ഇന്ത്യൻ ചലച്ചിത്രമേഖലയിൽ ഒരു പ്രത്യേക അധ്യായം എഴുതിയ സൂപ്പർസ്റ്റാർ രജനീകാന്ത് തന്റെ സിനിമാ ജീവിതത്തിൽ 50 വർഷം പൂർത്തിയാക്കിയിരിക്കുകയാണ് . ഈ ചരിത്ര അവസരത്തിൽ പ്രധാനമന്ത്രി നരേന്ദ്ര മോദി അദ്ദേഹത്തിന് ഹൃദയംഗമമായ ആശംസകൾ നേർന്നു. രജനീകാന്തിന്റെ സിനിമാ യാത്ര പ്രചോദനാത്മകവും ചരിത്രപരവുമാണെന്ന് അദ്ദേഹം പ്രശംസിച്ചു.
“സിനിമാമേഖലയിൽ 50 മഹത്തായ വർഷങ്ങൾ പൂർത്തിയാക്കിയ രജനീകാന്തിന് എന്റെ അഭിനന്ദനങ്ങൾ. അദ്ദേഹത്തിന്റെ സിനിമാ യാത്ര ഒരു ചരിത്ര നാഴികക്കല്ലാണ്.”- പ്രധാനമന്ത്രി മോദി പറഞ്ഞു. വൈവിധ്യമാർന്ന വേഷങ്ങളിലെ അദ്ദേഹത്തിന്റെ അത്ഭുതകരമായ പ്രകടനത്തെ പ്രധാനമന്ത്രി പ്രശംസിച്ചു, തലമുറകളുടെ ഹൃദയങ്ങളിൽ മായാത്ത മുദ്ര പതിപ്പിച്ചതായി അദ്ദേഹം പറഞ്ഞു.
ഭാവിയിൽ രജനീകാന്തിന് കൂടുതൽ വിജയങ്ങൾ നേടാനും നല്ല ആരോഗ്യത്തോടെ സന്തോഷവാനായിരിക്കാനും ആത്മാർത്ഥമായി ആശംസിക്കുന്നതായി മോദി തന്റെ സന്ദേശത്തിൽ കൂട്ടിച്ചേർത്തു .
