ഇറാനെതിരായ ഇസ്രായേലിന്റെയും അമേരിക്കയുടെയും ശത്രുത അടിസ്ഥാനരഹിതവും ന്യായീകരിക്കാനാവാത്തതുമാണെന്ന് റഷ്യൻ പ്രസിഡന്റ് വ്ളാഡിമിർ പുടിൻ ഇറാൻ വിദേശകാര്യ മന്ത്രി അബ്ബാസ് അരാഗ്ചിയോട് പറഞ്ഞു. ഇറാനിയൻ ആണവ കേന്ദ്രങ്ങളിൽ യുഎസ് നടത്തിയ ആക്രമണങ്ങളുടെ പശ്ചാത്തലത്തിൽ, റഷ്യയുമായുള്ള കൂടുതൽ അടുത്തതും ഗൗരവമേറിയതുമായ കൂടിയാലോചനകൾക്ക് വേണ്ടി ഈ സന്ദർശനം ആവശ്യമാണെന്ന് തിങ്കളാഴ്ച മോസ്കോയിൽ വന്നിറങ്ങി റഷ്യൻ പ്രസിഡന്റുമായി കൂടിക്കാഴ്ച നടത്തിയ ഉന്നത ഇറാനിയൻ നയതന്ത്രജ്ഞൻ നേരത്തെ പറഞ്ഞിരുന്നു .
ക്രെംലിനിൽ നടന്ന യോഗത്തിൽ, ഇറാനെതിരായ ആക്രമണങ്ങളെ “ഒരു പ്രകോപനവുമില്ലാത്ത ആക്രമണം” എന്നാണ് പുടിൻ വിശേഷിപ്പിച്ചത്, അതിന്ഒ രു ന്യായീകരണവുമില്ല എന്ന് അദ്ദേഹം പറയുകയും ചെയ്തു. ഇസ്രായേലിന്റെയും യുഎസിന്റെയും പ്രവർത്തനങ്ങൾ നിയമവിരുദ്ധവും അന്താരാഷ്ട്ര മാനദണ്ഡങ്ങൾ ലംഘിക്കുന്നതുമാണെന്ന് അദ്ദേഹം കൂട്ടിച്ചേർത്തു.
മോസ്കോയിൽ അരഘിച്ചിയെ കണ്ടതിൽ സന്തോഷമുണ്ടെന്ന് റഷ്യൻ നേതാവ് പറഞ്ഞു, തന്റെ സന്ദർശനം റഷ്യയ്ക്കും ഇറാനും “ഈ അടിയന്തിര വിഷയങ്ങൾ ചർച്ച ചെയ്യാനും നിലവിലെ സാഹചര്യത്തിൽ നിന്ന് ഒരു വഴി കണ്ടെത്തുന്നതിനെക്കുറിച്ച് സംയുക്തമായി ചിന്തിക്കാനും” അനുവദിക്കുമെന്ന് പറഞ്ഞു. “റഷ്യ ഇന്ന് ചരിത്രത്തിന്റെയും അന്താരാഷ്ട്ര നിയമത്തിന്റെയും വലതുവശത്താണ് നിൽക്കുന്നത്” എന്ന് പറഞ്ഞുകൊണ്ട് പുടിന്റെ വിലയിരുത്തലിനോട് അരാഗ്ചി യോജിച്ചു.
ഇസ്രായേലിലെ ലക്ഷ്യങ്ങൾ ആക്രമിക്കുന്നതിലൂടെ, ഇറാൻ തങ്ങളുടെ പരമാധികാരം നിയമാനുസൃതമായ രീതിയിൽ സംരക്ഷിക്കുകയാണെന്ന് നയതന്ത്രജ്ഞൻ ഊന്നിപ്പറഞ്ഞു. അതേസമയം, ഇറാൻ ആണവായുധം സ്വന്തമാക്കുന്നതിന്റെ വക്കിലാണെന്ന് അവകാശപ്പെട്ടുകൊണ്ടാണ് ഇസ്രായേലും യുഎസും ഇറാനെതിരായി ആക്രമിക്കുന്നതിന്റെ കാരണം. സമാധാനപരമായ ഒരു ആണവ പദ്ധതി പിന്തുടരാനുള്ള തങ്ങളുടെ അവകാശത്തെ പ്രതിരോധിക്കുമ്പോൾ തന്നെ, തങ്ങൾ ഒരു ബോംബ് നിർമ്മിക്കുന്നില്ലെന്ന് ഇറാൻ അധികാരികൾ ആവർത്തിച്ച് തറപ്പിച്ചുപറഞ്ഞിട്ടുണ്ട്.
