മേഖലയിൽ നീതിയും ശാശ്വതവുമായ സമാധാനത്തിനായുള്ള ചരിത്രപരമായ പ്രതിബദ്ധത കൈവരിക്കുന്നതിനായി, പാലസ്തീനെ ഒരു രാഷ്ട്രമായി അംഗീകരിക്കുമെന്ന് ഫ്രഞ്ച് പ്രസിഡന്റ് ഇമ്മാനുവൽ മാക്രോൺ പ്രഖ്യാപിച്ചു . സെപ്റ്റംബറിൽ ന്യൂയോർക്കിൽ നടക്കുന്ന ഐക്യരാഷ്ട്രസഭയുടെ പൊതുസഭയിൽ ഇതുസംബന്ധിച്ച ഔദ്യോഗിക പ്രഖ്യാപനം നടത്തുമെന്ന് ഒരു അപ്രതീക്ഷിത പ്രസ്താവനയിൽ മാക്രോൺ പറഞ്ഞു.
“ഇന്നത്തെ അടിയന്തര ആവശ്യം ഗാസയിലെ യുദ്ധം അവസാനിപ്പിക്കുകയും സാധാരണക്കാരെ രക്ഷിക്കുകയും ചെയ്യുക എന്നതാണ്,” അദ്ദേഹം കൂട്ടിച്ചേർത്തു.
ലോകമെമ്പാടുമുള്ള മിക്ക രാജ്യങ്ങളും പലസ്തീനെ ഒരു രാഷ്ട്രമായി അംഗീകരിക്കുമ്പോൾ, അമേരിക്കയും അവരുടെ അടുത്ത സഖ്യകക്ഷികളും അംഗീകരിക്കുന്നില്ല. പ്രസിഡന്റ് മാക്രോണിന്റെ തീരുമാനത്തോടെ, യുഎസ്, ബ്രിട്ടൻ, കാനഡ, ജർമ്മനി, ജപ്പാൻ, ഇറ്റലി എന്നിവ ഉൾപ്പെടുന്ന ജി7-ൽ പലസ്തീൻ രാഷ്ട്രത്തെ ഔദ്യോഗികമായി അംഗീകരിക്കുന്ന ആദ്യത്തെ പ്രധാന രാജ്യമായിരിക്കും ഫ്രാൻസ്.
