2025 നവംബർ 10ന് ഇന്ത്യൻ ദേശീയ തലസ്ഥാനത്ത് 15 പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്ത ചെങ്കോട്ട സ്ഫോടനം, സമീപ വർഷങ്ങളിൽ നടന്ന ഏറ്റവും പ്രധാനപ്പെട്ട ഭീകരാ ആക്രമണങ്ങളിൽ ഒന്നായി കണക്കാക്കപ്പെടുന്നു. അത് ആസൂത്രണം ചെയ്ത രീതി മാത്രമല്ല, തീവ്രവാദത്തിൻ്റെ മാറി കൊണ്ടിരിക്കുന്ന സ്വഭാവത്തെ കുറിച്ച് അന്വേഷണം വെളിപ്പെടുത്തിയ കാര്യങ്ങളും ഇതിന് കാരണമായി.
ഡൽഹി പോലീസും ദേശീയ അന്വേഷണ ഏജൻസിയും ഒന്നിലധികം മാധ്യമങ്ങളും ഉദ്ധരിച്ച ഉദ്യോഗസ്ഥർ പറയുന്നതനുസരിച്ച്, ആക്രമണത്തിന് പിന്നിലെ മൊഡ്യൂൾ പരമ്പരാഗത കാലാൾപ്പടയാളികളല്ല. മറിച്ച് സ്വകാര്യ സർവകലാ ശാലകളുമായും ചാരിറ്റബിൾ സ്ഥാപനങ്ങളുമായും ബന്ധപ്പെട്ട ഡോക്ടർമാർ ഉൾപ്പെടെയുള്ള ഉന്നത വിദ്യാഭ്യാസം നേടിയ യുവ പ്രൊഫഷണലുകൾ ആയിരുന്നു.
ഡോ. മുസമ്മിലിൻ്റെയും മറ്റ് നിരവധി പേരുടെയും അറസ്റ്റ്, ഫരീദാബാദ് ആസ്ഥാനമായുള്ള ഒരു വലിയ ബോംബ് നിർമ്മാണ ശൃംഖലയുടെ കണ്ടെത്തൽ, ചെങ്കോട്ടക്ക് സമീപം ഡോ. ഉമർ മുഹമ്മദ് നബിയുടെ സ്ഫോടനാത്മകമായ മരണം. മുമ്പ് ഇൻ്റെലിജൻസ് റഡാറിൽ പെടാത്ത വ്യക്തികളെ തീവ്രവാദി റിക്രൂട്ടർമാർ ഇപ്പോൾ എങ്ങനെ ലക്ഷ്യമിടുന്നു എന്നതിനെ കുറിച്ചുള്ള അടിയന്തിര ചോദ്യങ്ങൾ അന്വേഷകരെ സംബന്ധിച്ചിടത്തോളം ഉയർത്തുന്നു.
അന്വേഷണത്തിൽ അതിർത്തി കടന്നുള്ള ബന്ധങ്ങളും കണ്ടെത്തിയിട്ടുണ്ട്. കുറ്റാരോപിതനായ ഒരു ഡോക്ടറുടെ സഹോദരനെ ഇന്ത്യയിൽ കസ്റ്റഡിയിലെടുത്തു. ഖാസിഗുണ്ടിൽ നിന്നുള്ള ഡോ. മുസാഫർ അഫ്ഗാനിസ്ഥാനിൽ താമസിക്കുന്നതായി കരുതപ്പെടുന്നു.
