വയനാട് ജില്ലയിലെ ചൂരൽമലയിലും മുണ്ടക്കൈയിലുമുണ്ടായ ഉരുൾപൊട്ടലിൽ താൻ ഇപ്പോൾ പ്രതികരിക്കാനുള്ള മാനസികാവസ്ഥയിലല്ലെന്ന് മാധവ് ഗാഡ്ഗിൽ. സംസ്ഥാനത്തിൽ തുടർച്ചയായി ഉണ്ടാകുന്ന ഉരുൾപൊട്ടലുകളെക്കുറിച്ച് എന്തെങ്കിലും പറയാനുള്ള മാനസികാവസ്ഥയിലല്ല ഇപ്പോഴെന്നാണ് അദ്ദേഹം പ്രതികരിച്ചത്.
നേരത്തെ 2011-ല് സര്ക്കാരിന് സമര്പ്പിച്ച മാധവ് ഗാഡ്ഗിൽ റിപ്പോര്ട്ടില് ഇപ്പോള് ദുരന്തം നടന്ന മേപ്പാടിയിലെ പരിസ്ഥിതിവിരുദ്ധ പ്രവര്ത്തനങ്ങള്ക്കെതിരേയും പ്രത്യേക മുന്നറിയിപ്പുണ്ടായിരുന്നു. മുണ്ടക്കൈ, ചൂരല്മല, അട്ടമല, നൂല്പ്പുഴ, മേപ്പാടി എന്നീ മേഖലകള് റിപ്പോര്ട്ടിലെ പരിസ്ഥിതിലോലപ്രദേശങ്ങളില് ഉള്പ്പെടും.
ഇപ്പോൾ സോഷ്യല് മീഡിയയില് ചര്ച്ചയാവുകയാണ് 2013 ല് പരിസ്ഥിതി ശാസ്ത്രജ്ഞന് മാധവ് ഗാഡ്ഗില് തന്റെ പഠന റിപ്പോര്ട്ടില് ചൂണ്ടികാട്ടിയ വസ്തുതകള്. ‘പശ്ചിമ ഘട്ടം ആകെ തര്ക്കപ്പെട്ടിരിക്കുന്നു. ഇനിയും നടപടിയെടുത്തില്ലെങ്കില് കേരളത്തെ കാത്തിരിക്കുന്നത് വന് ദുരന്തമാണ്. അതിന് നിങ്ങള് വിചാരിക്കും പോലെ യുഗങ്ങള് ഒന്നും വേണ്ട, നാലോ അഞ്ചോ വര്ഷം മതി. അന്ന് ഞാനും നിങ്ങളും ജീവിച്ചിരിപ്പുണ്ടാകും. ആരാണ് കള്ളം പറയുന്നതെന്ന് നിങ്ങള്ക്ക് മനസ്സിലാകും.’ എന്നായിരുന്നു ഗാഡ്ഗിലിന്റെ വാക്കുകള്.
