പ്രഖ്യാപനം മുതൽ പ്രേക്ഷകർ ഓരോ അപ്ഡേഷൻ വരാനും ആകാംഷയോടെ കാത്തിരിക്കുന്ന സിനിമയാണ് സൂര്യ 44 എന്ന് പ്രഖ്യാപിച്ച നടൻ സൂര്യയുടെ കരിയറിലെ 44 ആമത് സിനിമ. പ്രേക്ഷകരെ ആവേശം കൊള്ളിക്കുന്ന സംവിധായകൻ – നടൻ താര കോമ്പിനേഷൻ ആണ് ഈ ആകാംഷയുടെ പ്രധാന കാരണം.
ജിഗര്തണ്ട ഡബിള് എക്സിന് ശേഷം കാര്ത്തിക് സുബ്ബരാജ് സംവിധാനം ചെയ്യുന്ന ചിത്രം സൂര്യയുടെ കരിയറിലെ 44-ാമത്തെ ചിത്രവുമാണ്. സിനിമയുടെ ചിത്രീകരണത്തിനായി സൂര്യ ഇന്നലെ ആന്ഡമാനിലെ പോര്ട്ട് ബ്ലെയറില് എത്തിയത് വാര്ത്താപ്രാധാന്യം നേടിയിരുന്നു. ഇപ്പോഴിതാ ചിത്രത്തിന്റെ മറ്റൊരു അപ്ഡേറ്റ് കൂടി പുറത്തുവിട്ടിരിക്കുകയാണ് അണിയറക്കാര്
രാത്രി 8 മണിക്ക് ചിത്രത്തിന്റെ അപ്ഡേഷൻ ഉണ്ടെന്ന അണിയറ പ്രവർത്തകരുടെ പ്രഖ്യാപനം മുതൽ വമ്പൻ കാത്തിരിപ്പ് ആയിരുന്നു ആരാധകർക്ക്. ചിത്രത്തിന്റെ ആദ്യ പ്രൊമോഷണല് മെറ്റീരിയലായി കാര്ത്തിക് സുബ്ബരാജ് ചിത്രീകരിച്ച ഫസ്റ്റ് ഷോട്ട് തന്നെയാണ് അണിയറക്കാര് പുറത്തുവിട്ടിരിക്കുന്നത്.
കടലിന് അഭിമുഖമായുള്ള, ബാല്ക്കണിയെന്ന് തോന്നിപ്പിക്കുന്ന സ്ഥലത്ത് കടലിലേക്ക് നോക്കിയിരിക്കുന്ന സൂര്യയാണ് പുറത്തെത്തിയ വീഡിയോയില് ഉള്ളത്. പഴയ കാലത്തെ കഥയെന്ന് തോന്നിപ്പിക്കുന്ന തരത്തില് വിന്റേജ് ഗെറ്റപ്പിലാണ് വീഡിയോയില് സൂര്യ. ആവേശകരമായ പ്രതികരണങ്ങളാണ് വീഡിയോയ്ക്ക് ആരാധകരില് നിന്ന് ലഭിക്കുന്നത്.
മലയാളത്തില് നിന്ന് ജയറാമും ജോജു ജോര്ജും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നുണ്ട്. പൂജ ഹെഗ്ഡെ നായികയാവുന്ന ചിത്രത്തില് കരുണാകരനും ഒരു ശ്രദ്ധേയ കഥാപാത്രമായി എത്തുന്നു. മാര്ച്ച് 28 ന് പ്രഖ്യാപിച്ച ചിത്രമാണ് ഇത്. ലവ് ലാഫ്റ്റര് വാര് എന്നാണ് ചിത്രത്തിന്റെ ടാഗ് ലൈന്.
പൊന്നിയില് സെല്വനിലെ പ്രേക്ഷകശ്രദ്ധ നേടിയ ആഴ്വാര്കടിയന് നമ്പിക്ക് ശേഷം ജയറാമിന് പ്രതിഭ തെളിയിക്കാന് സാധിക്കുന്ന റോള് ആയിരിക്കും കാര്ത്തിക് സുബ്ബരാജ് ചിത്രത്തിലേതെന്നാണ് ആരാധകര് പ്രതീക്ഷിക്കുന്നത്. അതേസമയം കങ്കുവ എന്ന ചിത്രമാണ് സൂര്യയുടേതായി അടുത്ത് പുറത്തെത്തുക.
വമ്പൻ താര നിരയും, സംവിധായകൻ, അണിയറ പ്രവർത്തകർ എന്നിങ്ങനെ സിനിമയുടെ എല്ലാ ഘടകങ്ങളും ആകാംഷ നൽകുന്നതിനാൽ തന്നെ പ്രേക്ഷകരെ ഞെട്ടിച്ചുകൊണ്ടാകും ഓരോ കാര്യങ്ങളും പുറത്ത് വരിക എന്നതാണ് റിപ്പോർട്ടുകൾ.
