വ​ട​ക്ക​ൻ അ​യ​ർ​ല​ൻ​ഡി​ൽ ര​ണ്ടാം ലോ​ക മഹായുദ്ധ കാ​ല​ത്തെ പൊട്ടാത്ത ബോംബ് കണ്ടെത്തി

വ​ട​ക്ക​ൻ അ​യ​ർ​ല​ൻ​ഡി​ൽ നിന്നും ര​ണ്ടാം ലോ​ക മഹായുദ്ധ കാ​ല​ത്തെ നിർവീര്യമാകാത്ത ബോം​ബ് ക​ണ്ടെ​ത്തി. ഇതിനെ തുടർന്ന് സു​ര​ക്ഷ മു​ൻ​ക​രു​ത​ലി​ന്റെ ഭാ​ഗ​മാ​യി 400ലേ​റെ വീ​ടു​ക​ൾ ഒ​ഴി​പ്പി​ച്ചു. ബെ​ൽ​ഫാ​സ്റ്റി​ൽ​നി​ന്ന് 15 കി​ലോ​മീ​റ്റ​ർ അ​ക​ലെ സ്ഥിതി ചെയ്യുന്ന ന്യൂ​ടൗ​ണാ​ർ​ഡ്സി​ൽ വെ​ള്ളി​യാ​ഴ്ച​യാ​യിരുന്നു അവിചാരിതമായി ബോംബ് ക​ണ്ടെ​ത്തി​യ​ത്.

ഈ പ്രദേശത്തിൽ പുതിയ വീടുകളുടെ നിർമാണ പ്രവർത്തനങ്ങൾ നടക്കുന്നതിനിടെ തൊഴിലാളികളാണ് ബോംബ് കണ്ടെത്തിയത്. ര​ണ്ടാം ലോ​ക​യു​ദ്ധ കാ​ല​​ത്ത് വീണപ്പോൾ പൊട്ടാതെ കി​ട​ക്കു​ന്ന ബോം​ബാ​ണെ​ന്നാ​ണ് പ്രാഥമിക നിഗമനം. ഇവയെ നി​ർ​വീ​ര്യ​മാ​ക്കാ​ൻ അ​ഞ്ചു​ദി​വ​സമെങ്കിലും വേ​ണ്ടി​വ​രു​മെ​ന്നാ​ണ് ക​രു​തു​ന്ന​ത്. ​നിലവിൽ അധികൃതർ ബാ​രി​ക്കേ​ഡ് സ്ഥാ​പി​ച്ച് പ്ര​ദേ​ശ​ത്തേ​ക്കു​ള്ള സന്ദർശകരുടെ പ്ര​വേ​ശ​നം വി​ല​ക്കി​യി​ട്ടു​ണ്ട്.

അടിയന്തിര ആവശ്യങ്ങൾക്കായി എ​മ​ർ​ജ​ൻ​സി സ​പ്പോ​ർ​ട്ട് സെ​ന്റ​ർ സ്ഥാ​പി​ച്ച​താ​യും അ​ധി​കൃ​ത​ർ അ​റി​യി​ച്ചു. അതേസമയം, ര​ണ്ടാം ലോ​ക​യു​ദ്ധ​കാ​ല​ത്തെ പൊ​ട്ടാ​ത്ത ആ​യി​ര​ക്ക​ണ​ക്കി​ന് ബോം​ബു​ക​ൾ ലോ​ക​ത്തി​ന്‍റെ വി​വി​ധ​ഭാ​ഗ​ങ്ങ​ളി​ൽ ക​ണ്ടെ​ത്താ​നാ​കാ​തെ ഇപ്പോഴും കി​ട​ക്കു​ന്നു​ണ്ടെ​ന്നാ​ണ് റി​പ്പോ​ർ​ട്ട്.

ഈ വർഷം ഫെബ്രുവരിയിൽ, ലണ്ടൻഡെറി കൗണ്ടിയിൽ നിന്നും രണ്ടാം ലോകമഹായുദ്ധ കാലത്തേ പൊട്ടാത്ത ഷെൽ കണ്ടെത്തിയിരുന്നു. നിയന്ത്രിത സ്ഫോടനത്തിൽ ഇവയെ സാങ്കേതിക ഉദ്യോഗസ്ഥർ നശിപ്പിക്കുകയാണുണ്ടായത്.