ഭാവിയിൽ ഒരു പകർച്ചവ്യാധിക്ക് കാരണമായേക്കാവുന്ന ഒരു സാങ്കൽപ്പികവും അജ്ഞാതവുമായ രോഗകാരിയെ പ്രതിനിധീകരിക്കുന്നതിനായി 2018 ഫെബ്രുവരിയിൽ ലോകാരോഗ്യ സംഘടന (WHO) അവരുടെ ബ്ലൂപ്രിന്റ് മുൻഗണനാ രോഗങ്ങളുടെ ഷോർട്ട്‌ലിസ്റ്റിൽ സ്വീകരിച്ച ഒരു പ്ലെയ്‌സ്‌ഹോൾഡർ പേരാണ് ഡിസീസ് എക്സ് .
അജ്ഞാതമായ ഒരു രോഗകാരിയുമായി (ഉദാ: വിശാലമായ വാക്സിനുകളും നിർമ്മാണ സൗകര്യങ്ങളും) പൊരുത്തപ്പെടാൻ അവരുടെ ആസൂത്രണം മതിയായ വഴക്കമുള്ളതാണെന്ന് ഉറപ്പാക്കാൻ ലോകാരോഗ്യ സംഘടന പ്ലെയ്‌സ്‌ഹോൾഡർ നാമം സ്വീകരിച്ചു. എന്നാൽ, ഈ പകർച്ചവ്യാധി എന്തായിരിക്കുമെന്നോ, അതിൻറെ രോഗലക്ഷണങ്ങൾ എങ്ങനെ പ്രകടമാവുമെന്നോ, അതിനു കാരണക്കാരായ രോഗാണുക്കൾ ഏതാവുമെന്നോ ഉള്ള വിവരങ്ങൾ ഇപ്പോൾ ശാസ്ത്രലോകത്തിന് അജ്ഞാതമാണ്.
ഏതെങ്കലിലും ഒരു പ്രത്യേക രോഗത്തെ പരാമർശിക്കാതെ ഒരു ആശയമായിട്ടാണ് ലോകാരോഗ്യ സംഘടന ഈ പേര് നിർദ്ദേശിച്ചിട്ടുള്ളത്. ചില മുഖ്യധാരാ മാധ്യമങ്ങൾ ഇത് ഒരുപക്ഷെ ഒരു ജൈവായുധമായിരിക്കുമെന്ന വിവക്ഷയും ഉൾപ്പെടുത്തിയിട്ടുണ്ട്. ഇത് ഒരു സൂനോട്ടിക് അണുബാധ ( മൃഗങ്ങളിൽ നിന്ന് മനുഷ്യരിലേക്കു പകരുന്ന പകർച്ച വ്യാധി) ആയിരിക്കാമെന്നാണ് ഭൂരിപക്ഷാഭിപ്രായം . 2020 ജനുവരിയിൽ, ഏതാനും ബ്രിട്ടീഷ് വാർത്താ മാധ്യമങ്ങൾ 2019–20-ലെ വുഹാൻ കൊറോണ വൈറൽ രോഗത്തെ “ഡിസീസ് എക്സ്” എന്ന് വിശേഷിപ്പിച്ചിട്ടുണ്ട്.
ഈയടുത്തകാലത്ത് സാർസ് ( 2003, SARS ), എച്5 എൻ1(2003, H5N1) , പാൻഡെമിക് എച്1എൻ1(2009, Pandmic H1N1), മെർസ്-സിഒവി(2012, MERS-CoV ) എബോള(2014, EBOLA), നിപ, സിക്ക വൈറസുകൾ ലോകത്തിനാകമാനം ഭീഷണിയായിത്തീർന്നു . ഇത്തരം രോഗഭീഷണികൾ ഉരുത്തിരിയുന്നതിൻറെ മൂലകാരണങ്ങൾ കണ്ടെത്തുന്നതിലൂടെ, ഭാവിഭീഷണികളെ മുൻകൂട്ടി കണ്ടറിഞ്ഞ്, അവയെ ഫലപ്രദമായി നിയന്ത്രണത്തിലാക്കാനും നിർവീര്യപ്പെടുത്താനുമുള്ള നടപടികൾ കൈക്കൊള്ളാൻ ലോകാരോഗ്യസംഘടന തീരുമാനിച്ചു. ഈ പശ്ചാത്തലത്തിലാണ്, ഒരു കരുതൽ നടപടി എന്ന നിലക്ക് മാരകരോഗങ്ങളുടെ മൂലപട്ടികയിൽ ഡിസീസ് എക്സ് എന്ന പേരു കൂടി ചേർക്കപ്പെട്ടത്
