അമച്വർ ജ്യോതി ശാസ്ത്രജ്ഞനായ സ്റ്റീവ് ഹിൽ ഒരു പഴയ സാങ്കേതികത ഉപയോഗിച്ച് നടത്തിയ നിരീക്ഷണങ്ങളിലൂടെ വ്യാഴത്തിൻ്റെ അന്തരീക്ഷ ഘടനയെ ചോദ്യം ചെയ്യപ്പെട്ടു. ഗ്രഹത്തിൻ്റെ ഐക്കണിക് കറങ്ങുന്ന മേഘങ്ങൾ മുമ്പ് അനുമാനിച്ചത് പോലെ അമോണിയ ഐസ് അടങ്ങിയതല്ലെന്ന് കണ്ടെത്തലുകൾ സൂചിപ്പിക്കുന്നു.
വാണിജ്യ ദൂരദർശിനികളും സ്പെക്ട്രൽ ഫിൽട്ടറുകളും ഉപയോഗിച്ച് ശേഖരിച്ച ഡാറ്റയിൽ നിന്നാണ് ഈ വെളിപ്പെടുത്തൽ ഉണ്ടായത്. വാതക ഭീമൻ്റെ അന്തരീക്ഷ ചലനാത്മകതയെയും രസതന്ത്രത്തെയും കുറിച്ചുള്ള പുതിയ കാഴ്‌ചപ്പാടുകൾ അദ്ദേഹം അവതരിപ്പിക്കുന്നു. ഇതോടെ നിരീക്ഷണങ്ങൾ വ്യാഴത്തിൻ്റെ മേഘപാളികളുടെ ഘടനയെ കുറിച്ചുള്ള കൂടുതൽ അന്വേഷണത്തിന് തുടക്കമിട്ടു.
നിരീക്ഷണ പഠനങ്ങളിൽ നിന്നുള്ള കണ്ടെത്തലുകൾ
എർത്ത് ആൻഡ് സ്പേസ് സയൻസിൽ പ്രസിദ്ധീകരിച്ച ഗവേഷനാം അനുസരിച്ച്, ബാൻഡ്- ഡെപ്ത്ത് അനാലിസിസ് എന്നറിയപ്പെടുന്ന ഒരു രീതിയാണ് ഹിൽ പ്രയോഗിച്ചത്. വ്യാഴത്തിൻ്റെ അന്തരീക്ഷത്തിൽ അമോണിയ, മീഥെയ്ൻ തുടങ്ങിയ വാതകങ്ങളുടെ സമൃദ്ധി മാപ്പ് ചെയ്യുന്നതിനായി പ്രത്യേക തരംഗ ദൈർഘ്യത്തിൽ പ്രകാശം ആഗിരണം ചെയ്യുന്നത് ഈ സാങ്കേതികവിദ്യ അളക്കുന്നു.
സ്പേസ് ഡോട്ട് കോം റിപ്പോർട്ട് ചെയ്‌തതുപോലെ അമോണിയ ഐസ് 0.7 ബാറിൽ ഘനീഭവിക്കുമെന്ന് പ്രതീക്ഷിച്ചിരുന്നു. അതിനേക്കാൾ വളരെ ആഴത്തിൽ 2-3 ബാർ സമ്മർദ്ദ തലത്തിലാണ് പ്രതിഫലിക്കുന്ന മേഘ പാളികൾ സ്ഥിതി ചെയ്യുന്നതെന്ന് ഡാറ്റ വെളിപ്പെടുത്തി.
ഓക്‌സ്‌ഫോർഡ് യൂണിവേഴ്‌സിറ്റിയിലെ പ്ലാനറ്ററി ഫിസിസ്റ്റായ പാട്രിക് ഇർവിൻ, ഹില്ലിൻ്റെ ഫലങ്ങൾ അവലോകനം ചെയ്യുകയും നാസയുടെ ജൂണോ സ്‌പേസ്‌ക്രാഫ്റ്റ്, ഇഎസ്ഒയുടെ വെരി ലാർജ് ടെലിസ്‌കോപ്പ് (വിഎൽടി) തുടങ്ങിയ ഉപകരണങ്ങളിൽ നിന്നുള്ള ഡാറ്റയുമായി താരതമ്യപ്പെടുത്തുന്നതിലൂടെ അവയുടെ കൃത്യത സ്ഥിരീകരിക്കുകയും ചെയ്തു.
ശുദ്ധമായ അമോണിയ ഐസിന് പകരം അമോണിയം ഹൈഡ്രോസൾഫൈഡ് മേഘങ്ങളിൽ നിന്നോ ഫോട്ടോ കെമിക്കൽ ഉൽപന്നങ്ങളിൽ നിന്നോ ആണ് പ്രധാന പ്രതിഫലനം ഉണ്ടാകുന്നതെന്ന് അദ്ദേഹം space.com-ൽ കുറിച്ചു.
