ലണ്ടനിലെ ബാഫ്റ്റ ഫിലിം അവാർഡ് വേദിയിൽ കൊറിയൻ സംഗീത വിസ്മയം തീർത്ത് ‘കെ- പോപ്പ് ഡെമൺ ഹണ്ടേഴ്സ്’. റോയൽ ഫെസ്റ്റിവൽ ഹാളിൽ നടന്ന 79-ാമത് ബാഫ്റ്റ അവാർഡ് ചടങ്ങിലെ ഏറ്റവും തിളക്കമാർന്ന നിമിഷങ്ങളിൽ ഒന്നായിരുന്നു ഈ കൊറിയൻ ബാൻഡിൻ്റെ പ്രകടനം. അന്താരാഷ്ട്ര സിനിമാ ലോകത്തെ പ്രമുഖർ അണിനിരന്ന വേദിയിൽ, തങ്ങളുടെ ഹിറ്റ് ഗാനമായ ‘ഗോൾഡൻ ഹണ്ടിന്’ ചുവടുവെച്ചാണ് ഇവർ കാണികളെ ആവേശത്തിൽ ആഴ്ത്തിയത്.
സ്വർണ വർണത്തിലുള്ള ആകർഷകമായ വസ്ത്രങ്ങളണിഞ്ഞ്, അത്യാധുനിക വിഷ്വൽ ഇഫക്റ്റുകളുടെ അകമ്പടിയോടെ നടത്തിയ ഈ പ്രകടനം ഹോളിവുഡ് താരങ്ങളായ കിലിയൻ മർഫി, കേറ്റ് ഹഡ്സൺ തുടങ്ങിയ പ്രമുഖരുടെ പോലും പ്രശംസ പിടിച്ചുപറ്റി.
കൊറിയൻ സംഗീതത്തിന് ആഗോള തലത്തിലുള്ള വർദ്ധിച്ചു വരുന്ന സ്വാധീനത്തിൻ്റെ തെളിവായിട്ടാണ് ബാഫ്റ്റ പോലുള്ള ഒരു വലിയ സിനിമാ വേദിയിൽ ഇവർക്ക് ലഭിച്ച ഈ അവസരത്തെ ലോകം നോക്കിക്കാണുന്നത്.
സിനിമയും സംഗീതവും തമ്മിലുള്ള അതിർവരമ്പുകൾ മായുന്നതിൻ്റെയും ആഗോള സംസ്കാരങ്ങൾ ഒന്നിക്കുന്നതിൻ്റെയും അടയാളമാണിതെന്ന് ഷോയുടെ സംഘാടകരും വ്യക്തമാക്കി. സിനിമാ ലോകത്തെ ഇതിഹാസങ്ങൾക്ക് മുന്നിൽ പെർഫോം ചെയ്യാൻ കഴിഞ്ഞത് വലിയൊരു സ്വപ്ന സാക്ഷാത്കാറാം ആണെന്നാണ് പ്രകടനത്തിന് ശേഷം ഗ്രൂപ്പ് അംഗങ്ങൾ പ്രതികരിച്ചത്.
സോഷ്യൽ മീഡിയയിലും ‘കെ- പോപ്പ് ഡെമൺ ഹണ്ടേഴ്സ്’ വലിയ തരംഗമാണ് സൃഷ്ടിച്ചിരിക്കുന്നത്. പ്രകടനം ആരംഭിച്ച് നിമിഷങ്ങൾക്കകം തന്നെ എക്സ്, ഇൻസ്റ്റാഗ്രാം തുടങ്ങിയ പ്ലാറ്റ്ഫോമുകളിൽ ‘K-pop at BAFTA’ എന്ന ഹാഷ്ടാഗ് ആഗോള തലത്തിൽ ട്രെൻഡിംഗായി മാറി.
ദശലക്ഷക്കണക്കിന് ആരാധകരാണ് തങ്ങളുടെ പ്രിയപ്പെട്ട ബാൻഡിൻ്റെ ഈ ചരിത്രപരമായ നേട്ടം ആഘോഷമാക്കുന്നത്. ലോകത്തെ മുൻനിര അവാർഡ് വേദികൾ കൊറിയൻ സംസ്കാരം കീഴടക്കുന്നതിൻ്റെ ഏറ്റവും പുതിയ ഉദാഹരണമായി ഈ പെർഫോമൻസ് മാറിയിരിക്കുകയാണ്.
