രാജ്യത്തെ ആദ്യ എച്ച്എംപിവി കേസ് ബംഗളൂരുവിൽ എട്ട് മാസം പ്രായമുള്ള കുഞ്ഞിന്. നിലവിൽ സ്വകാര്യ ആശുപത്രിയിൽ ചികിത്സയിൽ കഴിയുകയാണ് കുട്ടി. സ്വകാര്യ ലാബിൽ നടത്തിയ പരിശോധനയിലാണ് കുട്ടിക്ക് എച്ച്എംപിവി രോഗബാധ സ്ഥിരീകരിച്ചത്. അതേസമയം കുട്ടിക്ക് യാത്ര പശ്ചാത്തലമില്ല. അതിനാൽ കൂടുതൽ പരിശോധനയിലേക്ക് കടക്കാനാണ് തീരുമാനം.
രണ്ടാമത്തെ എച്ച്എംപിവി കേസും ബെംഗളൂവിൽ സ്ഥീരീകരിച്ചു. അത് മൂന്ന് മാസം പ്രായമുള്ള ആൺകുഞ്ഞിനാണ് വൈറസ് ബാധ സ്ഥിരീകരിച്ചത്. നേരത്തെ എട്ട് മാസമായ കുഞ്ഞിനും എച്ച്എംപിവി കേസ് സ്ഥീരീകരിച്ചിരുന്നു. സ്വകാര്യ ആശുപത്രിയില് ചികിത്സയിലുള്ള കുഞ്ഞിനാണ് രോഗം സ്ഥിരീകരിച്ചത്. നിലവിൽ രണ്ട് കേസും ചൈനയിൽ നിന്നുള്ള വകഭേദം ആണെന്ന് സ്ഥിരീകരിച്ചിട്ടില്ല.
എച്ച്എംപിവിയുടെ ഏത് വകഭേദമാണ് കുഞ്ഞുങ്ങൾക്ക് ബാധിച്ചിരിക്കുന്നത് തുടങ്ങിയതിൽ അടക്കം ഇനിയും വ്യക്തത ആയിട്ടില്ല. സംസ്ഥാനങ്ങൾക്ക് ജാഗ്രത നിർദ്ദേശം ആവർത്തിച്ച് കേന്ദ്ര ആരോഗ്യ മന്ത്രാലയം പ്രഖ്യാപനം പുറപ്പെടുവിച്ചു.
കുഞ്ഞുങ്ങൾക്ക്, രോഗബാധ ഉണ്ടായത് എവിടെ നിന്നാണെന്ന് പരിശോധിക്കുന്നതായി കർണാടക അറിയിച്ചു. കടുത്ത പനിയെ തുടർന്നാണ് കുട്ടിയെ ആശുപത്രിയിൽ പ്രവേശിപ്പിച്ചത്. എച്ച്എംപിവി ജാഗ്രത നിർദേശം നിലനിൽക്കുന്നതിൻ്റെ പശ്ചാത്തലത്തിൽ നടത്തിയ പരിശോധനയിലാണ് രോഗബാധ സ്ഥിരീകരിച്ചത്.
അതേസമയം കുഞ്ഞുങ്ങളുടെ ആരോഗ്യനില ഗുരുതരമല്ല എന്നാണ് ലഭിക്കുന്ന റിപ്പോർട്ട്. ചൈനയിൽ കണ്ടെത്തിയ എച്ച്എംപിവി വകഭേദമാണോ കുഞ്ഞിന് എന്നതും സ്ഥിരീകരിക്കേണ്ടതുണ്ട്.
നാലാമിടം.ഇൻ വാർത്തകൾ വാട്സ്ആപ്പിൽ ലഭ്യമാണ്: https://chat.whatsapp.com/JmHsAerjLkJCTZzScJzvcc
A platform https://nalamidam.net/ for people who are looking for news and insights that are not influenced by political or corporate agendas. Its commitment to ethical and humane journalism has helped it become a trusted source of news and insights for its readers.
