മനുഷ്യാവകാശ ലംഘനങ്ങൾ നടത്തിയെന്ന് ആരോപിച്ച്, ക്യൂബൻ പ്രസിഡന്റ് മിഗ്വൽ ഡയസ്-കാനലിന് മേൽ യുഎസ് വിസ നിയന്ത്രണങ്ങൾ ഏർപ്പെടുത്തി. പ്രതിരോധ മന്ത്രി അൽവാരോ ലോപ്പസ് മിയേര, ആഭ്യന്തര മന്ത്രി ലസാരോ ആൽബെർട്ടോ അൽവാരസ് കാസസ് എന്നിവരെയും കരിമ്പട്ടികയിൽ ഉൾപ്പെടുത്തിയിട്ടുണ്ട്.
വെള്ളിയാഴ്ച എക്‌സിൽ നടത്തിയ പ്രസ്താവനയിൽ, റൂബിയോ ക്യൂബൻ സർക്കാരിനെതിരെ അഴിമതി ആരോപിച്ചു. പ്രത്യേകിച്ച് 2021-ൽ ഹവാനയിൽ നടന്ന സർക്കാർ വിരുദ്ധ പ്രതിഷേധങ്ങളും സംഘർഷങ്ങളും സംബന്ധിച്ച് എടുത്തുപറഞ്ഞു .
“ക്യൂബൻ ഭരണകൂടം പ്രതിഷേധക്കാർക്കെതിരെ ക്രൂരമായ അടിച്ചമർത്തൽ ആരംഭിച്ച് നാല് വർഷങ്ങൾക്ക് ശേഷം, സ്റ്റേറ്റ് ഡിപ്പാർട്ട്മെന്റ് ക്യൂബൻ ഭരണകൂട തലവന്മാർക്കും അവരുടെ കൂട്ടാളികൾക്കും വിസ പരിമിതപ്പെടുത്തുന്നു… ക്യൂബൻ ഭരണകൂടം ക്യൂബൻ ജനതയ്‌ക്കെതിരായ ക്രൂരതയിൽ അവരുടെ പങ്കിന്റെ പേരിൽ,” അദ്ദേഹം എഴുതി.
അതേസമയം, സർക്കാരിനെ അട്ടിമറിക്കാൻ സാമ്പത്തിക ബുദ്ധിമുട്ടുകൾ മുതലെടുത്താണ് അമേരിക്ക 2021 ലെ കലാപത്തിന് പ്രേരിപ്പിച്ചതെന്ന് ക്യൂബൻ ഉദ്യോഗസ്ഥർ അവകാശപ്പെട്ടു.മെയ് മാസത്തിൽ, പ്രതിഷേധക്കാരനും ആക്ടിവിസ്റ്റുമായ ലൂയിസ് റോബിൾസിനെ തടവിലാക്കിയതിൽ പങ്കുണ്ടെന്ന് കണ്ടെത്തിയതിനെ തുടർന്ന് മൂന്ന് ക്യൂബൻ ജഡ്ജിമാർക്കും ഒരു പ്രോസിക്യൂട്ടർക്കും എതിരെ യുഎസ് ഉപരോധം ഏർപ്പെടുത്തിയിരുന്നു . ഏകദേശം അഞ്ച് വർഷത്തെ ജയിൽ ശിക്ഷയ്ക്ക് ശേഷം 2025 ൽ റോബിൾസ് മോചിതനായി.
1960-കൾ മുതൽ ക്യൂബ അമേരിക്കയുടെ വ്യാപാര ഉപരോധത്തിന് കീഴിലാണ്. ഒബാമയുടെ കാലഘട്ടത്തിലെ ബന്ധം സാധാരണ നിലയിലാക്കാനുള്ള ശ്രമങ്ങൾ യുഎസ് പ്രസിഡന്റ് ഡൊണാൾഡ് ട്രംപ് റദ്ദാക്കുകയും ഈ വർഷം ആദ്യം ക്യൂബയെ തീവ്രവാദത്തെ സ്പോൺസർ ചെയ്യുന്ന രാജ്യങ്ങളുടെ പട്ടികയിൽ പുനഃസ്ഥാപിക്കുകയും ചെയ്തു.
