27 September 2024

സിവില്‍ സര്‍വീസ് ഉദ്യോഗാര്‍ത്ഥിയ്ക്ക് വാടകയ്ക്ക് നല്‍കിയ ഫ്‌ളാറ്റിൻ്റെ ടോയ്‌ലറ്റിലും കിടപ്പുമുറിയിലും ഒളിക്യാമറ; വീട്ടുടമ അറസ്റ്റില്‍

മൂന്ന് ഒളിക്യാമറയും രണ്ട് ലാപ്‌ടോപ്പും പ്രതിയുടെ പക്കല്‍ നിന്ന് പോലീസ് കണ്ടെടുത്തു

സിവില്‍ സര്‍വീസ് ഉദ്യോഗാര്‍ത്ഥിയ്ക്ക് വാടകയ്ക്ക് നല്‍കിയ ഫ്‌ളാറ്റിൻ്റെ ടോയ്‌ലറ്റിലും കിടപ്പുമുറിയിലും ഒളിക്യാമറ വെച്ച സംഭവത്തില്‍ വീട്ടുടമ അറസ്റ്റില്‍. ഡല്‍ഹിയിലാണ് സംഭവം നടന്നത്. 30കാരനായ കരണ്‍ എന്നയാളെയാണ് ഡല്‍ഹി പോലീസ് അറസ്റ്റ് ചെയ്‌തത്.

മൂന്ന് ഒളിക്യാമറയും രണ്ട് ലാപ്‌ടോപ്പും ഇയാളുടെ പക്കല്‍ നിന്ന് പോലീസ് കണ്ടെടുത്തു. യുപിഎസ്‌സി പഠനത്തിനായി നഗരത്തിലെത്തിയ പെണ്‍കുട്ടിയാണ് ഫ്‌ളാറ്റ് വാടകയ്ക്ക് എടുത്തത്. പെണ്‍കുട്ടി നാട്ടിലേക്ക് പോകുമ്പോഴെല്ലാം ഫ്‌ളാറ്റിൻ്റെ താക്കോല്‍ ഉടമയെ ഏല്‍പ്പിക്കുമായിരുന്നു.

ഫ്‌ളാറ്റിൻ്റെ ഇലക്ട്രിക് തകരാറുകള്‍ പരിഹരിക്കാന്‍ വീടിനുള്ളിലേക്ക് കയറണമെന്ന് ഇയാള്‍ പെണ്‍കുട്ടിയോട് പറയുമായിരുന്നു. ഇങ്ങനെ വീടിനുള്ളില്‍ കയറിയാണ് ഇയാള്‍ ക്യാമറയില്‍ നിന്നും വിവരങ്ങള്‍ ശേഖരിച്ചിരുന്നത്. ഒരു മെമ്മറി കാര്‍ഡിലാണ് ഈ ഡേറ്റ ശേഖരിച്ചിരുന്നത്.

എന്നാല്‍ ഇദ്ദേഹത്തിൻ്റെ പെരുമാറ്റത്തില്‍ സംശയം തോന്നിയ പെണ്‍കുട്ടി വീടുമുഴുവന്‍ അരിച്ചുപെറുക്കി. അപ്പോഴാണ് ബള്‍ബ് ഹോള്‍ഡറില്‍ ക്യാമറ സ്ഥാപിച്ചിരിക്കുന്നത് പെണ്‍കുട്ടിയുടെ ശ്രദ്ധയില്‍പ്പെട്ടത്.

വീടിനുള്ളില്‍ ഒളിക്യാമറ സ്ഥാപിച്ചിട്ടുണ്ടെന്ന് മനസിലായതോടെ പെണ്‍കുട്ടി ഈ വിവരം പോലീസിനെ അറിയിച്ചു. ഇതോടെയാണ് പ്രതിയെ പോലീസ് അറസ്റ്റ് ചെയ്‌തത്. സംഭവത്തില്‍ അന്വേഷണവും ശക്തമാക്കിയിട്ടുണ്ട്.

Share

More Stories

അൻവർ എന്ന വ്യക്തിയേയല്ല, ഉന്നയിച്ച പ്രശ്നങ്ങളെ അഡ്രസ്സ് ചെയ്യാൻ സാധിക്കുന്നുണ്ടോ എന്നതാണ് ചോദ്യം

0
| ബഷീർ വള്ളിക്കുന്ന് അൻവർ എന്ന വ്യക്തിയേയല്ല, അൻവർ ഉന്നയിച്ച പ്രശ്നങ്ങളെ അഡ്രസ്സ് ചെയ്യാൻ സാധിക്കുന്നുണ്ടോ എന്നതാണ് ചോദ്യം. വ്യക്തിയേയാണ് അഡ്രസ്സ് ചെയ്യാൻ ഉദ്ദേശിക്കുന്നതെങ്കിൽ അദ്ദേഹത്തിൻറെ രാഷ്ട്രീയവും ജീവിതവും പാരമ്പര്യവും ചരിത്രവുമെല്ലാം ചികഞ്ഞെടുത്ത് വിമർശിക്കുകയോ...

മേക്ക് ഇൻ ഇന്ത്യയുടെ പത്ത് വർഷം; പരിവർത്തനവും വളർച്ചയും

0
ന്യൂഡൽഹി: മോദി സർക്കാരിൻ്റെ അഭിമാന പദ്ധതികളിലൊന്നായ ‘മേക്ക് ഇൻ ഇന്ത്യ’ ബുധനാഴ്‌ച പത്തുവർഷം പൂർത്തിയാക്കി. ഇത് ഇന്ത്യയുടെ പരിവർത്തനപരമായ വളർച്ചയുടെ ഒരു ദശാബ്ദത്തെ ചിത്രീകരിച്ചു. അത് ഒരു ആഗോള ഉൽപ്പാദന കേന്ദ്രമായി നിലകൊള്ളുന്ന...

സ്പാം കോളിന് വില്ലനാകാൻ എഐ; എയര്‍ടെല്ലിലെ സ്‌പാം കോളുകളും മെസേജുകളും തടയും

0
ഉപഭോക്താക്കള്‍ക്ക് വലിയ ശല്യമായ സ്‌പാം കോളുകളെയും മെസേജുകളെയും തടയാന്‍ ഭാരതി എയര്‍ടെല്‍ എഐ സാങ്കേതികവിദ്യ അവതരിപ്പിച്ചു. കോടിക്കണക്കിന് സ്‌പാം കോളുകളെയും മെസേജുകളെയും ഒരുസമയം വിശകലനം ചെയ്ത് ഉപഭോക്താക്കളെ മുന്നറിയിപ്പാക്കാന്‍ ശേഷിയുള്ള എഐ സംവിധാനമാണ്...

പ്രകൃതിദത്ത ലബോറട്ടറിയാണ് ലോസ്റ്റ് തടാകം; ഭൂമിയിലെ വിചിത്ര സ്ഥലങ്ങൾ

0
വെള്ളം ഒരു അത്ഭുത ദ്രാവകമാണ്. ഏതാണ്ട് ഏത് പദാർത്ഥത്തെയും അലിയിക്കാനുള്ള ശേഷിയുള്ളതിനാൽ ഇത് ഒരു സാർവത്രിക ലായകമാണ്. അതിനാൽ ശരീരത്തിലെ രാസപ്രവർത്തനങ്ങളും ജൈവപ്രക്രിയകളും നടത്താൻ ജീവജാലങ്ങൾ ജലം ധാരാളമായി ഉപയോഗിക്കുന്നു. ജലത്തിന് ദ്രവ്യത്തിൻ്റെ വിവിധ...

യുഎസിന് ആശങ്ക; ചൈനീസ് ഹാർഡ്‌വെയറുകളും സോഫ്റ്റ്‌വെയറുകളും ഉപയോഗിച്ചുള്ള വാഹനങ്ങൾ നിരോധിക്കും

0
ചൈനയിൽ നിർമ്മിതമായ ഹാർഡ്‌വെയറും സോഫ്റ്റ്‌വെയറും ഉപയോഗിച്ച് നിർമ്മിച്ച കാറുകൾ, ട്രക്കുകൾ, ബസുകൾ എന്നിവയെ നിരോധിക്കാനുള്ള നീക്കവുമായി യുഎസ്. ഈ വാഹനങ്ങളിൽ ഉപയോഗിക്കുന്ന സാങ്കേതികവിദ്യകൾ 'അമേരിക്കൻ റോഡുകളിലെ കാറുകളെ വിദൂരനിയന്ത്രണത്തിലാക്കാൻ' എതിരാളികൾക്ക് സഹായം നൽകും...

ഇന്ത്യൻ വംശജനായ സംരംഭകന്റെ സൃഷ്ടി; ചർച്ചയായി വിയറബിള്‍ എഐ ഉപകരണം ‘ഐറിസ്’

0
ജീവിതത്തിലെ വിവിധ നിമിഷങ്ങള്‍ ഫോട്ടോകളായി പകര്‍ത്തിയാല്‍ അത് മനോഹരമായിരിക്കും എന്ന കാര്യത്തില്‍ ആര്‍ക്കും സംശയം കാണില്ല. എന്നാല്‍ അവയില്‍ ചില ചിത്രങ്ങള്‍ എന്താണെന്ന് ഓര്‍ത്തെടുക്കാന്‍ നാം ബുദ്ധിമുട്ടിയാല്‍ പറഞ്ഞുതരാന്‍ ഒരു സഹായിയുണ്ടെങ്കിലോ? അത്തരമൊരു...

Featured

More News