അടുത്ത മൂന്ന് ആഴ്ചക്കുള്ളിൽ ‘പുതിയ ബാബ വാംഗ’ ഒരു വലിയ ദുരന്തം പ്രവചിച്ചു. ഹോങ്കോങ്ങിലെ ഒരു ട്രാവൽ ഏജൻസിയുടെ കണക്കനുസരിച്ച് ജപ്പാനിൽ ഏപ്രിൽ, മെയ് മാസങ്ങളിലെ വസന്തകാല അവധി ദിനങ്ങൾക്കുള്ള ബുക്കിംഗുകൾ മുൻ വർഷത്തേക്കാൾ പകുതിയായി കുറഞ്ഞു.
മുൻകാല പ്രവചനങ്ങൾ സത്യമായി ഭവിച്ചതിലൂടെ ആണ് മിസ് തത്സുകി അറിയപ്പെടുന്നത്. “പുതിയ ബാബ വാംഗ” എന്നറിയപ്പെടുന്ന ജാപ്പനീസ് മാംഗ ആർട്ടിസ്റ്റ് റിയോ തത്സുകി നടത്തിയ ഒരു അശുഭകരമായ പ്രവചനം ജപ്പാനിലും ഏഷ്യയുടെ ചില ഭാഗങ്ങളിലും വ്യാപകമായ ഉത്കണ്ഠക്ക് കാരണമായി. ജൂൺ അവസാനത്തിനും ജൂലൈ ആദ്യത്തിനും ഇടയിൽ ഹോങ്കോങ്ങിൽ നിന്ന് രാജ്യത്തേക്കുള്ള വിമാന ബുക്കിംഗുകളിൽ 83 ശതമാനം കുറവുണ്ടായി.
1999-ലെ “ദി ഫ്യൂച്ചർ ഐ സോ” എന്ന മാംഗയിൽ കോവിഡ്-19 പാൻഡെമിക് പ്രവചിച്ച തത്സുകി ജൂലൈ അഞ്ചിന് ജപ്പാനിൽ ഒരു വലിയ ദുരന്തം ഉണ്ടാകുമെന്ന് അവകാശപ്പെട്ടു. “ജപ്പാനിൽ ഒരു വലിയ ദുരന്തം സംഭവിക്കും” -എന്നായിരുന്നു മുന്നറിയിപ്പ്.
ഈ വർഷം ജൂലൈ അഞ്ചിന് “ജപ്പാനും ഫിലിപ്പീൻസും തമ്മിലുള്ള കടൽ തീരത്തിനടിയിൽ ഒരു വിള്ളൽ തുറക്കുമെന്നും ഇത് തോഹോകു ഭൂകമ്പത്തിൽ ഉണ്ടായതിനേക്കാൾ മൂന്നിരട്ടി ഉയരമുള്ള തിരമാലകളെ കരയിലേക്ക് അയയ്ക്കുമെന്നും” പുനഃപ്രസിദ്ധീകരിച്ച മാംഗ മുന്നറിയിപ്പ് നൽകുന്നു.
സുനാമി / ഭൂകമ്പ പ്രവചനവുമായി ബന്ധപ്പെട്ട ആവശ്യകത കുത്തനെ കുറഞ്ഞതായി ചൂണ്ടിക്കാട്ടി. ഈ വർഷം ജൂലൈ, ഓഗസ്റ്റ് മാസങ്ങളിൽ കഗോഷിമ, കുമാമോട്ടോ തുടങ്ങിയ തെക്കൻ ജാപ്പനീസ് നഗരങ്ങളിലേക്കുള്ള വിമാന സർവീസുകൾ ഹോങ്കോംഗ് എയർലൈൻസ് നിർത്തിവച്ചു.
പ്രവചന തീയതി അടുക്കുമ്പോൾ ഹോങ്കോങ്ങിൽ നിന്നുള്ള ഫ്ലൈറ്റ് ബുക്കിംഗുകളും കഴിഞ്ഞ വർഷത്തെ അപേക്ഷിച്ച് 50 ശതമാനം കുറഞ്ഞുവെന്ന് ബ്ലൂംബെർഗ് ഇൻ്റെലിജൻസ് റിപ്പോർട്ട് ചെയ്യുന്നു. പ്രാദേശിക വിമാനക്കമ്പനികൾ, പ്രത്യേകിച്ച് ബോയിംഗ് വിമാനങ്ങൾ സർവീസ് നടത്തുന്നവ, റദ്ദാക്കലുകളിൽ 15-20 ശതമാനം വർദ്ധനവ് രേഖപ്പെടുത്തി.
ഏപ്രിൽ, മെയ് മാസങ്ങളിലെ വസന്തകാല അവധിക്കാല ബുക്കിംഗുകൾ മുൻ വർഷത്തേക്കാൾ പകുതിയായി കുറഞ്ഞുവെന്ന് ഹോങ്കോംഗ് ട്രാവൽ ഏജൻസി അറിയിച്ചു. ഭയാനകമായ പ്രവചനം കാരണം നിരവധി യാത്രക്കാർ നിലവിലുള്ള ബുക്കിംഗുകൾ റദ്ദാക്കുകയോ മാറ്റിവയ്ക്കുകയോ ചെയ്യുന്നുണ്ട്.
ജാപ്പനീസ് ചെറി പുഷ്പാലങ്കാര സീസണിലും ഹോങ്കോങ്ങിലെ ഈസ്റ്റർ അവധി ദിവസങ്ങളിലും ഡിമാൻഡ് പലപ്പോഴും കൂടുതലായിരിക്കും എന്നതിനാൽ വസന്ത കാലത്തേക്കുള്ള റിസർവേഷനുകൾ മുൻ വർഷങ്ങളെ അപേക്ഷിച്ച് കുറവാണെന്ന് ഗ്രേറ്റർ ബേ എയർലൈൻസ് തുടക്കത്തിൽ ആശയ കുഴപ്പത്തിൽ ആക്കിയതായി ദി ഗാർഡിയൻ റിപ്പോർട്ട് ചെയ്തു.
കിംവദന്തികൾ അവഗണിക്കാനും ശാന്തത പാലിക്കാനും മിയാഗി പ്രിഫെക്ചർ ഗവർണർ യോഷിഹിരോ മുറായി ജനങ്ങളോട് അഭ്യർത്ഥിച്ചു. “ജപ്പാൻകാർ വിദേശത്തേക്ക് പലായനം ചെയ്യുന്നില്ല എന്നതിനാൽ വിഷമിക്കേണ്ട കാര്യമില്ല… ആളുകൾ കിംവദന്തികൾ അവഗണിച്ച് സന്ദർശിക്കുമെന്ന് ഞാൻ പ്രതീക്ഷിക്കുന്നു,” -അദ്ദേഹം പറഞ്ഞു.
2011 മാർച്ചിലെ തോഹോകു ഭൂകമ്പവും സുനാമിയും, ഡയാന രാജകുമാരിയുടെ മരണം, ഫ്രെഡി മെർക്കുറിയുടെ വിയോഗം, കോവിഡ് -19 പാൻഡെമിക് എന്നിവയുൾപ്പെടെ നിരവധി പ്രധാന സംഭവങ്ങൾ അവർ പ്രവചിച്ചിട്ടുണ്ട്. 2030ൽ പുതിയതും മാരകവുമായ ഒരു തരം കോവിഡ് തിരിച്ചു വരുമെന്നും അവർ അവകാശപ്പെടുന്നു.
വാർത്തകൾക്ക് ഗ്രൂപ്പിൽ അംഗമാകാം:
