിരായ കർശനമായ നിയന്ത്രണങ്ങൾക്കും നിരന്തരമായ പ്രതിഷേധങ്ങൾക്കും ഇടയിൽ രോഗികളുടെയും ജീവനക്കാരുടെയും സുരക്ഷ ഉറപ്പാക്കാൻ ഒരു ദിവസം മുഴുവൻ പ്രവർത്തിക്കുന്നതിനെ ആണ് 31 മിനിറ്റ് ദൈർഘ്യമുള്ള ഈ ചിത്രം പിന്തുടരുന്നത്.
ഡോക്യുമെൻ്റെറി ഫീച്ചർ ഫിലിം വിഭാഗത്തിൽ, ഗാന്ധീറിൻ്റെ ദി പെർഫെക്റ്റ് നെയ്ബർ നോമിനികളിൽ ഉൾപ്പെടുന്നു. ദി അലബാമ സൊല്യൂഷൻ, കം സീ മി ഇൻ ദി ഗുഡ് ലൈറ്റ്, കട്ടിംഗ് ത്രൂ റോക്‌സ്, മിസ്റ്റർ നോബഡി എഗെയിൻസ്റ്റ് പുടിൻ എന്നിവക്കൊപ്പം.
2023 ജൂണിൽ ഫ്ലോറിഡയിലെ ഒകാലയിൽ സൂസൻ ലൂയിസ് ലോറിൻസ് എന്ന വെളുത്ത വർഗക്കാരി തൻ്റെ കറുത്ത വർഗക്കാരിയായ അയൽക്കാരിയായ അജികെ ഓവൻസിനെ മാരകമായി വെടിവച്ചു കൊന്ന സംഭവമാണ് നെറ്റ്ഫ്ലിക്‌സ് ഡോക്യുമെൻ്റെറിയിൽ വിവരിക്കുന്നത്.
അലിസ പെയ്ൻ, നിക്കോൺ ക്വാണ്ടു, സാം ബിസ്ബി എന്നിവരോടൊപ്പം ഗാന്ധീർ ഈ ചിത്രം നിർമ്മിച്ചിട്ടുണ്ട്.
സാം പൊള്ളാർഡും സ്പൈക്ക് ലീയും മാർഗനിർദേശം നൽകിയ സംവിധായകനായ ഗാന്ധീർ, 1960 -കളിൽ യുഎസിലേക്ക് കുടിയേറിയ ഇന്ത്യൻ മാതാപിതാക്കൾക്ക് ജനിച്ചു. ഏകദേശം രണ്ട് പതിറ്റാണ്ടുകളായി ഡോക്യുമെൻ്റെറി ചലച്ചിത്ര നിർമ്മാണത്തിൽ അവർ ഒരു മികച്ച കരിയർ കെട്ടിപ്പടുത്തിട്ടുണ്ട്. വഴിയിൽ നിരവധി എമ്മി, പീബോഡി അവാർഡുകൾ നേടി.
അമേരിക്കയിൽ ഉടനീളം പരീക്ഷിക്കപ്പെടാത്ത ബലാത്സംഗ കിറ്റുകൾ പ്രോസസ് ചെയ്യുന്നതിലെ വ്യവസ്ഥാപരമായ കാലതാമസം തുറന്നുകാട്ടിയ ഐ ആം എവിഡൻസ് (2017), ചരിത്രപരമായ ആഴത്തിനും ആഖ്യാന ശക്തിക്കും വ്യവസായ അംഗീകാരങ്ങൾ നേടിയ ലോൺഡെസ് കൗണ്ടി ആൻഡ് ദി റോഡ് ടു ബ്ലാക്ക് പവർ (2022) എന്നിവ അവരുടെ പ്രശംസ നേടിയ ചില പ്രോജക്ടുകളിൽ ഉൾപ്പെടുന്നു.
2022ൽ എമ്മി അവാർഡ് നേടിയ ത്രൂ ഔർ ഐസ്: അപ്പാർട്ട് എന്ന ഹ്രസ്വചിത്രവും അവർ സംവിധാനം ചെയ്‌തിട്ടുണ്ട് .
98-ാമത് അക്കാദമി അവാർഡ് ദാന ചടങ്ങ് മാർച്ച് 15ന് ഹോളിവുഡിലെ ഡോൾബി തിയേറ്ററിൽ നടക്കും. -PTI