അന്താരാഷ്ട്ര പ്രതിഭകളെ യുകെയിലേക്ക് ആകര്ഷിക്കാന് പ്രധാനമന്ത്രി കെയര് സ്റ്റാര്മര് പദ്ധതിയിടുന്നു. ഉന്നത ഉദ്യോഗസ്ഥ തലത്തില്, സ്റ്റാര്മറിന്റെ നേതൃത്വത്തില് യു.കെ വിസ ഫീസ് ഒഴിവാക്കാനുള്ള ചര്ച്ചകള് ആരംഭിച്ചതായും അമേരിക്കയുടെ കുടിയേറ്റ നിയന്ത്രണ നടപടി വിജയമാക്കി മാറ്റാന് അവര് ശ്രമങ്ങള് ആരംഭിച്ചതായാണ് റിപ്പോര്ട്ട്.
യുഎസ് പ്രസിഡന്റ് ട്രംപ് കുടിയേറ്റ തൊഴിലാളികളെ യുഎസില് നിന്ന് പുറത്താക്കുകയും വിദേശികളുടെ തൊഴിലാളികളെ നിരുത്സാഹപ്പെടുത്തുന്ന തരത്തിലുള്ള പ്രവര്ത്തികളാണ് ചെയ്യുന്നത്. അതേസമയം ലോകമെമ്പാടുമുള്ള മികച്ച ശാസ്ത്രജ്ഞരെയും അക്കാദമിക് വിദഗ്ധരെയും ഡിജിറ്റല് വിദഗ്ധരെയും യുകെയിലേക്ക് ആകര്ഷിക്കാനുള്ള നയങ്ങള് രൂപീകരിക്കുകയാണ് സ്റ്റാര്മര് എന്ന് ഫിനാന്ഷ്യല് ടൈംസ് റിപ്പോര്ട്ട് ചെയ്തു.
കഴിഞ്ഞ മാസങ്ങളില്, ട്രംപ് കുടിയേറ്റക്കാര്ക്കെതിരെ കര്ശനമായ നടപടികള് സ്വീകരിക്കുകയും യുഎസില് തീവ്ര വലതുപക്ഷ വാദം ശക്തിപ്പെടുകയും ചെയ്തിട്ടുണ്ട്. ശാസ്ത്രജ്ഞരും അക്കാദമിക് വിദഗ്ധരും അമേരിക്ക വിട്ട് കാനഡ, ചൈന തുടങ്ങിയ മറ്റ് രാജ്യങ്ങളിലേക്ക് പോകാന് ഇത് കാരണമാക്കിയിട്ടുണ്ട്. അതുകൊണ്ട് തന്നെ ട്രംപിന്റെ കുടിയേറ്റ വിരുദ്ധ അജണ്ട ഒരു ‘സെല്ഫ് ഗോള്’ ആണ് എന്നാണ് നിരീക്ഷകര് ചൂണ്ടിക്കാണിക്കുന്നത്.
