ശനിയുടെ ഏറ്റവും വലിയ ഉപഗ്രഹമായ ടൈറ്റന്റെ 9.7 കിലോമീറ്റര് കട്ടിയുള്ള പുറംതോടിന്റെ അടിയിൽ വലിയ അളവിൽ മീഥെയ്ന് വാതകം അടങ്ങിയിരിക്കുന്നുവെന്ന് പുതിയ പഠനത്തിൽ വ്യക്തമാക്കുന്നു. ഹവായ് സര്വ്വകലാശാലയിലെ ഗ്രഹശാസ്ത്രജ്ഞരുടെ നേതൃത്വത്തിലുള്ള ഗവേഷക സംഘമാണ് ഈ കണ്ടെത്തൽ നടത്തിയത്. ടൈറ്റന്റെ അഗാധഗര്ത്തങ്ങള് മുമ്പ് കരുതിയതിലേക്കാൾ കുറച്ച് ആഴമുണ്ടെന്നും ഇതുവരെ 90 അഗാധഗര്ത്തങ്ങൾ മാത്രമാണ് തിരിച്ചറിഞ്ഞിട്ടുള്ളതെന്നുമാണ് പഠനം സൂചിപ്പിക്കുന്നത്.
വിവിധ ഉപഗ്രഹങ്ങളിലെ ഡാറ്റകളെ അടിസ്ഥാനമാക്കി ശാസ്ത്രജ്ഞർ നടത്തിയ നിരീക്ഷണങ്ങൾ, ടൈറ്റന്റെ ഉപരിതലത്തിൽ കൂടുതൽ ആഴത്തിലുള്ള ഗർത്ഥങ്ങൾ ഉണ്ടാകാനുള്ള സാധ്യതയെയും ചൂണ്ടിക്കാട്ടുന്നു. തങ്ങളുടെ പഠനങ്ങൾ കൂടുതൽ താൽപര്യകരമാക്കുന്നതിനായി കമ്പ്യൂട്ടർ മോഡലിംഗിലേക്ക് തിരിയുകയാണെന്നും, മീഥെയ്ന് ക്ലാത്രേറ്റ് കട്ടിയും ആഴവും 5 മുതൽ 10 കിലോമീറ്റർ വരെ പരിമിതപ്പെടുത്തിയാണ് മുന്നോട്ടുപോകുന്നതെന്നും പ്രധാന ഗവേഷകനായ ലോറൻ ഷുര്മിയർ പറഞ്ഞു.
ടൈറ്റനിൽ ജീവന്റെ സാധ്യത
മീഥെയ്ന് ക്ലാത്രേറ്റ്, അഥവാ മീഥെയ്ന് ഹൈഡ്രേറ്റ് എന്നറിയപ്പെടുന്ന ഈ സംയുക്തം, ജലത്തിന്റെ സ്ഫടിക ഘടനയിൽ മീഥെയ്ന് കുടുങ്ങി ഐസിന് സമാനമായ ഖരരൂപത്തിൽ നിലനിൽക്കുന്നു. ടൈറ്റന്റെ കാർബണ് ചക്രവും കാലാവസ്ഥാ വ്യതിയാനവും മനസ്സിലാക്കാൻ ഈ സംയുക്തത്തെ പഠിക്കുന്നത് ശാസ്ത്രജ്ഞർക്ക് ഏറെ സഹായകരമാകുമെന്നാണ് അഭിപ്രായം.
“ടൈറ്റന്റെ സമുദ്രത്തിൽ കട്ടിയുള്ള മഞ്ഞുപാളികളിൽ ജീവന്റെ അടയാളങ്ങൾ, ബയോമാർക്കറുകൾ, ഒളിഞ്ഞിരിക്കുന്നുണ്ടെങ്കിൽ, ഭാവി ദൗത്യങ്ങൾക്കായി അവയെ കണ്ടെത്തുന്നത് നിർണായകമാകും,” ലോറൻ ഷുര്മിയർ കൂട്ടിച്ചേർത്തു. ഭൂമിയിലെ സൈബീരിയയിലും ആർട്ടിക് കടൽത്തീരങ്ങളിലും മീഥെയ്ന് ക്ലാത്രേറ്റ് ഹൈഡ്രേറ്റുകൾ കണ്ടുവരുന്നതും ഈ കണ്ടെത്തലിനെ പ്രത്യേകമാക്കുന്നു.
നമ്മുടെ സൗരയൂഥത്തിലെ രണ്ടാമത്തെ വലിയ ഗ്രഹമായ ശനിയുടെ ഉപഗ്രഹമായ ടൈറ്റൻ, ആത്മീയസൗഹൃദലോകങ്ങളിലൊന്നായാണ് ശാസ്ത്രലോകം പരിഗണിക്കുന്നത്. ഉപരിതലത്തിൽ നദികളും തടാകങ്ങളും കടലുകളും രൂപത്തിൽ ദ്രാവകങ്ങൾ അടങ്ങിയിട്ടുള്ള ഒരേയൊരു ലോകമാണിത്. നൈട്രജൻ സമ്പന്നമായ അന്തരീക്ഷം കാരണം, ഒരു മനുഷ്യന് പ്രഷർ സ്യൂട്ടിന്റെ ആവശ്യമില്ലാത്ത ഈ ഉപഗ്രഹത്തിൽ ഓക്സിജൻ മാസ്ക് ധരിച്ചാൽ തണുത്ത താപനിലയിലേക്ക് മുന്നേറാം.
