ക്രിസ്റ്റഫർ നോളൻ വ്യത്യസ്തമായ ഫിലിം മേക്കിങ് ശൈലി കൊണ്ട് ഓരോ സിനിമാ പ്രേമികളെയും ഞെട്ടിക്കുന്ന സംവിധായകനാണ്. നോളൻ്റെ ഓരോ സിനിമയ്ക്കും ആരാധകർ ഏറെയാണ് . അതിനാൽത്തന്നെ അദ്ദേഹത്തിൻ്റെ ഓരോ സിനിമക്കായും കാത്തിരിക്കുന്നവർ ഏറെയാണ്. ഏറെ പ്രേക്ഷക പ്രശംസ നേടിയ ക്രിസ്റ്റഫർ നോളൻ ചിത്രമായിരുന്നു ‘ഇൻ്റെർസ്റ്റെല്ലാർ’. ഒരു സയൻസ് ഫിക്ഷൻ ഡ്രാമയായി ഒരുങ്ങിയ സിനിമക്ക് ഇന്നും ഏറെ സ്വീകാര്യതയുണ്ട്.
ഇന്ത്യ ഒഴികെയുള്ള രാജ്യങ്ങളിൽ സിനിമയുടെ പത്താം വാർഷികത്തോട് അനുബന്ധിച്ച് ചിത്രം വീണ്ടും ഐമാക്സിൽ റീ റിലീസിന് എത്തിയിരുന്നു. ഇപ്പോഴിതാ എല്ലാവരും കാത്തിരുന്ന ചിത്രത്തിൻ്റെ ഇന്ത്യയിലെ റീ റിലീസ് തീയതി പുറത്തു വിട്ടിരിക്കുകയാണ് അണിയറ പ്രവർത്തകർ. ഫെബ്രുവരി എഴിന് ഇന്ത്യയിൽ ഒട്ടാകെയുള്ള ഐമാക്സ് സ്ക്രീനുകളിൽ ഇൻ്റെർസ്റ്റെല്ലാർ വീണ്ടുമെത്തും.
നിർമാതാക്കളായ വാർണർ ബ്രോസ് തന്നെയാണ് ഈ വാർത്ത സോഷ്യൽ മീഡിയയിലൂടെ പുറത്തുവിട്ടത്. മാത്യു മക്കോനാഗെ, ആൻ ഹാത്ത്വേ, ജെസ്സിക്ക ചാസ്റ്റൈൻ, മൈക്കൽ കെയ്ൻ തുടങ്ങിയവരായിരുന്നു ചിത്രത്തിൽ പ്രധാന വേഷങ്ങളിൽ എത്തിയത്.
തിയേറ്ററുകളിൽ ഇതിന് മുമ്പും ‘ഇൻ്റെർസ്റ്റെല്ലാർ’ റീ റിലീസ് ചെയ്തിട്ടുണ്ട്. 165 മില്യൺ ഡോളറിൽ ഒരുങ്ങിയ സിനിമ ആഗോള ബോക്സ് ഓഫീസിൽ നിന്നും നേടിയത് 730.8 മില്യൺ ഡോളറാണ്. പത്താം വാര്ഷികത്തോട് അനുബന്ധിച്ച് ഇപ്പോഴത്തെ റീറിലീസിലും പത്ത് ദിവസത്തിനുള്ളില് ഇൻ്റർസ്റ്റെല്ലാർ 10.8 മില്യൺ ഡോളറാണ് നേടിയത്. ഇതോടെ എക്കാലത്തെയും ഉയർന്ന കളക്ഷൻ നേടിയ റീ- റിലീസായി ഇൻ്റെർസ്റ്റെല്ലാർ മാറി.
ഇൻ്റെർസ്റ്റെല്ലാറിന് ഇന്ത്യയിൽ റീ റിലീസ് നിഷേധിച്ചത് അല്ലു അർജുൻ സിനിമയായ പുഷ്പ 2 കാരണമാണെന്ന് വാർത്തകൾ ഉണ്ടായിരുന്നു. ഇന്റര്സ്റ്റെല്ലാർ ഇന്ത്യയിൽ റിലീസ് ചെയ്യാത്തതിൽ ആരാധകർ നിരാശ പ്രകടിപ്പിച്ചിരുന്നു.
നാലാമിടം.ഇൻ വാർത്തകൾ വാട്സ്ആപ്പിൽ ലഭ്യമാണ്: https://chat.whatsapp.com/JmHsAerjLkJCTZzScJzvcc
A platform https://nalamidam.net/ for people who are looking for news and insights that are not influenced by political or corporate agendas. Its commitment to ethical and humane journalism has helped it become a trusted source of news and insights for its readers.
