നോമിലേക്കുള്ള യാത്രാമധ്യേ പത്ത് യാത്രക്കാരുമായി അലാസ്‌കക്ക് മുകളിലൂടെ പറന്നുയർന്ന് ഒരു മണിക്കൂറിന് ശേഷം ഒരു യുഎസ് വിമാനം ആകാശത്ത് കാണാതായി. പെട്ടെന്ന് ബന്ധം നഷ്‌ടപ്പെട്ടതായി അലാസ്‌കയിലെ പൊതുസുരക്ഷാ വകുപ്പ് അറിയിച്ചു. ഉനലക്ലീറ്റിൽ നിന്ന് പറന്നുയർന്ന് ഒരു മണിക്കൂറിന് ശേഷം വിമാനം അപ്രത്യക്ഷമായി.
ചെറിയ ടർബോപ്രോപ്പ് സെസ്‌ന കാരവൻ വിമാനത്തിൽ ഒമ്പത് യാത്രക്കാരും ഒരു പൈലറ്റും ഉണ്ടായിരുന്നുവെന്ന് റോയിട്ടേഴ്‌സ് റിപ്പോർട്ട് ചെയ്‌തു. ഉനലക്ലീറ്റിൽ നിന്ന് വ്യാഴാഴ്‌ച പ്രാദേശിക സമയം 14.38ന് (2338 GMT) പുറപ്പെട്ട് 38 മിനിറ്റിനുശേഷം ബെറിംഗ് എയർ വിമാനം അവസാനമായി ഫ്ലൈറ്റ് റാഡാർ 24 ട്രാക്ക് ചെയ്‌തു. പറക്കാൻ സാധാരണയായി ഒരു മണിക്കൂർ എടുക്കും. വിമാനത്തിൻ്റെ സ്ഥാനം സംബന്ധിച്ച് ഇതുവരെ ഒരു പ്രതികരണവും ലഭിച്ചിട്ടില്ല.
യുഎസ് സർക്കാരിൻ്റെ നാഷണൽ ഇൻസ്റ്റിറ്റ്യൂട്ട് ഓഫ് ഒക്യുപേഷണൽ സേഫ്റ്റി ആൻഡ് ഹെൽത്തിൻ്റെ കണക്കനുസരിച്ച് അലാസ്‌കയിൽ നിരവധി വിമാന അപകടങ്ങൾ സംഭവിച്ചിട്ടുണ്ട്. ഇത് മറ്റ് യുഎസ് സംസ്ഥാനങ്ങളെ അപേക്ഷിച്ച് കൂടുതലാണ്.
പർവതനിരകളും വെല്ലുവിളി നിറഞ്ഞ കാലാവസ്ഥയും നിറഞ്ഞ ഈ പ്രദേശത്ത് പല ഗ്രാമങ്ങളും റോഡുകൾ വഴി ശരിയായി ബന്ധിപ്പിച്ചിട്ടില്ല. അതിനാൽ ചെറിയ വിമാനങ്ങൾ ആളുകളെയും സാധനങ്ങളെയും കൊണ്ടുപോകുന്നുവെന്ന് എപി റിപ്പോർട്ട് ചെയ്‌തു.
