ചൈനയുടെ ദേശീയ പരമാധികാരം, സുരക്ഷ, പ്രദേശിക സമഗ്രത എന്നിവയെ സംരക്ഷിക്കാൻ ശക്തവും ദൃഢവുമായ പ്രതിരോധ നടപടികൾ സ്വീകരിക്കുമെന്ന് ചൈനീസ് വിദേശകാര്യ മന്ത്രാലയ വക്താവ്. തായ്വാൻ മേഖലയിലേക്ക് 385 മില്യൺ യുഎസ് ഡോളറിൻ്റെ ആയുധ വിൽപ്പനയ്ക്ക് സ്റ്റേറ്റ് ഡിപ്പാർട്ട്മെൻ്റ് ഓഫ് സ്റ്റേറ്റ് അംഗീകാരം നൽകിയതായി വെള്ളിയാഴ്ച പ്രഖ്യാപിച്ചിരുന്നു. ഇതിനെ ചൈന ശക്തമായി എതിർത്തു കൊണ്ട് രംഗത്ത് വന്നു.
യുഎസ് ഡിഫൻസ് സെക്യൂരിറ്റി കോ- ഓപ്പറേഷൻ ഏജൻസി പറയുന്നതനുസരിച്ച് സ്പെയർ പാർട്സും എഫ്-16 വിമാനങ്ങൾക്കുള്ള പിന്തുണയും ഇലക്ട്രോണിക് സ്കാൻ ചെയ്ത അറേ റഡാറുകളും അനുബന്ധ ഉപകരണങ്ങളും മെച്ചപ്പെട്ട മൊബൈൽ സബ്സ്ക്രൈബർ ഉപകരണങ്ങളുടെ ഫോളോ- ഓൺ പിന്തുണയും അനുബന്ധ ഉപകരണങ്ങളും ആയുധ വിൽപ്പന പദ്ധതികളിൽ ഉൾപ്പെടുന്നുവെന്നാണ്.
ചൈനയുടെ തായ്വാൻ മേഖലയിലേക്കുള്ള യുഎസ് ആയുധ വിൽപ്പന തത്വത്തിൽ ചൈന-യുഎസ് സംയുക്ത കമ്മ്യൂണിക്കുകളും പ്രത്യേകിച്ച് 1982 ഓഗസ്റ്റ് 17ലെ കമ്യൂണിക്കിനെയും ചൈനയുടെ പരമാധികാരവും സുരക്ഷാ താൽപ്പര്യങ്ങളും ഗുരുതരമായി ലംഘിക്കുന്നുവെന്ന് ചൈനീസ് വിദേശകാര്യ മന്ത്രാലയ വക്താവ് പ്രസ്താവനയിൽ പറഞ്ഞു.
ഈ വിൽപ്പന അന്താരാഷ്ട്ര നിയമത്തിൻ്റെ കടുത്ത ലംഘനമാണ്, “തായ്വാൻ സ്വാതന്ത്ര്യം” വിഘടനവാദ ശക്തികൾക്ക് ഗുരുതരമായ തെറ്റായ സൂചന നൽകുന്നു. കൂടാതെ ചൈന- യുഎസ് ബന്ധത്തിനും തായ്വാൻ കടലിടുക്കിലുടനീളം സമാധാനത്തിനും സ്ഥിരതയ്ക്കും ഹാനികരമാണ്. പ്രസ്താവനയിൽ പറഞ്ഞു.
തായ്വാൻ ആയുധങ്ങൾ വിൽക്കാനുള്ള തീരുമാനം “തായ്വാൻ സ്വാതന്ത്ര്യത്തെ” പിന്തുണയ്ക്കില്ലെന്ന യുഎസ് നേതാക്കളുടെ പ്രതിബദ്ധതയുമായി പൊരുത്തപ്പെടുന്നില്ല. ചൈന അതിനെ അപലപിക്കുകയും ശക്തമായി എതിർക്കുകയും യുഎസിനോട് കടുത്ത പ്രതിഷേധം രേഖപ്പെടുത്തുകയും ചെയ്തുവെന്ന് പ്രസ്താവനയിൽ പറയുന്നു.
തായ്വാനെ ആയുധ ശക്തമാമാക്കുന്നത് ഉടനടി നിർത്താനും സൈന്യത്തെ കെട്ടിപ്പടുക്കുന്നതിലൂടെ “തായ്വാൻ സ്വാതന്ത്ര്യം” തേടുന്നതിൽ വിഘടനവാദ ശക്തികളെ പ്രോത്സാഹിപ്പിക്കുകയും പിന്തുണയ്ക്കുകയും ചെയ്യുന്നത് അവസാനിപ്പിക്കണമെന്ന് വക്താവ് അമേരിക്കയോട് ആവശ്യപ്പെട്ടു.
ഫോട്ടോ: സിൻഹുവ, ഇന്ത്യയിലെ ബാംഗ്ലൂരിലെ യെലഹങ്ക എയർ ബേസിലെ എയ്റോ ഇന്ത്യ 2023ൽ യുഎസ് എയർഫോഴ്സ് ഫൈറ്റർ എയർക്രാഫ്റ്റ് എഫ്-16 എയ്റോബാറ്റിക് തന്ത്രങ്ങൾ നടത്തുന്നു.
നാലാമിടം.ഇൻ വാർത്തകൾ വാട്സ്ആപ്പിൽ ലഭ്യമാണ്: https://chat.whatsapp.com/JmHsAerjLkJCTZzScJzvcc
A platform https://nalamidam.net/ for people who are looking for news and insights that are not influenced by political or corporate agendas. Its commitment to ethical and humane journalism has helped it become a trusted source of news and insights for its readers.
