ഈ കാലഘട്ടത്തിൽ പാക്കഡ് ഭക്ഷണങ്ങൾ ജീവിതശൈലിയുടെ ഭാഗമായി തീർന്നിട്ടുണ്ട്. പച്ചക്കറി മുതൽ പലഹാരം വരെ കറി മസാല മുതൽ റെഡിമെയ്‌ഡ്‌ ഭക്ഷണം വരെ എല്ലാം പാക്കഡ് ആകുന്ന ഇന്നത്തെ കാലത്ത് അതിൻ്റെ ആരോഗ്യ പ്രവർത്തനങ്ങളെ കുറിച്ചുള്ള അവബോധം അത്രയും ശക്തമല്ല. എന്നാൽ, പാക്കഡ് ഭക്ഷണങ്ങൾ എത്രമാത്രം ഗുരുതരമായ ആരോഗ്യ പ്രശ്നങ്ങൾ ഉണ്ടാക്കുന്നു എന്ന് വെളിപ്പെടുത്തുന്ന ഒരു പുതിയ പഠനം ഭീതിജനകമാണ്.
സമീപകാലത്ത് ഫുഡ് പാക്കേജിങ് ഫൗണ്ടേഷൻ എന്ന എൻജിഒ നടത്തിയ പഠനത്തിൽ, പാക്കഡ് ഭക്ഷണങ്ങളിൽ കാണപ്പെടുന്ന 3600ൽ പരം മാരക രാസവസ്‌തുക്കളെ മനുഷ്യ ശരീരത്തിൽ കണ്ടെത്തിയിരിക്കുകയാണ്. ഈ രാസവസ്‌തുക്കളുടെ സാന്നിധ്യം നിരന്തരം പാക്കഡ് ഭക്ഷണങ്ങൾ ഉപയോഗിക്കുന്നവർക്ക് നേരിടേണ്ടി വരുന്ന പ്രധാനമായ ഭീഷണിയാണ്. ബിസ്‌ഫെനോൾ എ, താലേറ്റ്സ്, ഒളിഗോമേഴ്‌സ് എന്നീ രാസവസ്‌തുക്കളാണ് ഏറ്റവും അപകടകരമെന്ന് പഠനത്തിൽ ചൂണ്ടിക്കാണിക്കപ്പെട്ടത്.
ഹോർമോൺ പ്രവർത്തനത്തെ തന്നെ ബാധിക്കുന്ന ഈ രാസവസ്‌തുക്കൾ, ചില രാജ്യങ്ങളിൽ നിരോധിച്ചിട്ടുള്ളവയാണ്. അവയുമായി സമാനമായ മറ്റ് രാസവസ്‌തുക്കൾ പല തരങ്ങളിലൂടെയും മനുഷ്യ ശരീരത്തിലേക്ക് പ്രവേശിക്കുന്നുണ്ടെന്ന് പഠനം വ്യക്തമാക്കുന്നു. പ്രത്യേകിച്ച് ഈ രാസവസ്‌തുക്കളുടെ ഒരു ഭാഗം ഇത്തരം ഭക്ഷണങ്ങളിലൂടെ മാത്രമല്ല മറ്റ് വഴികളിലൂടെയും ശരീരത്തിലേക്ക് എത്തുന്നതാണ് ഈ പഠനത്തിൻ്റെ മറ്റൊരു ഞെട്ടിക്കുന്ന നിഗമനം.
